ഏ​ഷ്യ ക​പ്പ് ഹോ​ക്കി​യി​ൽ 16-0 ജ​യ​ത്തോ​ടെ ഇ​ന്ത്യക്ക് നോ​ക്കൗ​ട്ട് പ്ര​വേ​ശ​നം

ജ​കാ​ർ​ത്ത: ഏ​ഷ്യ ക​പ്പ് ഹോ​ക്കി​യി​ലെ ആ​ദ്യ ര​ണ്ട് മ​ത്സ​ര​ങ്ങ​ളും ജ​യി​ക്കാ​തെ പു​റ​ത്തേ​ക്കു​ള്ള വ​ഴി​യി​ലാ​യ ഇ​ന്ത്യ അ​തി​ശ​യ​ക​ര​മാം വി​ധം സൂ​പ്പ​ർ ഫോ​റി​ൽ പ്ര​വേ​ശി​ച്ചു. ജ​പ്പാ​നോ​ട് പാ​കി​സ്താ​ൻ തോ​ൽ​ക്കു​ക‍യും ഇ​ന്തോ​നേ​ഷ്യ​യെ 15-0ത്തി​നെ​ങ്കി​ലും പ​രാ​ജ​യ​പ്പെ​ടു​ത്തു​ക​യെ​ങ്കി​ലും ചെ​യ്താ​ലേ നി​ല​വി​ലെ ജേ​താ​ക്ക​ൾ​ക്ക് സാ​ധ്യ​ത​യു​ണ്ടാ​യി​രു​ന്നു​ള്ളൂ.

ജ​പ്പാ​ൻ 3-2ന് ​പാ​കി​സ്താ​നെ വീ​ഴ്ത്തി​യ​തി​ന് പി​ന്നാ​ലെ ഇ​ന്ത്യ 16-0ത്തി​ന് ഇ​ന്തോ​നേ​ഷ്യ​യെ ത​ക​ർ​ത്തെ​റി​യു​ക​യാ​യി​രു​ന്നു. മൂ​ന്നു മ​ത്സ​ര​ങ്ങ​ളും ജ​യി​ച്ച് ജ​പ്പാ​ൻ നോ​ക്കൗ​ട്ട് റൗ​ണ്ടി​ൽ ക​ട​ന്നു. ര​ണ്ടാം സ്ഥാ​ന​ക്കാ​ർ​ക്കും പ്ര​വേ​ശ​ന​മു​ണ്ടാ‍യി​രു​ന്നു.

ഇ​ന്ത്യ​ക്കും പാ​കി​സ്താ​നും ല​ഭി​ച്ച​ത് നാ​ല് വീ​തം പോ​യ​ന്റാ​ണ്. വ​ൻ വി​ജ​യ​ത്തി​ന്റെ അ​ടി​സ്ഥാ​ന​ത്തി​ൽ ഗോ​ൾ വ്യ​ത്യാ​സ​ത്തി​ന്റെ ആ​നു​കൂ​ല്യ​ത്തി​ലാ​ണ് ഇ​ന്ത്യ സൂ​പ്പ​ർ ഫോ​റി​ലെ​ത്തി‍യ​ത്. ദി​പ്സ​ൻ ടി​ർ​ക്കി അ​ഞ്ചും സു​ദേ​വ് ബെ​ലി​മ​ഗ്ഗ മൂ​ന്നും എ​സ്.​വി. സു​നി​ലും പ​വ​ൻ രാ​ജ്ഭ​റും കാ​ർ​ത്തി ശെ​ൽ​വ​വും ര​ണ്ട് വീ​ത​വും ഉ​ത്തം സി​ങ്ങും നീ​ലം സ​ഞ്ജീ​പ് സെ​സും ഓ​രോ ഗോ​ളും നേ​ടി.