ദുഹൈലിൻെറ ‘എംബാപ്പെ’

ദോ​ഹ: ബ്ര​സീ​ലി​യ​ൻ സൂ​പ്പ​ർ​താ​രം ഫി​ലി​പ്​ കു​ടീ​ന്യോ​യും ഏ​ഷ്യ​ൻ ഫു​ട്​​ബാ​ൾ പു​ര​സ്​​കാ​ര ജേ​താ​വ്​ അ​ൽ മു​ഇ​സ്​ അ​ലി​യും അ​ണി​നി​ര​ക്കു​ന്ന അ​ൽ ദു​ഹൈ​ലി​ന്റെ​ ഡ്ര​സി​ങ്​ റൂ​മി​ൽ കൂ​ട്ടു​കാ​രു​ടെ ‘എം​ബാ​പ്പെ’​യാ​ണ്​ മ​ല​യാ​ളി​ക​ളു​ടെ ത​ഹ്​​സി​ൻ. സീ​നി​യ​ർ താ​ര​ങ്ങ​ൾ​ക്കി​ട​യി​ലെ പ​തി​നേ​ഴു​കാ​ര​നാ​യ കു​ഞ്ഞ​നു​ജ​ൻ പ​ക്ഷേ, ക​ളി​ക്ക​ള​ത്തി​ലെ വേ​ഗ​ത്തി​ൽ അ​വ​രെ​യും അ​തി​ശ​യി​പ്പി​ക്കു​ന്നു. വി​ങ്ങി​ലൂ​ടെ​യു​ള്ള അ​തി​വേ​ഗ നീ​ക്ക​വും പ​ന്ത​ട​ക്ക​വു​മാ​ണ്​ ത​ഹ്​​സി​നെ ടീ​മം​ഗ​ങ്ങ​ൾ​ക്കി​ട​യി​ലെ എം​ബാ​പ്പെ​യാ​ക്കി മാ​റ്റി​യ​ത്. ഇ​ട​തു വി​ങ്ങാ​ണ്​ ത​ഹ്​​സി​ന്റെ ഇ​ഷ്​​ട പൊ​സി​ഷ​ൻ. പ​ന്തു​മാ​യി കു​തി​ച്ചു​പാ​ഞ്ഞ്​ ഡ്രി​ബി​ൾ ചെ​യ്​​ത്​ സ​ഹ​താ​ര​ങ്ങ​ൾ​ക്ക്​ ഗോ​ള​ടി​ക്കാ​ൻ പാ​ക​ത്തി​ൽ എ​ത്തി​ക്കു​ന്ന നീ​ക്ക​ങ്ങ​ൾ അ​ണ്ട​ർ 16, 17 മ​ത്സ​ര​ങ്ങ​ളി​ൽ​ത​ന്നെ അ​വ​നെ താ​ര​മാ​ക്കി​യി​രു​ന്നു. ഈ ​മി​ക​വ്​ ക​ണ്ണി​ലു​ട​ക്കി​യ അ​ൽ ദു​ഹൈ​ൽ പ​രി​ശീ​ല​ക​ൻ ക്രി​സ്​​റ്റ​ഫ്​ ഗാ​ൾ​റ്റി​യ​റാ​ണ്​ ക​ഴി​ഞ്ഞ മാ​ർ​ച്ചി​ൽ ത​ഹ്​​സി​നെ യൂ​ത്ത്​ ടീ​മി​ൽ​നി​ന്ന് പ്രാ​യ​മെ​ല്ലാം മ​റ​ന്ന്​ സീ​നി​യ​ർ ടീ​മി​ലേ​ക്ക്​ വി​ളി​ക്കു​ന്ന​ത്. സ്വ​പ്​​ന​ത്തി​ലെ​ന്ന പോ​ലെ​യാ​യി​രു​ന്നു ആ ​വി​ളി. കു​ടീ​ന്യോ​യും മൈ​ക്ക​ൽ ഒ​ലും​ഗ​യും ക​രിം ബൗ​ദി​യാ​ഫു​മെ​ല്ലാ​മു​ള്ള ടീ​മി​ലേ​ക്ക്​ കു​റ​ഞ്ഞ മ​ത്സ​ര​ങ്ങ​ളി​ൽ​ത​ന്നെ അ​വ​ൻ സാ​ന്നി​ധ്യ​മ​റി​യി​ച്ചു. സ്​​റ്റാ​ർ​സ്​ ലീ​ഗി​ലും അ​മീ​ർ ക​പ്പി​ലും പു​റ​ത്തെ​ടു​ത്ത മി​ക​ച്ച പ്ര​ക​ട​ന​മാ​ണ്​ ദേ​ശീ​യ സീ​നി​യ​ർ ടീ​മി​ലേ​ക്കു​ള്ള വ​ഴി​യാ​യി മാ​റി​യ​ത്. ഇ​നി സീ​നി​യ​ർ ടീ​മി​ലും മി​ക​വു തെ​ളി​യി​ച്ചാ​ൽ, ലോ​ക​ക​പ്പി​ലേ​ക്ക്​ ല​ക്ഷ്യ​മി​ടു​ന്ന ഖ​ത്ത​ർ ദേ​ശീ​യ ടീ​മി​ൽ ഒ​രു മ​ല​യാ​ളി പ​ന്തു ത​ട്ടു​ന്ന നി​മി​ഷ​വും സ്വ​പ്​​നം ക​ണ്ടി​രി​ക്കാം.

