ന​മ്മ​ൾ ക​ണ്ടാ​ൽ മാ​ത്രം മ​തി​യോ?

മ​ഞ്ചേ​രി (മലപ്പുറം): അ​ർ​ജ​ന്റീ​ന ഫു​ട്ബാ​ൾ ടീ​മി​നെ കേ​ര​ള​ത്തി​ലേ​ക്കു ക്ഷ​ണി​ച്ച കാ​യി​ക​മ​ന്ത്രി വി. ​അ​ബ്ദു​റ​ഹ്മാ​ന്റെ ന​ട​പ​ടി​യെ പ​രോ​ക്ഷ​മാ​യി വി​മ​ർ​ശി​ച്ചും നി​ല​വി​ലെ സാ​ഹ​ച​ര്യ​ങ്ങ​ൾ തു​റ​ന്നു​കാ​ട്ടി​യും ഇ​ന്ത്യ​ൻ താ​രം ആ​ഷി​ഖ് കു​രു​ണി​യ​ൻ ന​ട​ത്തി​യ പ്ര​സ്താ​വ​ന ച​ർ​ച്ച​യാ​വു​ന്നു. അ​ർ​ജ​ന്റീ​ന​യെ കൊ​ണ്ടു​വ​രാ​ൻ കോ​ടി​ക​ൾ ചെ​ല​വാ​ക്കു​ന്ന​തി​നു പ​ക​രം പ​രി​ശീ​ല​ന ഗ്രൗ​ണ്ടു​ക​ൾ ത​യാ​റാ​ക്കു​ക​യാ​ണ് സ​ർ​ക്കാ​ർ ചെ​യ്യേ​ണ്ട​തെ​ന്ന് ക​ഴി​ഞ്ഞ ദി​വ​സം മീ​ഡി​യ​വ​ൺ ചാ​ന​ലി​നു ന​ൽ​കി​യ അ​ഭി​മു​ഖ​ത്തി​ൽ ആ​ഷി​ഖ് ചൂ​ണ്ടി​ക്കാ​ട്ടി. സ്വ​ന്തം നാ​ടാ​യ മ​ല​പ്പു​റ​ത്തെ അ​സൗ​ക​ര്യ​ങ്ങ​ൾ എ​ടു​ത്തു​പ​റ​ഞ്ഞാ‍ണ് താ​രം തു​റ​ന്ന​ടി​ച്ച​ത്. കാ​യി​ക​മ​ന്ത്രി​യും സ്പോ​ർ​ട്സ് കൗ​ൺ​സി​ൽ പ്ര​സി​ഡ​ന്റു​മെ​ല്ലാം മ​ല​പ്പു​റം ജി​ല്ല​ക്കാ​രാ​യി​രി​ക്കെ ആ​ഷി​ഖി​ന്റെ വാ​ക്കു​ക​ൾ​ക്ക് ഗൗ​ര​വ​വും പ്ര​സ​ക്തി​യു​മേ​റു​ക​യാ​ണ്.

ഐ.​എ​സ്.​എ​ൽ, ഇ​ന്ത്യ​ൻ താ​ര​ങ്ങ​ൾ​ക്ക് ട​ർ​ഫു​ക​ളെ ആ​ശ്ര​യി​ക്കേ​ണ്ട ദു​ര​വ​സ്ഥ

രാ​വെ​ന്നോ പ​ക​ലെ​ന്നോ വ്യ​ത്യാ​സ​മി​ല്ലാ​തെ പ​ന്തി​നു പി​ന്നാ​ലെ പാ​യു​ന്ന ജി​ല്ല​യി​ൽ ര​ണ്ടു സ്റ്റേ​ഡി​യ​ങ്ങ​ൾ മാ​ത്ര​മാ​ണു​ള്ള​ത്. പ​യ്യ​നാ​ട് സ്പോ​ർ​ട്സ് കൗ​ൺ​സി​ൽ സ്റ്റേ​ഡി​യ​വും കോ​ട്ട​പ്പ​ടി സ്റ്റേ​ഡി​യ​വും. ഇ​താ​ക​ട്ടെ ടൂ​ർ​ണ​മെൻറു​ക​ൾ ഉ​ണ്ടാ​കു​മ്പോ​ൾ മാ​ത്ര​മാ​ണ് തു​റ​ന്നു​കൊ​ടു​ക്കു​ക. ദേ​ശീ​യ താ​ര​ങ്ങ​ൾ​ക്കു​പോ​ലും പ​രി​ശീ​ല​ന​ത്തി​ന് മ​റ്റു ട​ർ​ഫു​ക​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ്.

