ഇന്ത്യക്ക് പത്താം സ്വർണം; സ്ക്വാഷിൽ പുരുഷ ടീം തോൽപിച്ചത് പാകിസ്താനെ

ചി​ല്ലു​​കൂ​ട്ടി​ലെ സ്ക്വാ​ഷ് കോ​ർ​ട്ടി​ൽ ചി​ര​വൈ​രി​ക​ളാ​യ പാ​കി​സ്താ​നെ​തി​രെ മ​ധു​ര​വി​ജ​യ​വു​മാ​യി ഇ​ന്ത്യ​യു​ടെ ആ​ൺ​കു​ട്ടി​ക​ൾ. പു​രു​ഷ​ന്മാ​രു​ടെ ടീ​മി​ന​ത്തി​ൽ 2-1നാ​ണ് വീ​റോ​ടെ പൊ​രു​തി​യ ഇ​ന്ത്യ അ​യ​ൽ​ക്കാ​രെ കീ​ഴ​ട​ക്കി സ്വ​ർ​ണ​ത്തി​ലെ​ത്തി​യ​ത്. നി​ർ​ണാ​യ​ക​മാ​യ മൂ​ന്നാം ​​സെ​റ്റി​ൽ നൂ​ർ സ​മാ​നെ​തി​രെ വി​ജ​യം നേ​ടി​യ അ​ഭ​യ് സി​ങ്ങാ​ണ് സു​വ​ർ​ണ​നേ​ട്ട​ത്തി​ലെ ഹീ​റോ. ആ​ദ്യ മ​ത്സ​ര​ത്തി​ൽ മ​ഹേ​ഷ് മ​ങ്കാ​ഓം​ക​ർ പാ​കി​സ്താ​ന്റെ ഇ​ഖ്ബാ​ൽ നാ​സി​റി​നോ​ട് തോ​റ്റി​രു​ന്നു. ര​ണ്ടാം ക​ളി​യി​ൽ മു​ഹ​മ്മ​ദ് അ​സിം ഖാ​നെ​തി​രെ സീ​നി​യ​ർ താ​രം സൗ​ര​വ് ഘോ​ഷാ​ൽ ജ​യം നേ​ടി 1-1ന് ​സ​മ​നി​ല പി​ടി​ച്ചു. നി​ർ​ണാ​യ​ക​മാ​യ മൂ​ന്നാം ​ക​ളി​യി​ൽ അ​ഞ്ചു ഗെ​യിം നീ​ണ്ട ആ​വേ​ശ​പ്പോ​രി​ലാ​ണ് സ്വ​ർ​ണ​ത്തി​​ലേ​ക്ക് ഇ​ന്ത്യ​യെ കൈ​പി​ടി​ച്ചു​യ​ർ​ത്തി​യ​ത്. ​ഗ്രൂ​പ് ഘ​ട്ട​ത്തി​ൽ പാ​കി​സ്താ​നോ​ടേ​റ്റ പ​രാ​ജ​യ​ത്തി​ന് പ്ര​തി​കാ​രം കൂ​ടി​യാ​യി ഈ ​നേ​ട്ടം. 2014ലാ​ണ് ഇ​ന്ത്യ ഇ​തി​നു​മു​മ്പ് ഏ​ഷ്യ​ൻ ഗെ​യിം​സി​ൽ സ്ക്വാ​ഷ് ടീ​മി​ന​ത്തി​ൽ സ്വ​ർ​ണം നേ​ടി​യ​ത്. ​

ആ​ദ്യ ക​ളി​യി​ൽ ഇ​ഖ്ബാ​ൽ നാ​സി​റി​നെ​തി​രെ സ്വ​യം വ​രു​ത്തി​യ പി​ഴ​വു​ക​ളാ​ണ് മ​ഹേ​ഷ് മ​ങ്കാ​ഓം​ക​റി​ന് വി​ന​യാ​യ​ത്. സ്കോ​ർ: 8-11, 2-11, 3-11. ഒ​ന്നാം ഗെ​യി​മി​ൽ 7-7ന് ​ഒ​പ്പ​ത്തി​നൊ​പ്പം നി​ന്നെ​ങ്കി​ലും പി​ന്നീ​ട് ക​ളി കൈ​വി​ട്ടു. എ​തി​രാ​ളി​യു​ടെ ലോ​ബു​ക​ൾ​ക്ക് പ​ല​പ്പോ​ഴും മ​റു​പ​ടി ന​ൽ​കാ​നാ​വാ​തെ ​ഇ​ന്ത്യ​ൻ താ​രം നേ​രി​ട്ടു​ള്ള ഗെ​യി​മി​ൽ തോ​ൽ​വി​യ​ട​ഞ്ഞു. ആ​ദ്യ ക​ളി കൈ​വി​ട്ടെ​ങ്കി​ലും പ​രി​ച​യ​സ​മ്പ​ന്ന​നാ​യ സൗ​ര​വ് ഘോ​ഷാ​ൽ ഇ​ന്ത്യ​യു​ടെ അ​ഭി​മാ​നം കാ​ത്തു. ആ​റാ​മ​ത്തെ ഏ​ഷ്യ​ൻ ഗെ​യിം​സി​ൽ റാ​ക്ക​റ്റേ​ന്തു​ന്ന ഘോ​ഷാ​ൽ 11-5, 11-1, 11-3 എ​ന്ന സ്കോ​റി​ന് അ​തി​വേ​ഗം മു​ഹ​മ്മ​ദ് അ​സിം ഖാ​നെ ത​റ​പ​റ്റി​ച്ചു. ഒ​ന്നാം ഗെ​യി​മി​ൽ 0-3ന് ​പി​ന്നി​ലാ​യ ശേ​ഷ​മാ​യി​രു​ന്നു ഇ​ന്ത്യ​ൻ താ​ര​ത്തി​ന്റെ കു​തി​പ്പ്. ത​ക​ർ​പ്പ​ൻ ഷോ​ട്ടു​ക​ളും ടെ​ക്നി​ക്കു​ക​ളു​മാ​യി സൗ​ര​വ് ക​ളം നി​റ​ഞ്ഞ​പ്പോ​ൾ ര​ണ്ടാം ഗെ​യി​മി​ൽ ഒ​രു പോ​യ​ന്റ് മാ​ത്ര​മാ​ണ് വി​ട്ടു​കൊ​ടു​ത്ത​ത്. മൂ​ന്നാം ഗെ​യി​മി​ലും ​ഘോ​ഷാ​ൽ എ​ളു​പ്പം മു​ന്നേ​റി.

