കേരള പോസ്റ്റൽ സർക്കിളിൽ കായികതാരങ്ങൾക്ക് അവസരം: അപേക്ഷാഫോറം www.keralapost.gov.inൽ. അപേക്ഷ ഡിസംബർ 3നകം
text_fieldsകേരള പോസ്റ്റൽ സർക്കിളിൽ മികച്ച കായികതാരങ്ങൾക്ക് പോസ്റ്റൽ/സോർട്ടിങ് അസിസ്റ്റൻറ്, പോസ്റ്റ്മാൻ/മെയിൻ ഗാർഡ്, മൾട്ടി ടാസ്കിങ് സ്റ്റാഫ് തസ്തികകളിലായി സ്പോർട്സ് േക്വാട്ടയിൽ 95 ഒഴിവുകളുണ്ട്. നേരിട്ടുള്ള നിയമനത്തിന് ഇപ്പോൾ അപേക്ഷിക്കാം. നിശ്ചിത അപേക്ഷാഫോറവും വിശദവിവരങ്ങളും www.keralapost.gov.inൽനിന്നും ഡൗൺലോഡ് ചെയ്യാം. ഡിസംബർ മൂന്ന് വരെ അപേക്ഷകൾ സ്വീകരിക്കും.
ശമ്പളനിരക്ക്: പോസ്റ്റൽ/സോർട്ടിങ് അസിസ്റ്റൻറ് 25,500-81,100 രൂപ, പോസ്റ്റ്മാൻ/മെയിൽഗാർഡ് 21,700-69,100 രൂപ, മൾട്ടി ടാസ്കിങ് സ്റ്റാഫ് 18,000-56,900 രൂപ. വിദ്യാഭ്യാസയോഗ്യത: ഹയർ സെക്കൻഡറി/പ്ലസ്ടു/തത്തുല്യ ബോർഡ് പരീക്ഷ പാസായിരിക്കണം. 60 ദിവസത്തിൽ കുറയാത്ത അംഗീകൃത ബേസിക് കമ്പ്യൂട്ടർ ട്രെയിനിങ് സർട്ടിഫിക്കറ്റ് നിയമനത്തിന് മുമ്പ് നേടിയിരിക്കണം. പത്ത്/പന്ത്രണ്ട് ക്ലാസിൽ കമ്പ്യൂട്ടർ ഒരുവിഷയമായി പഠിച്ചിട്ടുള്ളവർക്ക് ഇത് ആവശ്യമില്ല. പ്രായപരിധി 18-27 വയസ്സ്.
പോസ്റ്റ്മാൻ/മെയിൽഗാർഡ് തസ്തികക്ക് മലയാളഭാഷ പരിജ്ഞാനം വേണം. 10ാം ക്ലാസ് വരെയെങ്കിലും മലയാളഭാഷ പഠിച്ചിരിക്കണം. പോസ്റ്റ്മാൻ തസ്തികക്ക് പ്രാബല്യത്തിലുള്ള ടൂവീലർ/ലൈറ്റ് മോട്ടോർ വെഹിക്കിൾ ഡ്രൈവിങ് ലൈസൻസുണ്ടാകണം.
മൾട്ടി ടാസ്കിങ് സ്റ്റാഫ് തസ്തികക്ക് 10ാം ക്ലാസ്/തത്തുല്യ പരീക്ഷ പാസായിട്ടുള്ളവർക്ക് അപേക്ഷിക്കാം. പ്രായപരിധി 18-25 വയസ്സ്.ഒ.ബി.സിക്കാർക്ക് 3 വർഷവും പട്ടികജാതി/വർഗക്കാർക്ക് 5 വർഷവും പ്രായപരിധിയിൽ ഇളവുണ്ട്.64 സ്പോർട്സ്/ഗെയിംസ് ഐറ്റങ്ങളിലാണ് അവസരം. അപേക്ഷകർ ബന്ധപ്പെട്ട കായിക ഇനങ്ങളിൽ സ്റ്റേറ്റ്/നാഷനൽ/ഇൻറർനാഷനൽ മത്സരങ്ങളിൽ പങ്കെടുത്ത് പ്രതിഭ തെളിയിച്ചവരാകണം. യൂനിവേഴ്സിറ്റി/ഇൻറർ യൂനിവേഴ്സിറ്റി, സ്റ്റേറ്റ്/സ്കൂൾ തലങ്ങളിൽ പങ്കെടുത്തിട്ടുള്ളവരെയും പരിഗണിക്കും.
ഫിസിക്കൽ എഫിഷ്യൻസിയിൽ ദേശീയ അവാർഡ് നേടിയ സ്പോർട്സ്മാൻമാർക്കും അപേക്ഷിക്കാം.
അപേക്ഷ സമർപ്പണത്തിനുള്ള നിർദേശങ്ങൾ, തെരഞ്ഞെടുപ്പ് നടപടിക്രമങ്ങൾ, വിവിധ പോസ്റ്റൽ ഡിവിഷൻ/യൂനിറ്റ്/ഓഫിസുകളിൽ ഓരോ തസ്തികയിലും ലഭ്യമായ ഒഴിവുകൾ അടക്കം കൂടുതൽ വിവരങ്ങൾ വെബ്സൈറ്റിലുണ്ട്. അപേക്ഷഫീസ് 100 രൂപയാണ്. നിശ്ചിത ഫോറത്തിൽ തയാറാക്കിയ അപേക്ഷ C/o Chief postmaster General, Kerala circle, Thiruvananthapuram-695033ൽ ഡിസംബർ 3 വരെ സ്വീകരിക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.