ഈ ​ദു​ര​വ​സ്ഥ​യാ​ണ് ആ​ഷി​ഖ് ചൂ​ണ്ടി​ക്കാ​ട്ടി​യ​ത്. നി​ല​വി​ലെ സ്പോ​ർ​ട്സ് കൗ​ൺ​സി​ൽ പ്ര​സി​ഡ​ന്റ് യു. ​ഷ​റ​ഫ​ലി, സി. ​ജാ​ബി​ർ, അ​ന​സ് എ​ട​ത്തൊ​ടി​ക, മ​ഷൂ​ർ ശ​രീ​ഫ് തു​ട​ങ്ങി ഒ​ട്ടേ​റെ പ്ര​തി​ഭാ​ധ​ന​രാ​യ താ​ര​ങ്ങ​ൾ ജി​ല്ല​യി​ൽ​നി​ന്ന് രാ​ജ്യ​ത്തി​നാ​യി പ​ന്തു​ത​ട്ടി​യി​ട്ടു​ണ്ട്. ഇ​തി​നു പു​റ​മെ രാ​ജ്യ​ത്തി​ന്റെ പ്ര​ധാ​ന ലീ​ഗാ​യ ഇ​ന്ത്യ​ൻ സൂ​പ്പ​ർ ലീ​ഗി​ലും (ഐ.​എ​സ്.​എ​ൽ) ക​ളി​ക്കു​ന്ന​വ​രും ഏ​റെ​യാ​ണ്. എ​ന്നാ​ൽ, ഇ​വ​ർ​ക്കു വേ​ണ്ട സൗ​ക​ര്യ​ങ്ങ​ളൊ​ന്നും​ത​ന്നെ ഇ​വി​ടെ​യി​ല്ല. പ​യ്യ​നാ​ട് സ്റ്റേ​ഡി​യം താ​ര​ങ്ങ​ൾ​ക്ക് പ​രി​ശീ​ല​ന​ത്തി​ന് ന​ൽ​കാ​റി​ല്ല. സ്പോ​ർ​ട്സ് ഹോ​സ്റ്റ​ലി​ലെ വി​ദ്യാ​ർ​ഥി​ക​ൾ​ക്കു മാ​ത്ര​മാ​ണ് ല​ഭി​ക്കു​ക. കോ​ട്ട​പ്പ​ടി സ്റ്റേ​ഡി​യ​ത്തി​ലും ഇ​തു​ത​ന്നെ അ​വ​സ്ഥ. മു​ക്കി​ലും മൂ​ല​യി​ലും സെ​വ​ൻ​സ് മൈ​താ​ന​ങ്ങ​ൾ ഉ​ണ്ടെ​ങ്കി​ലും പ്ര​ഫ​ഷ​ന​ൽ താ​ര​ങ്ങ​ൾ​ക്ക് ഇ​ത് മ​തി​യാ​കി​ല്ല. ഇ​തി​ന് പ​രി​ഹാ​രം വേ​ണ​മെ​ന്നാ​ണ് ആ​ഷി​ഖ് ആ​വ​ശ്യ​പ്പെ​ട്ട​ത്.

