അഖിലേന്ത്യ വാട്ടർപോളോ: ഫൈനലിൽ കാലിക്കറ്റും കേരളയും ഇന്ന് നേർക്കുനേർ

തേഞ്ഞിപ്പലം: അന്തർ സർവകലാശാല പുരുഷ വാട്ടർപോളോ ചാമ്പ്യൻഷിപ്പിന്‍റെ ഫൈനൽ മത്സരത്തിൽ വെള്ളിയാഴ്ച രാവിലെ 10.30ന് ആതിഥേയരായ കാലിക്കറ്റ്‌ സർവകലാശാല കേരള സർവകലാശാലയെ നേരിടും. ലൂസേഴ്സ് ഫൈനലിൽ എം.ജി യൂനിവേഴ്സിറ്റി, യൂനിവേഴ്സിറ്റി കൊൽക്കത്തയെ നേരിടും.

ആദ്യ സെമിഫൈനൽ മത്സരത്തിൽ എം.ജി യൂനിവേഴ്സിറ്റിയെ 19 -3 സ്കോറിന് പരാജയപ്പെടുത്തിയാണ് കേരള ഫൈനലിൽ പ്രവേശിച്ചത്. കൊൽക്കത്ത യൂനിവേഴ്സിറ്റിയെ 14 -6ന് പരാജയപ്പെടുത്തി കാലിക്കറ്റ്‌ സർവകലാശാലയും ഫൈനലിന് അർഹത നേടി.