സുവർണ യുഗത്തിന്​ അന്ത്യം? ചാമ്പ്യൻസ്​ ലീഗ്​ ക്വാർട്ടറിന്​ മെസ്സിയും ക്രിസ്റ്റ്യാനോയുമില്ല; 16 വർഷത്തിനിടെ ആദ്യം

ലണ്ടൻ: കളിയഴകും ഗ്ലാമറും ഇഴചേർന്നുനിന്ന രണ്ടു സൂപർ താരങ്ങളും അവരുടെ ക്ലബുകളും ഇത്തവണ ചാമ്പ്യൻസ്​ ലീഗ്​ പ്രീ ക്വാർട്ടർ കടക്കാനാവാതെ തോറ്റു മടങ്ങു​േമ്പാൾ പിറക്കുന്നത്​ പുതുചരിത്രം. 16 വർഷത്തിനിടെ ആദ്യമായാണ്​ ഇരുവരിലൊരാൾ പോലുമില്ലാതെ യൂറോപിന്‍റെ ചാമ്പ്യൻ ക്ലബിനെ കണ്ടെത്താനുള്ള ചാമ്പ്യൻസ്​ ലീഗ്​ ക്വാർട്ടറിന്​ ലൈനപ്പാകുന്നത്​.

മെസ്സി നയിച്ച കറ്റാലൻ സംഘം ഫ്രഞ്ച്​ കരുത്തരായ പി.എസ്​.ജിക്കു മുന്നിൽ ആദ്യപാദ കണക്കുകളിൽ തട്ടി തോറ്റപ്പോൾ യുവെ പോർച്ചുഗീസ്​ ക്ലബായ യുവെയോടും തോറ്റു മടങ്ങുകയായിരുന്നു. 2004/05 വർഷമായിരുന്നു ഏറ്റവുമൊടുവിൽ ഇരുവരുമില്ലാതെ ചാമ്പ്യൻസ്​ ലീഗ്​ ക്വാർട്ടറിന്​ വേദിയുണർന്നത്​. അന്നുപക്ഷേ, ക്രിസ്റ്റ്യാനോ മാഞ്ചസ്റ്റർ യുനൈറ്റഡിൽ കത്തിപ്പടർന്നു തുടങ്ങിയിരുന്നുവെന്നത്​ മാത്രമാണ്​ പറയാവുന്നത്​. ​െമസ്സി എല്ലാം തുടങ്ങുന്നേയുണ്ടായിരുന്നുള്ളൂ. ഏറ്റവുമൊടുവിൽ ഇരുവരും മുഖാമുഖം നിന്ന ഗ്രൂപ്​ ഘട്ടത്തിൽ ബാഴ്​സലോണ 3-0ന്​ ജയിച്ചിരുന്നു.

ഇരുവരും പുറത്താകുന്നതോടെ യൂറോപിന്‍റെ പുതിയ അവതാരങ്ങളായി ആഘോഷിക്കപ്പെടുന്ന കിലിയൻ എംബാപ്പെ, എർലിങ്​ ഹാലൻഡ്​ തുടങ്ങിയവർ അതേ പദവിയേറി തുടങ്ങിയെന്നതും ശ്ര​േദ്ധയം.

ബാഴ്​സലോണയിൽ മെസ്സിയുടെ കരാർ ഈ സീസണോടെ അവസാനിക്കുകയാണ്​. ജീൻ ലപ്പോർട്ട പുതിയ പ്രസിഡന്‍റായി എത്തിയ ക്ലബിൽ താരം അടുത്ത സീസണിലും ബൂട്ടണിയുമോ എന്ന്​ കണ്ടറിയണം. ​ഏറ്റവുമൊടുവിൽ പി.എസ്​.ജിക്കെതി​രായ മത്സരത്തിൽ പോലും ബാഴ്​സ മുന്നേറ്റവും മധ്യനിരയും എണ്ണയിട്ട യന്ത്രം കണക്കെ അതിവേഗം കളി നയിച്ചതിനു പിന്നിൽ മെസ്സിയായിരുന്നുവെന്നത്​ കൂട്ടിവായിക്കു​േമ്പാൾ ക്ലബിന്​ താരമില്ലാതെ എത്ര കണ്ട്​ മുന്നോട്ടുപോകാനാകുമെന്നതാണ്​ വിഷയം.

ക്രിസ്റ്റ്യാനോക്ക്​ പക്ഷേ, 2022 വരെ യുവെയുമായി കരാറുണ്ട്​.