ചാമ്പ്യൻസ്​ ലീഗിൽ ഇന്ന്​ ആരുടെ ദിനം

ലിസ്​ബൺ: അട്ടിമറികളും ഞെട്ടിപ്പിക്കുന്ന തോൽവികളുംകൊണ്ട്​ ത്രസിപ്പിച്ച ക്വാർട്ടർ ഫൈനൽ കഴിഞ്ഞു. ഇനി ലിസ്​ബണിൽ ചാമ്പ്യൻസ്​ ലീഗി​െൻറ സെമി ഫൈനൽ കാത്തുവെച്ചത്​ എന്തതിശയമാവും.

വൻ അട്ടിമറികളിലൂടെ ഡീഗോ സിമിയോണിയുടെ അത്​ലറ്റികോ മഡ്രിഡും, ലയണൽ മെസ്സിയുടെ ബാഴ്​സലോണയും, പെപ്​ ഗ്വാർഡിയോളയുടെ മാഞ്ചസ്​റ്റർ സിറ്റിയും പടിയിറങ്ങിയ ചാമ്പ്യൻസ്​ ലീഗിൽ ചൊവ്വ, ബുധൻ സെമി ഫൈനൽ അങ്കം. ജർമനിയിലെയും ഫ്രാൻസിലെയും ചാമ്പ്യൻമാരായ ബയേൺ മ്യുണികും പി.എസ്​.ജിയുമാണ്​ ഹോട്​സ​്​പോട്ടിലെ രണ്ടുപേർ.

എന്നാൽ, ആരെയും കുത്തിമലർത്താൻ ശേഷിയുള്ള രണ്ട്​ പേരിലാണ്​ എല്ലാവരുടെയും ശ്രദ്ധ. കഴിഞ്ഞ ഫ്രഞ്ച്​ ലീഗിൽ ഏഴാം സ്​ഥാനക്കാരായിരുന്നു ഒളിമ്പിക്​ ല്യോണും, ജർമൻ ബുണ്ടസ്​ ലിഗയിൽ മൂന്നാം സ്ഥാനത്തായിരുന്ന ലൈപ്​സിഷും. സെമി ഫൈനലിലെ ആദ്യഅങ്കത്തിൽ ലൈപ്​സിഷും പി.എസ്​.ജിയുമാണ്​ മുഖാമുഖം.

ആരുടെ ഫൈനൽ

പി.എസ്​.ജി x ലൈപ്​സിഷ്​. ഇരു ടീമിനും ഒ​േട്ടറെ സാമ്യതകളുണ്ട്​. രണ്ടുപേരും ആദ്യമായി ചാമ്പ്യൻസ്​ ലീഗ്​ ഫൈനലാണ്​ ലക്ഷ്യമിടുന്നത്​. ഖത്തർ പെ​ട്രോഡോളറാണ്​ പി.എസ്​.ജിയുടെ കരുത്തെങ്കിൽ, ലൈപ്​സിഷ്​ റെഡ്​ബുളി​െൻറ ഉടമസ്ഥതയിൽ 11 വർഷം മാത്രം പഴക്കമുള്ള ടീമാണ്​.

ഇറ്റാലിയൻ ക്ലബ്​ അറ്റ്​ലാൻറക്കെതിരായിരുന്നു പി.എസ്​.ജിയുടെ (2-1) ക്വാർട്ടർ ജയം. നെയ്​മർ, ഇകാർഡി, മാർക്വിനോസ്​, കെയ്​ലിയൻ എംബാപ്പെ തുടങ്ങിയ താരങ്ങളെല്ലാം കളിച്ചിട്ടും അവസാന 90 മിനിറ്റിനു ശേഷം പിറന്ന രണ്ട്​ ഗോളിലായിരുന്നു പി.എസ്​.ജി രക്ഷപ്പെട്ടത്​.

അത്ര അനായാസമായിരുന്നില്ല സെമിയിലേക്കുള്ള വരവെങ്കിലും ചാമ്പ്യൻസ്​ ലീഗ്​ സ്വന്തമാക്കാൻ പി.എസ്​.ജിക്ക്​ ഏറ്റവും അനുകൂലമായ സാഹചര്യമാണിത്​. 'സമ്മർദങ്ങളെ കുറി​െച്ചാന്നും സംസാരിക്കുന്നില്ല. ചാമ്പ്യൻസ്​ ലീഗിൽ ഞങ്ങൾക്കിത്​ മികച്ച അവസരമാണ്​. ആ സ്വപ്​നത്തിലാണ്​ ടീം.

അതു​ യാഥാർഥ്യമാക്കാനുള്ള തയാറെടുപ്പിലാണ്​ ടീം' -പി.എസ്​.ജിയുടെ മധ്യനിര താരം ആൻഡർ ഹെരേര പറയുന്നു. കഴിഞ്ഞ കളിയിൽ 30 മിനിറ്റ്​ മാത്രം കളിച്ച എംബാപ്പെ ചൊവ്വാ​ഴ്​ച​ ആദ്യ ഇലവനിൽതന്നെ നെയ്​മറിനൊപ്പം ചേർന്നാൽ പി.എസ്​.ജിക്ക്​ മൂർച്ചകുടും. അതുതന്നെയാണ്​ കോച്ച്​ തോമസ്​ ടുചെലി​െൻറ കണക്കു​ കൂട്ടലും.

ഒന്നും നഷ്​ടപ്പെടാനി​ല്ലാത്തവരാണ്​ ലൈപ്​സിഷ്​. ക്വാർട്ടറിൽ അത്​ലറ്റികോ മഡ്രിഡിനെ 2-1ന്​ വീഴ്​ത്തിയവർ ടീം ഗെയിമാണ്​ ഫുട്​ബാൾ എന്ന്​ വെളിപ്പെടുത്തിയാണ്​ കളി ജയിച്ചത്​. തന്ത്രങ്ങളുടെ ആശാനായ സിമിയോണിയെ കാഴ്​ചക്കാരാക്കി കളി പൂർണമായും നിയന്ത്രിച്ചായിരുന്നു ജർമൻ റെഡ്​ബുളി​െൻറ പടയോട്ടം.

33കാരനായ കോച്ച്​ യൂലിയൻ നാഗൾസ്​മാൻ ഒട്ടുംമോശക്കാരനല്ലെന്ന്​ തെളിയിക്കുകയായിരുന്നു. പ്രതിരോധത്തിൽ നിറഞ്ഞുനിന്ന ഡായെറ്റ്​ ഉപമെകാനോ, ആക്രമണം നയിച്ച ഡാനി ഒൽമോ, സൂപ്പർ സബ്​ ആയെത്തി ഗോളടിച്ച ടെയ്​ലർ ആഡംസ്​ എന്നിവരായിരുന്നു അത്​ലറ്റികോക്കെതിരായ വജ്രായുധങ്ങൾ.