നി​ർ​ണാ​യ​ക​മാ​യ മൂ​ന്നാം മ​ത്സ​ര​ത്തി​ൽ പാ​കി​സ്താ​ന്റെ കൗ​മാ​ര താ​ര​മാ​യ നൂ​ർ സ​മാ​നെ​തി​രെ നാ​ലാം ഗെ​യി​മി​ൽ തോ​ൽ​വി​യു​ടെ വ​ക്കി​ൽ​നി​ന്നാ​ണ് 25കാ​ര​നാ​യ അ​ഭ​യ് സി​ങ് തി​രി​ച്ചു​വ​ന്ന​ത്. സ്കോ​ർ: 11-7, 9-11, 8-11, 11-9, 12-10. ഒ​ന്നാം ഗെ​യിം നേ​ടി​യ അ​ഭ​യ് സി​ങ്ങി​ന് ര​ണ്ടും മൂ​ന്നും ഗെ​യി​മു​ക​ളി​ൽ അ​ടി​പ​ത​റി. ഇ​തോ​ടെ പാ​കി​സ്താ​ന് മാ​ന​സി​ക​മാ​യ മു​ൻ​തൂ​ക്കം ല​ഭി​ച്ചു. നാ​ലാം ഗെ​യി​മി​ൽ തോ​റ്റാ​ൽ സ്വ​ർ​ണം ന​ഷ്ട​മാ​കു​മെ​ന്ന​തി​നാ​ൽ അ​ഭ​യ് സി​ങ് കൈ​മെ​യ് മ​റ​ന്ന് പൊ​രു​തി. എ​ന്നാ​ൽ, 3-5, 6-8 എ​ന്നി​ങ്ങ​നെ അ​ഭ​യ് സി​ങ് പി​ന്നി​ലാ​യി. 9-7ന് ​പാ​ക് താ​രം മു​ന്നി​ലെ​ത്തി​യി​ട്ടും അ​ഭ​യ് സി​ങ് വി​റ​ച്ചി​ല്ല. തു​ട​ർ​ച്ച​യാ​യ നാ​ലു പോ​യ​ന്റു​മാ​യി ഇ​ന്ത്യ​ൻ താ​രം മ​ത്സ​രം നി​ർ​ണാ​യ​ക​മാ​യ അ​ഞ്ചാം ഗെ​യി​മി​ലേ​ക്ക് നീ​ട്ടി. ഈ ​ഗെ​യി​മി​ൽ ആ​വേ​ശം പ​ര​കോ​ടി​യി​ലെ​ത്തി. 2-2, 7-7, 8-8, 10-10 എ​ന്ന രീ​തി​യി​ൽ ‘ക​ട്ട​ക്ക് ക​ട്ട’​യാ​യി​രു​ന്നു പോ​രാ​ട്ടം. 10-10ലെ​ത്തി​യ​പ്പോ​ൾ നൂ​ർ സ​മാ​ന്റെ ബാ​ക്ക് ഹാ​ൻ​ഡ് ഷോ​ട്ട് ഫൗ​ളാ​യ​തോ​ടെ 12-10ൽ ​അ​ഭ​യ് സി​ങ് സ്വ​ർ​ണ​മു​റ​പ്പി​ച്ചു. 64 മി​നി​റ്റ് നീ​ണ്ട മൂ​ന്നാം മ​ത്സ​ര​ത്തി​നു​ശേ​ഷം ആ​വേ​ശ​ഭ​രി​ത​രാ​യ ഇ​ന്ത്യ​ൻ താ​ര​ങ്ങ​ളും കാ​ണി​ക​ളും ആ​ർ​പ്പു​വി​ളി​ച്ചു. മ​റു​ഭാ​ഗ​ത്ത് പാ​ക് താ​രം ക​ണ്ണീ​ര​ണി​ഞ്ഞ് മ​ട​ങ്ങി. ഏ​റ്റ​വും സ​ന്തോ​ഷ​ക​ര​മാ​യ നി​മി​ഷ​മാ​ണി​തെ​ന്നും ഞാ​യ​റാ​ഴ്ച വ്യ​ക്തി​ഗ​ത മ​ത്സ​ര​ങ്ങ​ളു​ള്ള​തി​നാ​ൽ ആ​ഘോ​ഷ​ങ്ങ​ൾ​ക്ക് സ​മ​യ​മി​ല്ലെ​ന്നും അ​ഭ​യ് സി​ങ് പ​റ​ഞ്ഞു.