വ​ൺ ടൂ ​ത്രീ...ഏ​ഷ്യ​ൻ ഗെ​യിം​സ് അ​ത്‍ല​റ്റി​ക്സി​ലെ ഇ​ന്ത്യ​ൻ പ്ര​തീ​ക്ഷ​ക​ൾ

ഹാ​ങ്ചൗ (ചൈ​ന): ലോ​ക​ത്തെ ഏ​റ്റ​വും വ​ലി​യ വ​ൻ​ക​ര​യി​ലെ കാ​യി​ക താ​ര​ങ്ങ​ൾ പ്ര​തി​ഭ​യും ക​രു​ത്തും തെ​ളി​യി​ക്കാ​നി​റ​ങ്ങു​ന്ന ഏ​ഷ്യ​ൻ ഗെ​യിം​സി​ന്റെ 19ാം പ​തി​പ്പി​ന് ചൈ​ന​യി​ലെ ഹാ​ങ്ചൗ​വി​ൽ തു​ട​ക്ക​മാ​യി. ഔ​ദ്യോ​ഗി​ക ഉ​ദ്ഘാ​ട​നം സെ​പ്റ്റം​ബ​ർ 23നാ​ണെ​ങ്കി​ലും മ​ത്സ​ര​ങ്ങ​ൾ ചൊ​വ്വാ​ഴ്ച ആ​രം​ഭി​ച്ചു. ഇ​ന്ത്യ​യെ സം​ബ​ന്ധി​ച്ച് മി​ക​വി​ന്റെ ച​രി​ത്ര​മാ​ണ് ഏ​ഷ്യാ​ഡി​ൽ രേ​ഖ​പ്പെ​ടു​ത്തി​യി​രി​ക്കു​ന്ന​ത്.

ഒ​ടു​വി​ൽ ന​ട​ന്ന 2018 ജ​കാ​ർ​ത്ത ഏ​ഷ്യ​ൻ ഗെ​യിം​സി​ൽ 16 സ്വ​ർ​ണ​മു​ൾ​പ്പെ​ടെ 70 മെ​ഡ​ലു​ക​ളു​മാ​യി ഏ​റ്റ​വും വ​ലി​യ നേ​ട്ടം കൊ​യ്ത ഇ​ന്ത്യ അ​ന്ന് പ​ട്ടി​ക​യി​ൽ എ​ട്ടാം സ്ഥാ​ന​ത്താ​യി​രു​ന്നു. 38 ഇ​ന​ങ്ങ​ളി​ൽ 634 അം​ഗ സം​ഘ​ത്തെ അ​ണി​നി​ര​ത്തു​ന്നു​ണ്ട് ഇ​ക്കു​റി. ഇ​ന്ത്യ​യെ സം​ബ​ന്ധി​ച്ച് ച​രി​ത്ര​ത്തി​ലെ ഏ​റ്റ​വും വ​ലി​യ പ്രാ​തി​നി​ധ്യ​വു​മാ​ണി​ത്. മി​ക​ച്ച നേ​ട്ടം പ്ര​തീ​ക്ഷി​ക്കു​ന്ന അ​ത്‍ല​റ്റി​ക്സി​ലെ പ്ര​തീ​ക്ഷ​ക​ൾ ഇ​ങ്ങ​നെ:

നീ​ര​ജി​ന്റെ പൊ​ൻ​കു​ന്തം; ഷോ​ട്ട്പു​ട്ടി​ൽ ത​ജീ​ന്ദ​ർ

ഒ​ളി​മ്പി​ക്, ലോ​ക ചാ​മ്പ്യ​ൻ നീ​ര​ജ് ചോ​പ്ര പു​രു​ഷ ജാ​വ​ലി​ൻ ത്രോ​യി​ൽ ഇ​റ​ങ്ങു​ന്ന​ത് ഇ​ന്ത്യ​ക്ക് സ്വ​ർ​ണം ഉ​റ​പ്പി​ച്ചു​ത​ന്നെ​യാ​ണ്. 2018ൽ ​ജ​കാ​ർ​ത്ത​യി​ൽ പൊ​ന്ന​ണി​ഞ്ഞ നീ​ര​ജ് പി​ന്നെ ടോ​ക്യോ ഒ​ളി​മ്പി​ക്സി​ലും ഇൗ​യി​ടെ യൂ​ജീ​നി​ലെ ലോ​ക ചാ​മ്പ്യ​ൻ​ഷി​പ്പി​ലും ച​രി​ത്രം​കു​റി​ച്ചു.