പ​രി​പാ​ലി​ക്കാ​തെ മൈ​താ​ന​ങ്ങ​ൾ

അ​ന്താ​രാ​ഷ്ട്ര നി​ല​വാ​ര​ത്തി​ലു​ള്ള സൗ​ക​ര്യ​ങ്ങ​ൾ ഒ​രു​ക്കി​യെ​ങ്കി​ൽ മാ​ത്ര​മേ അ​ത് ക​ളി​ക്കാ​രു​ടെ നി​ല​വാ​ര​ത്തി​ലും പ്ര​ക​ട​മാ​കൂ. സം​സ്ഥാ​ന​ത്തി​ന്റെ മൊ​ത്തം ചി​ത്ര​മെ​ടു​ത്താ​ലും ഇ​തു​ത​ന്നെ അ​വ​സ്ഥ. സ്റ്റേ​ഡി​യ​ങ്ങ​ൾ ഏ​റെ ഉ​ണ്ടെ​ങ്കി​ലും തു​റ​ന്നു​കി​ട്ടാ​ൻ അ​ധി​കൃ​ത​രു​ടെ ക​നി​വു​കൂ​ടി വേ​ണ്ടി​വ​രും. കാ​യി​ക പാ​ര​മ്പ​ര്യ​ത്തെ പ്രോ​ത്സാ​ഹി​പ്പി​ക്കു​ന്ന ന​ട​പ​ടി​ക​ൾ ഉ​ണ്ടാ​കി​ല്ലെ​ന്ന് ചു​രു​ക്കം. ഫെ​ഡ​റേ​ഷ​ൻ ക​പ്പ്, സ​ന്തോ​ഷ് ട്രോ​ഫി, ഐ ​ലീ​ഗ്, സൂ​പ്പ​ർ ക​പ്പ് തു​ട​ങ്ങി ഒ​ട്ടേ​റെ ദേ​ശീ​യ ടൂ​ർ​ണ​മെൻറു​ക​ൾ​ക്ക് മ​ല​പ്പു​റം വേ​ദി​യാ​യി​ട്ടു​ണ്ട്. എ​ന്നാ​ൽ, ഈ ​സ​മ​യ​ത്തെ​ല്ലാം ടീ​മു​ക​ൾ​ക്ക് പ​രി​ശീ​ല​ന​ത്തി​നാ​യി കോ​ഴി​ക്കോ​ട് ജി​ല്ല​യി​ലെ സ്റ്റേ​ഡി​യ​ങ്ങ​ളെ​യാ​ണ് ആ​ശ്ര​യി​ക്കാ​റു​ള്ള​ത്.

എ​ട്ടു വ​ർ​ഷ​ത്തോ​ളം തി​രി​ഞ്ഞു​നോ​ക്കാ​നാ​ളി​ല്ലാ​തെ കാ​ടു​മൂ​ടി​യ നി​ല​യി​ൽ​ക്കി​ട​ന്ന പ​യ്യ​നാ​ട് സ്റ്റേ​ഡി​യം 2022ലെ ​സ​ന്തോ​ഷ് ട്രോ​ഫി ഫു​ട്ബാ​ളി​ന്റെ സ​മ​യ​ത്ത് ന​വീ​ക​രി​ക്കു​ക​യാ​യി​രു​ന്നു. ടൂ​ർ​ണ​മെ​ന്റ് ഇ​ല്ലെ​ങ്കി​ൽ പ​രി​പാ​ല​നം ഇ​ല്ലെ​ന്ന​താ​ണ് മ​ല​പ്പു​റ​ത്തെ മൈ​താ​ന​ങ്ങ​ളു​ടെ അ​വ​സ്ഥ. മൈ​താ​ന​ങ്ങ​ൾ ഉ​ള്ളി​ട​ത്തു നി​ന്നേ താ​ര​ങ്ങ​ൾ വ​ള​ർ​ന്നു​വ​രൂ. പ​യ്യ​നാ​ട് സ്പോ​ർ​ട്സ് കോം​പ്ല​ക്സി​ൽ 25 ഏ​ക്ക​റി​ല​ധി​കം ഭൂ​മി​യു​ണ്ട്. ഇ​വി​ടെ പ​രി​ശീ​ല​ന മൈ​താ​നം ഒ​രു​ക്കി​യാ​ൽ ഭാ​വി ത​ല​മു​റ​ക്കെ​ങ്കി​ലും ഉ​പ​കാ​ര​പ്പെ​ടും.