പ​രി​​ക്കേ​റ്റു വീ​ണ സ്വ​പ്​​ന​ങ്ങ​ൾ മ​ക​നി​ലൂ​ടെ ബൂ​ട്ടു​കെ​ട്ടു​ന്നു

വി​ങ്ങു​ക​ൾ മാ​റി​മാ​റി ചാ​ട്ടു​ളി​വേ​ഗ​ത്തി​ൽ ത​ഹ്സി​ൻ പ​ന്തു​മാ​യി കു​തി​ക്കു​മ്പോ​ൾ, ആ ​ബൂ​ട്ടു​ക​ൾ​ക്ക് ഇ​ന്ത്യ​ൻ യൂ​ത്ത് ടീം ​ക്യാ​മ്പ് വ​രെ​യെ​ത്തി​യ ഒ​രു മു​ൻ കേ​ര​ള താ​ര​ത്തി​ന്‍റെ പാ​ര​മ്പ​ര്യ​മു​ണ്ട്. 1992ൽ ​അ​ഖി​ലേ​ന്ത്യ കി​രീ​ടം ചൂ​ടി​യ കാ​ലി​ക്ക​റ്റ് യൂ​നി​വേ​ഴ്സി​റ്റി ടീം ​അം​ഗ​വും ജോ​പോ​ൾ അ​ഞ്ചേ​രി​ക്കൊ​പ്പം കേ​ര​ള യൂ​ത്ത് ടീ​മി​ൽ ക​ളി​ക്കു​ക​യും ഇ​ന്ത്യ​ൻ ക്യാ​മ്പ് വ​രെ​യു​മെ​ത്തി​യ ക​ണ്ണൂ​ർ ത​ല​ശ്ശേ​രി​ക്കാ​ര​നാ​യ പി​താ​വ് ജം​ഷി​ദി​ന്‍റെ പ​ന്ത​ട​ക്കം. ഖ​ത്ത​റി​ൽ ജ​നി​ച്ചു​വ​ള​ർ​ന്ന ത​ഹ്സി​ൻ, ഖ​ത്ത​റി​ന്‍റെ കാ​യി​ക ന​ഴ്സ​റി​യാ​യ ആ​സ്പ​യ​ർ അ​ക്കാ​ദ​മി​യി​ൽ​നി​ന്നാ​ണ് ക​രു​ത്തു​റ്റ ഫു​ട്ബാ​ള​റാ​യി മാ​റു​ന്ന​ത്. ക​ഴി​ഞ്ഞ ആ​റു​വ​ർ​ഷ​മാ​യി ആ​സ്പ​യ​റി​ലാ​ണ് പ​രി​ശീ​ല​ന​വും പ​ഠ​ന​വു​മെ​ല്ലാം.

