ടൈ ​ബ്രേ​ക്ക​ർ സൂ​ച​ന​ക​ളോ?

ലോ​ക ചെ​സ് ചാ​മ്പ്യ​ൻ​ഷി​പ്പി​ലെ പ​ത്താം ഗെ​യി​മി​ലും ഫ​ല​മി​ല്ല. ഇ​ന്ത്യ​യു​ടെ ഡി. ​ഗു​കേ​ഷും ചൈ​ന​യു​ടെ നി​ല​വി​ലെ ചാ​മ്പ്യ​ൻ ഡി​ങ് ലി​റെ​നും സ​മ​നി​ല​യി​ൽ പി​രി​ഞ്ഞ​തോ​ടെ ഇ​രു​വ​ർ​ക്കും അ​ഞ്ച് വീ​തം പോ​യ​ന്റാ​യി. ഇ​ന്ന​ലെ വെ​ള്ള​ക്ക​രു​ക്ക​ളു​മാ​യ് ല​ണ്ട​ൻ സി​സ്റ്റ​ത്തി​ലാ​ണ് ലി​റെ​ൻ തു​ട​ങ്ങി​യ​ത്.

ആ​ദ്യ 15 നീ​ക്ക​ങ്ങ​ൾ​ക്കു​ള്ളി​ൽ​ത​ന്നെ ക്വീ​ൻ അ​ട​ക്ക​മു​ള്ള ക​രു​ക്ക​ൾ വെ​ട്ടി​മാ​റ്റ​പ്പെ​ട്ടു. 27 നീ​ക്ക​ങ്ങ​ൾ പി​ന്നി​ട്ട​പ്പോ​ൾ ക​ള​ത്തി​ൽ അ​വ​ശേ​ഷി​ച്ച​ത് ഓ​രോ ബി​ഷ​പ്പും ആ​റു​വീ​തം കാ​ലാ​ളു​ക​ളും. ഏ​ക​ദേ​ശം സ​മ​നി​ല ഉ​റ​പ്പാ​യ ക​ളി​യി​ൽ ഒ​മ്പ​ത് നീ​ക്ക​ങ്ങ​ൾ​കൂ​ടി പി​ന്നി​ട്ട് ഒ​രേ നീ​ക്ക​ങ്ങ​ൾ ആ​വ​ർ​ത്തി​ച്ചു സ​മ​നി​ല​യി​ൽ പി​രി​ഞ്ഞു. ചാ​മ്പ്യ​ൻ​ഷി​പ്പി​ലി​ത് എ​ട്ടാം സ​മ​നി​ല​യാ​ണ്.

ആ​ദ്യ ക​ളി​യി​ൽ ലി​റെ​നും മൂ​ന്നാ​മ​ത്തേ​തി​ൽ ഗു​കേ​ഷും ജ​യി​ച്ച​തി​ന് ശേ​ഷം ഇ​താ​ണ് അ​വ​സ്ഥ. നാ​ല് റൗ​ണ്ട് കൂ​ടി ബാ​ക്കി നി​ൽ​ക്കെ ടൈ ​ബ്രേ​ക്ക​ർ സൂ​ച​ന ല​ഭി​ച്ചു തു​ട​ങ്ങു​ക​യാ​ണ്. ഇ​ന്ന് ന​ട​ക്കു​ന്ന 11ാം ഗെ​യി​മി​ൽ ഗു​കേ​ഷി​നോ ലി​റെ​നോ ജ​യി​ക്കാ​നാ​യാ​ൽ ചാ​മ്പ്യ​ൻ​ഷി​പ്പി​ൽ മാ​ത്ര​മ​ല്ല മാ​ന​സി​ക​മാ​യും വ്യ​ക്ത​മാ​യ മു​ൻ​തൂ​ക്കം ല​ഭി​ക്കും.