ലോ​ക വെ​ള്ളി ജേ​താ​വ് പാ​കി​സ്താ​ന്റെ അ​ർ​ഷ​ദ് ന​ദീം ശ​ക്ത​മാ​യ വെ​ല്ലു​വി​ളി ഉ​യ​ർ​ത്തു​ന്നു​ണ്ട്. വെ​ങ്ക​ല​മെ​ങ്കി​ലും പ്ര​തീ​ക്ഷി​ച്ച് ഇ​ന്ത്യ​യു​ടെ കി​ഷോ​ർ കു​മാ​ർ ജെ​ന​യും ഇ​റ​ങ്ങും. വ​നി​ത​ക​ളി​ൽ ഒ​ളി​മ്പ്യ​ൻ അ​ന്നു​റാ​ണി​യു​ണ്ട്. ജ​കാ​ർ​ത്ത​യി​ൽ പു​രു​ഷ ഷോ​ട്ട്പു​ട്ടി​ൽ സ്വ​ർ​ണം നേ​ടി​യ ത​ജീ​ന്ദ​ർ സി​ങ് പാ​ൽ ടൂ​ർ ഈ ​പ്ര​ക​ട​നം ആ​വ​ർ​ത്തി​ക്കാ​നു​റ​ച്ചാ​ണ് എ​ത്തി​യി​രി​ക്കു​ന്ന​ത്.

ട്രാ​ക്കി​ൽ വാ​ര​ണം

പു​രു​ഷ​ന്മാ​രു​ടെ 1500 മീ. ​ഓ​ട്ട​ത്തി​ൽ മ​ത്സ​രി​ക്കു​ന്ന അ​ജ​യ്കു​മാ​ർ സ​രോ​ജും 3000 മീ. ​സ്റ്റീ​പ്ൾ ചേ​സി​ലെ അ​വി​നാ​ശ് സാ​ബ്‌​ലെ​യു​മാ​ണ് പ്ര​തീ​ക്ഷ​ക​ളി​ൽ മു​ന്നി​ൽ. 5000 മീ. ​സ്റ്റീ​പ്ൾ ചേ​സി​ലു​മു​ണ്ട് അ​വി​നാ​ശ്. ലോ​ക ചാ​മ്പ്യ​ൻ​ഷി​പ് 4x400 മീ. ​റി​ലേ​യി​ൽ ഏ​ഷ്യ​ൻ റെ​ക്കോ​ഡ് കു​റി​ച്ച മ​ല​യാ​ളി മേ​ധാ​വി​ത്വ​മു​ള്ള സം​ഘ​വും അ​ത്ഭു​ത​ങ്ങ​ൾ പു​റ​ത്തെ​ടു​ക്കാ​നൊ​രു​ങ്ങു​ക​യാ​ണ്.

മു​ഹ​മ്മ​ദ് അ​ന​സും അ​മോ​ജ് ജേ​ക്ക​ബും മു​ഹ​മ്മ​ദ് അ​ജ്മ​ലും രാ​ജേ​ഷ് ര​മേ​ഷു​മാ​ണ് യൂ​ജി​നി​ൽ ഫൈ​ന​ലി​ലേ​ക്ക് യോ​ഗ്യ​ത നേ​ടി അ​ഞ്ചാം സ്ഥാ​ന​ത്തെ​ത്തി​യ​ത്. ഡെ​ക്കാ​ത്ത​ല​ണി​ൽ തേ​ജ​സ്വി​ൻ ശ​ങ്ക​റും ഒ​ന്നാ​മ​നാ​വാ​ൻ സാ​ധ്യ​ത​യു​ള്ള​യാ​ളാ​ണ്. 1500 മീ​റ്റ​റി​ൽ നി​ല​വി​ലെ ജേ​താ​വ് മ​ല​യാ​ളി ജി​ൻ​സ​ൺ ജോ​ൺ​സ​ണെ എ​ഴു​തി​ത്ത​ള്ളാ​നാ​യി​ട്ടി​ല്ല.