ഫു​ട്ബാ​ളി​നെ നെ​ഞ്ചേ​റ്റി​യ പി​താ​വി​ന്‍റെ പാ​ര​മ്പ​ര്യം ത​ന്നെ​യാ​ണ് ത​ഹ്സി​ന്‍റെ​യും ക​രു​ത്ത്. 1985ൽ ​കേ​ര​ള​ത്തി​ന്‍റെ സ​ബ്ജൂ​നി​യ​ർ ടീ​മി​ലും ശേ​ഷം ജൂ​നി​യ​ർ-​യൂ​ത്ത് ടീ​മു​ക​ളി​ലും ക​ളി​ച്ചും നാ​ലു വ​ർ​ഷം കാ​ലി​ക്ക​റ്റ് സ​ർ​വ​ക​ലാ​ശാ​ല ടീ​മി​ന്‍റെ താ​ര​മാ​യും തി​ള​ങ്ങി​യ ജം​ഷി​ദി​നെ പ​രി​ക്കാ​ണ് ക​ള​ത്തി​ൽ​നി​ന്ന് അ​ക​റ്റി​യ​ത്. ഒ​പ്പം ക​ളി​ച്ച ജോ​പോ​ൾ ഉ​ൾ​പ്പെ​ടെ​യു​ള്ള​വ​ർ രാ​ജ്യാ​ന്ത​ര മി​ക​വി​ലേ​ക്ക് പ​റ​ന്നു​യ​ർ​ന്ന​പ്പോ​ൾ ജം​ഷി​ദി​ന് പ​രി​ക്ക് റെ​ഡ്കാ​ർ​ഡ് വി​ളി​ച്ചു. തു​ട​ർ​ന്ന്, 23ാം വ​യ​സ്സി​ൽ പ്ര​വാ​സം വ​രി​ച്ച് ഖ​ത്ത​റി​ലെ​ത്തി​യെ​ങ്കി​ലും ഫു​ട്ബാ​ളി​ലെ പ്രി​യം വി​ട്ടി​ല്ല. അ​ൽ ഫൈ​സ​ൽ ഹോ​ൾ​ഡി​ങ്ങി​ൽ ജീ​വ​ന​ക്കാ​ര​നാ​യി​രി​ക്കെ ഒ​ഴി​വു​ദി​ന​ങ്ങ​ളി​ൽ ക​ളി​ക്ക​ള​ത്തി​ലേ​ക്കു​ള്ള യാ​ത്ര​യി​ൽ മ​ക്ക​ളാ​യ മി​ഷാ​ലി​നെ​യും ത​ഹ്​​സി​നെ​യും ഒ​പ്പം കൂ​ട്ടും. ആ ആ​വേ​ശ​മാ​ണ് ഇ​ള​യ മ​ക​ൻ ത​ഹ്സി​നെ ദേ​ശീ​യ ടീം ​വ​രെ എ​ത്തി​ക്കു​ന്ന​ത്.

അ​ൽ ഫൈ​സ​ൽ ഹോ​ൾ​ഡി​ങ്സി​നു കീ​ഴി​ൽ ത​ന്നെ​യു​ള്ള ശൈ​ഖ് ഫൈ​സ​ൽ ബി​ൻ ഖാ​സിം സ്പോ​ർ​ട്സ് അ​ക്കാ​ദ​മി​യി​ൽ പ​രി​ശീ​ല​ന​മാ​രം​ഭി​ച്ച ത​ഹ്സി​ന്‍റെ പ്ര​തി​ഭ കോ​ച്ചു​മാ​രാ​യ അ​ൽ​ജീ​രി​യ​ൻ സ​ഹോ​ദ​ര​ങ്ങ​ളാ​ണ് തി​രി​ച്ച​റി​യു​ന്ന​ത്. അ​വ​രു​ടെ നി​ർ​ദേ​ശ​ത്തെ​ത്തു​ട​ർ​ന്ന് ദു​ഹൈ​ൽ എ​ഫ്.​സി​യി​ലെ​ത്തി. ശേ​ഷ​മാ​ണ് ആ​സ്പ​യ​ർ അ​ക്കാ​ദ​മി​യി​ലേ​ക്ക് പ​രി​ശീ​ല​ന​ത്തി​ന് തി​ര​ഞ്ഞെ​ടു​ക്കു​ന്ന​ത്. ആ​സ്പ​യ​റി​നു കീ​ഴി​ൽ​ത​ന്നെ 12ാം ക്ലാ​സി​ലും പ​ഠി​ക്കു​ന്നു. വ​ള​പ​ട്ട​ണം സ്വ​ദേ​ശി ഷൈ​മ​യാ​ണ് മാ​താ​വ്.