വ​നി​ത ലോ​ക​ക​പ്പ് ഫു​ട്ബാ​ൾ: സ്വീ​ഡ​നെ 2-1ന് ​വീ​ഴ്ത്തി സ്പെ​യി​ൻ ആ​ദ്യ​മാ​യി ഫൈ​ന​ലി​ൽ

ഓ​ക് ല​ൻ​ഡ്: വ​നി​ത ലോ​ക​ക​പ്പ് ഫു​ട്ബാ​ളി​ന്റെ ച​രി​ത്ര​ത്തി​ലാ​ദ്യ​മാ‍യി സെ​മി ഫൈ​ന​ലി​ൽ ക​ട​ന്ന സ്പെ​യി​നി​ന്റെ ജൈ​ത്ര​യാ​ത്ര കി​രീ​ട​ത്തി​ന​രി​കെ. സെ​മി ഫൈ​ന​ലി​ൽ ലോ​ക മൂ​ന്നാം റാ​ങ്കു​കാ​ര​നും മു​ൻ റ​ണ്ണ​റ​പ്പു​ക​ളു​മാ​യ സ്വീ​ഡ​നെ ഒ​ന്നി​നെ​തി​രെ ര​ണ്ട് ഗോ​ളി​ന് തോ​ൽ​പി​ച്ചാ​ണ് ലാ ​റോ​ജ​യു​ടെ ഫൈ​ന​ൽ പ്ര​വേ​ശ​നം. 80 മി​നി​റ്റി​നു ശേ​ഷ​മാ​യി​രു​ന്നു മൂ​ന്നു ഗോ​ളു​ക​ളും. 81ാം മി​നി​റ്റി​ൽ സ​ൽ​മ പ​രാ​ല്ലു​വേ​ലു​വാ​ണ് അ​ക്കൗ​ണ്ട് തു​റ​ന്ന​ത്. റ​ബേ​ക്ക ബ്ലോം​ക്വി​സ്റ്റ് (88) സ​മ​നി​ല പി​ടി​ച്ച​തി​നു പി​ന്നാ​ലെ ഓ​ൽ​ഗ ക​ർ​മോ​ണ (89) സ്പാ​നി​ഷ് പ​ട​യു​ടെ വി​ജ​യ ഗോ​ൾ കു​റി​ച്ചു. ആ​ഗ​സ്റ്റ് 20ലെ ​ക​ലാ​ശ​പ്പോ​രി​ൽ ബു​ധ​നാ​ഴ്ച​ത്തെ ആ​സ്ട്രേ​ലി​യ-​ഇം​ഗ്ല​ണ്ട് ര​ണ്ടാം സെ​മി ജ​യി​ക്കു​ന്ന​വ​രെ സ്പെ​യി​ൻ നേ​രി​ടും.

ക​ള​ത്തി​ൽ മു​ൻ​തൂ​ക്കം പു​ല​ർ​ത്തി​യ​ത് സ്പാ​നി​ഷ് താ​ര​ങ്ങ​ളാ​യി​രു​ന്നെ​ങ്കി​ലും ഗോ​ൾ നേ​ടാ​ൻ സ്വീ​ഡി​ഷ് സം​ഘ​ത്തി​നും അ​വ​സ​ര​ങ്ങ​ൾ പ​ല​തും ല​ഭി​ച്ചു. ര​ണ്ടാം പ​കു​തി​യി​ൽ വ​ർ​ധി​ത ഊ​ർ​ജ​ത്തോ​ടെ സ്വീ​ഡ​ൻ പൊ​രു​തി. നി​ശ്ചി​ത സ​മ​യം ക​ളി സ​മ​നി​ല​യി​ലാ​കു​മെ​ന്ന് പ്ര​തീ​ക്ഷി​ച്ചി​രി​ക്കെ​യാ​യി​രു​ന്നു 19കാ​രി സ​ൽ​മ സൂ​പ്പ​ർ സ​ബാ​യി അ​വ​ത​രി​ച്ച​ത്.

മ​ത്സ​രം അ​വ​സാ​ന അ​ഞ്ച് മി​നി​റ്റി​ലേ​ക്ക് ക​ട​ന്ന​പ്പോ​ൾ സ്പാ​നി​ഷ് താ​ര​ങ്ങ​ളു​ടെ ആ​ത്മ​വി​ശ്വാ​സ​മേ​റി. എ​ന്നാ​ൽ, ആ​ഘോ​ഷ​ത്തി​ലേ​ക്ക് വെ​ള്ളി​ടി പോ​ലെ റ​ബേ​ക്ക​യു​ടെ ഗോ​ളെ​ത്തി. 90 സെ​ക്ക​ൻ​ഡ് മാ​ത്ര​മാ​യി​രു​ന്നു സ്വീ​ഡ​ന്റെ ആ​ശ്വാ​സ​ത്തി​ന് പ​ക്ഷേ ആ​യു​സ്സ്. ഗോ​ൾ കീ​പ്പ​ർ സെ​സീ​റ മു​സോ​വി​കി​നെ മ​റി​ക​ട​ന്ന് ക​ർ​മോ​ണ പ​ന്ത് വ​ല​യി​ലാ​ക്കി. 1997ലെ ​യൂ​റോ​പ്യ​ൻ ചാ​മ്പ്യ​ൻ​ഷി​പ്പി​ൽ ഫൈ​ന​ലി​ലെ​ത്തി​യ​താ​ണ് ഒ​രു പ്ര​ധാ​ന ടൂ​ർ​ണ​മെ​ന്റി​ലെ സ്പെ​യി​നി​ന്റെ ഏ​റ്റ​വും മി​ക​ച്ച പ്ര​ക​ട​നം.