അണ്ടർ 20 ലോകകപ്പ്: നൈജീരിയ, കൊളംബിയ ക്വാർട്ടറിൽ

ബ്വേനസ് എയ്റിസ്: അണ്ടർ 20 ലോകകപ്പ് ഫുട്ബാളിൽ ഇറ്റലിയെ വീഴ്ത്തി തുടർച്ചയായ രണ്ടാം ജയം ആഘോഷിച്ച നൈജീരിയ ക്വാർട്ടർ ഫൈനലിൽ കടന്നു. എതിരില്ലാത്ത രണ്ട് ഗോളിനായിരുന്നു ഗ്രൂപ് ഡിയിൽ അസൂറിപ്പടയുടെ പരാജയം.

ആദ്യ കളിയിൽ തോറ്റ ബ്രസീൽ രണ്ടാം മത്സരത്തിൽ ഡൊമിനിക്കൻ റിപ്പബ്ലിക്കിനെ 6-0ത്തിന് തകർത്ത് രണ്ടാം സ്ഥാനത്തേക്ക് കയറിയിട്ടുണ്ട്. ഗ്രൂപ് സിയിൽ ജപ്പാനെ ഒന്നിനെതിരെ രണ്ട് ഗോളിന് തോൽപിച്ച കൊളംബിയയും നോക്കൗട്ടിൽ കടന്നിട്ടുണ്ട്. ഇതിലെ മറ്റൊരു കളിയിൽ സെനഗാളും ഇസ്രായേലും 1-1ന് സമനിലയിൽ പിരിഞ്ഞു.