ഉയരെ 'തല'സ്ഥാനം

കൊ​ച്ചി: സ്കൂ​ൾ കാ​യി​ക​മേ​ള​യി​ലെ ഗെ​യിം​സ് മ​ത്സ​ര​ങ്ങ​ൾ​ക്ക് കൊ​ടി​യി​റ​ങ്ങു​മ്പോ​ൾ തി​രു​വ​ന​ന്ത​പു​ര​ത്തി​ന് സ​മ​ഗ്രാ​ധി​പ​ത്യം. 144 സ്വ​ർ​ണ​വും 88 വെ​ള്ളി​യും 100 വെ​ങ്ക​ല​വു​മ​ട​ക്കം 1213 പോ​യ​​ന്‍റോ​ടെ ത​ല​സ്ഥാ​ന ജി​ല്ല ഓ​വ​റോ​ൾ ചാ​മ്പ്യ​ൻ​മാ​രാ​യി.73 സ്വ​ർ​ണ​വും 56 വെ​ള്ളി​യും 75 വെ​ങ്ക​ല​വു​മാ​യി റ​ണ്ണ​റ​പ്പാ​യ തൃ​ശൂ​ർ ജി​ല്ല​ക്ക് 744 പോ​യ​ന്‍റാ​ണു​ള്ള​ത്. 67 സ്വ​ർ​ണം, 61 വെ​ള്ളി,66 വെ​ങ്ക​ല​വും നേ​ടി ക​ണ്ണൂ​ർ ജി​ല്ല മൂ​ന്നാം സ്ഥാ​ന​ത്തു​ണ്ട്.

41 സ്വ​ർ​ണ​വും 57 വെ​ള്ളി​യും 113 വെ​ങ്ക​ല​വു​മ​ട​ക്കം 568 പോ​യ​ന്‍റ്​ നേ​ടി​യ മ​ല​പ്പു​റ​വും 32 സ്വ​ർ​ണ​വും 52 വെ​ള്ളി​യും 59 വെ​ങ്ക​ല​വും അ​ട​ക്കം 522 പോ​യ​ന്‍റ്​ നേ​ടി​യ പാ​ല​ക്കാ​ട്ടും നാ​ലും അ​ഞ്ചും സ്ഥാ​ന​ങ്ങ​ളി​ലാ​ണ്.

സ്കൂ​ളു​ക​ളി​ൽ തി​രു​വ​ന​ന്ത​പു​രം സെ​ന്‍റ്​ ജോ​സ​ഫ് എ​ച്ച്.​എ​സ്.​എ​സ്​ (78 പോ​യ​ന്‍റ്), തൃ​ശൂ​ർ കൊ​ട്ടു​ക​ര പി.​പി.​എം.​എ​ച്ച്.​എ​സ്.​എ​സ്​ (55 ), ക​ണ്ണൂ​ർ കോ​ട്ട​ൺ​ഹി​ൽ ജി.​ജി.​എ​ച്ച്.​എ​സ്.​എ​സ്​ (53) എ​ന്നി​വ​ർ ആ​ദ്യ മൂ​ന്ന്​ സ്ഥാ​നം നേ​ടി. ഗെ​യിം​സി​ൽ മു​ഴു​വ​ൻ വി​ഭാ​ഗ​ങ്ങ​ളി​ലും സ​മ​ഗ്രാ​ധി​പ​ത്യം നേ​ടി​യാ​ണ് തി​രു​വ​ന​ന്ത​പു​ര​ത്തി​ന്‍റെ തേ​രോ​ട്ടം.ജി.​വി.​രാ​ജ സ്പോ​ർ​ട്സ് സ്കൂ​ളി​ന്‍റെ സം​ഭാ​വ​ന​യാ​ണ് പോ​യ​ന്‍റി​ലേ​റെ​യും. ക​ഴി​ഞ്ഞ ദി​വ​സം സ​മാ​പി​ച്ച അ​ക്വാ​ട്ടി​ക് മ​ത്സ​ര​ങ്ങ​ളി​ലും തി​രു​വ​ന​ന്ത​പു​രം ജി​ല്ല​ക്കാ​യി​രു​ന്നു ഓ​വ​റോ​ൾ ചാ​മ്പ്യ​ൻ​ഷി​പ്പ്.

2025ലെ ​കാ​യി​ക​മേ​ള തി​രു​വ​ന​ന്ത​പു​ര​ത്ത്

കൊ​ച്ചി: സം​സ്ഥാ​ന സ്കൂ​ൾ കാ​യി​ക​മേ​ള ഒ​ളി​മ്പി​ക്സ് മാ​തൃ​ക​യി​ൽ​ത്ത​ന്നെ വ​രും വ​ർ​ഷ​ങ്ങ​ളി​ലും ന​ട​ത്തു​മെ​ന്ന് പൊ​തു​വി​ദ്യാ​ഭ്യാ​സ​മ​ന്ത്രി വി.ശി​വ​ൻ​കു​ട്ടി. ഗെ​യിം​സ്, നീ​ന്ത​ൽ, അ​ത്​​ല​റ്റി​ക്സ് മ​ത്സ​ര​ങ്ങ​ൾ ഒ​രു​മി​ച്ചാ​ണ് ന​ട​ത്തു​ക. 2025ലെ ​കാ​യി​ക​മേ​ള​ക്ക് തി​രു​വ​ന​ന്ത​പു​രം വേ​ദി​യാ​വു​മെ​ന്ന് മ​ന്ത്രി വ്യ​ക്ത​മാ​ക്കി. മേ​ള​യി​ൽ ഇ​ക്കു​റി സ​വി​ശേ​ഷ പ​രി​ഗ​ണ​ന​യു​ള്ള വി​ദ്യാ​ർ​ഥി​ക​ളു​ടെ​യും ഗ​ൾ​ഫി​ൽ​നി​ന്നു​ള്ള മ​ത്സ​രാ​ർ​ഥി​ക​ളു​ടെ​യും പ​ങ്കാ​ളി​ത്ത​മു​ണ്ടാ​യി​രു​ന്നു.

കാ​ൽ​ല​ക്ഷ​ത്തോ​ളം കാ​യി​ക​പ്ര​തി​ഭ​ക​ൾ മാ​റ്റു​ര​ച്ച സം​സ്ഥാ​ന സ്കൂ​ൾ കാ​യി​ക​മേ​ള​യു​ടെ സ​മാ​പ​ന​സ​മ്മേ​ള​നം തി​ങ്ക​ളാ​ഴ്ച വൈ​കീ​ട്ട്‌ നാ​ലി​ന്‌ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്‌​ഘാ​ട​നം ചെ​യ്യും. പൊ​തു​വി​ദ്യാ​ഭ്യാ​സ​മ​ന്ത്രി വി ​ശി​വ​ൻ​കു​ട്ടി അ​ധ്യ​ക്ഷ​നാ​കും.