800 മീ​റ്റ​റി​ൽ ക്രി​ഷ​ൻ കു​മാ​റി​നൊ​പ്പം മ​ല​യാ​ളി താ​രം മു​ഹ​മ്മ​ദ് അ​ഫ്സ​ലു​മി​റ​ങ്ങും. വ​നി​ത 1500, 800 മീ. ​മ​ത്സ​ര​ങ്ങ​ളി​ൽ ഹ​ർ​മി​ല​ൻ ബെ​യ്ൻ​സ്, സ്റ്റീ​പ്ൾ ചേ​സ് 3000 മീ​റ്റ​റി​ലും 5000 മീ​റ്റ​റി​ലും പ​രു​ൾ ചൗ​ധ​രി, 100 മീ. ​ഹ​ർ​ഡ്ൽ​സി​ൽ ജ്യോ​തി യാ​രാ​ജി, 400 മീ. ​ഹ​ർ​ഡി​ൽ​സി​ൽ വി​ത്യ രാം​രാ​ജ്, 800 മീ​റ്റ​റി​ൽ കെ.​എം. ച​ന്ദ, 5000 മീ​റ്റ​റി​ൽ അ​ങ്കി​ത ധ്യാ​നി, 400 മീ​റ്റ​റി​ൽ ഐ​ശ്വ​ര്യ മി​ശ്ര, ഹെ​പ്റ്റാ​ത്ത​ല​ണി​ൽ സ്വ​പ്ന ബ​ർ​മ​ൻ തു​ട​ങ്ങി​യ​വ​രു​മു​ണ്ട്.

ചാ​ടി നേ​ടാ​ൻ

പു​രു​ഷ ലോ​ങ് ജം​പി​ലെ ദേ​ശീ​യ റെ​ക്കോ​ഡു​കാ​ര​ൻ ജെ​സ്വി​ൻ ആ​ൽ​ഡ്രി​ൻ, മ​ല​യാ​ളി​താ​രം എം. ​ശ്രീ​ശ​ങ്ക​ർ എ​ന്നി​വ​രി​ൽ വ​ലി​യ പ്ര​തീ​ക്ഷ വെ​ച്ചു​പു​ല​ർ​ത്തു​ന്നു​ണ്ട് ഇ​ന്ത്യ. ട്രി​പ്ൾ ജം​പി​ൽ പ്ര​വീ​ൺ ചി​ത്ര​വേ​ലും മ​ല​യാ​ളി താ​രം അ​ബ്ദു​ല്ല അ​ബൂ​ബ​ക്ക​റും മെ​ഡ​ൽ​പ​ട്ടി​ക​യി​ലു​ണ്ടാ​വു​മെ​ന്നാ​ണ് ക​രു​തു​ന്ന​ത്.

ഹൈ​ജം​പി​ൽ സ​ർ​വേ​ശ് അ​നി​ൽ കു​ശാ​രെ​യി​ലൂ​ടെ ഇ​ന്ത്യ പോ​ഡി​യ​ത്ത​ൽ ക​യ​റാ​മെ​ന്ന ക​ണ​ക്കു​കൂ​ട്ട​ലി​ലാ​ണ്. വ​നി​ത ലോ​ങ്ജം​പി​ൽ ശൈ​ലി സി​ങ് വ​ഴി മെ​ഡ​ൽ ക​ണ​ക്കു​കൂ​ട്ടു​ന്ന ഇ​ന്ത്യ​ക്ക് ക​രു​ത്താ​വാ​ൻ മ​ല​യാ​ളി ആ​ൻ​സി സോ​ജ​നും ഇ​റ​ങ്ങും.