ഗുകേഷ് കുറിക്കുമോ ചരിത്രം; ലോക ചെസ് ചാമ്പ്യൻഷിപ്പിൽ ഗുകേഷ് -ലിറെൻ പോരാട്ടത്തിന് രണ്ടുനാൾ

ചെ​ന്നൈ: ഇ​ന്ത്യ​ൻ ചെ​സി​ന് പു​തി​യ ഉ​യ​ര​വും ഉ​ണ​ർ​വും ന​ൽ​കി വ​ർ​ഷ​ങ്ങ​ൾ​ക്ക് മു​മ്പ് ചെ​ന്നൈ​ക്കാ​ര​നാ​യ വി​ഷി ആ​ന​ന്ദ് എ​ത്തി​പ്പി​ടി​ച്ച ച​രി​ത്ര​ത്തി​ലേ​ക്ക് 18ാം വ​യ​സ്സി​ൽ ക​രു​ക്ക​ൾ നീ​ക്കി​ക്ക​യ​റാ​ൻ മ​റ്റൊ​രു ചെ​ന്നൈ​ക്കാ​ര​ൻ ദൊ​മ്മ​രാ​ജു ഗു​കേ​ഷി​നാ​കു​മോ? ഉ​ദ്ഘാ​ട​ന ച​ട​ങ്ങു​ക​ൾ​ക്ക് ഇ​ന്ന് തി​ര​ശ്ശീ​ല ഉ​യ​രു​മെ​ങ്കി​ലും തി​ങ്ക​ളാ​ഴ്ച​യാ​ണ് കാ​യി​ക ലോ​കം ആ​കാം​ക്ഷ​യോ​ടെ ഉ​റ്റു​നോ​ക്കു​ന്ന ലോ​ക ചെ​സ് ചാ​മ്പ്യ​ൻ​ഷി​പ്പി​ൽ ക​ളി​യു​ണ​രു​ന്ന​ത്. ചൈ​നീ​സ് താ​രം 32കാ​ര​നാ​യ ഡി​ങ് ലി​റെ​നെ​തി​രെ അ​ങ്കം കു​റി​ക്കു​മ്പോ​ൾ ഗു​കേ​ഷ് ചാ​മ്പ്യ​ൻ പോ​രി​നി​റ​ങ്ങു​ന്ന ഏ​റ്റ​വും പ്രാ​യം കു​റ​ഞ്ഞ താ​ര​മാ​ണ്. അ​തു​ൾ​പ്പെ​ടെ എ​ണ്ണ​മ​റ്റ റെ​ക്കോ​ഡു​ക​ൾ ഗു​കേ​ഷി​ന്റെ കി​രീ​ട​ധാ​ര​ണം സം​ഭ​വി​ച്ചാ​ൽ വ​ഴി​മാ​റും.

ലോ​ക​ചാ​മ്പ്യ​ൻ​ഷി​പ്പി​ൽ 1886നു ​ശേ​ഷം 50ാം പോ​രാ​ട്ട​മാ​ണി​ത്. ആ​ദ്യ​മാ​യാ​ണ് എ​തി​രാ​ളി​ക​ൾ ര​ണ്ടു​പേ​രും ഏ​ഷ്യ​ക്കാ​രാ​കു​ന്ന​ത്. ഒ​ന്നാം ന​മ്പ​ർ താ​രം എ​ക്കാ​ല​ത്തും ഒ​രു​വ​ശ​ത്തു​ണ്ടാ​കാ​റു​ണ്ടെ​ങ്കി​ലും 2023, 2024 വ​ർ​ഷ​ങ്ങ​ളി​ൽ ഒ​ന്നാ​മ​നി​ല്ലെ​ന്ന സ​വി​ശേ​ഷ​ത​യു​ണ്ട്. ഒ​രു പ​തി​റ്റാ​ണ്ടു കാ​ലം ചാ​മ്പ്യ​ൻ​പ​ട്ടം എ​തി​രി​ല്ലാ​തെ സ്വ​ന്ത​മാ​ക്കി​യ​തി​നൊ​ടു​വി​ൽ മാ​ഗ്ന​സ് കാ​ൾ​സ​ൺ പ​ദ​വി ഉ​പേ​ക്ഷി​ച്ച് ഇ​നി അ​ങ്ക​ത്തി​നി​ല്ലെ​ന്ന് പ്ര​ഖ്യാ​പി​ച്ച​തോ​ടെ​യാ​ണ് പോ​രാ​ട്ടം മ​റ്റു​ള്ള​വ​ർ ത​മ്മി​ലാ​യ​ത്. ഗു​കേ​ഷ് നി​ല​വി​ൽ അ​ഞ്ചാം റാ​ങ്കു​കാ​ര​നാ​ണ്. നി​ല​വി​ലെ ചാ​മ്പ്യ​നാ​യ ലി​റെ​ൻ 23ാമ​നും. ലി​റെ​ൻ ജ​നു​വ​രി​ക്കു ശേ​ഷം ഒ​രു ക​ളി പോ​ലും ജ​യി​ച്ചി​ട്ടി​ല്ല. ക​ഴി​ഞ്ഞ ആ​ഗ​സ്റ്റി​നു ശേ​ഷം ചാ​മ്പ്യ​ൻ​ഷി​പ്പു​ക​ളി​ൽ മ​ത്സ​രി​ച്ചി​ട്ടു​മി​ല്ല. 2017 -18 കാ​ല​ത്ത് തോ​ൽ​വി​യ​റി​യാ​തെ 100 മ​ത്സ​ര​ങ്ങ​ൾ പൂ​ർ​ത്തി​യാ​ക്കി​യ കാ​ലം ഓ​ർ​മ​യി​ലു​ണ്ടെ​ങ്കി​ലും ചൈ​ന​യി​ലെ വെ​ൻ​ഷു സ്വ​ദേ​ശി പ​ഴ​യ ഫോ​മി​ന്റെ നി​ഴ​ലി​ലാ​ണ്. കോ​വി​ഡ് മ​ഹാ​മാ​രി​യി​ൽ ച​തു​രം​ഗ​ക്ക​ള​ത്തി​ൽ​നി​ന്ന് വി​ട്ടു​നി​ന്ന് മാ​ന​സി​ക ​പ്ര​യാ​സ​ങ്ങ​ൾ വ​രെ നേ​രി​ട്ട​തി​നൊ​ടു​വി​ലാ​ണ് തി​രി​ച്ചു​വ​ര​വ്.

എ​ന്നാ​ൽ, റാ​ങ്കി​ങ്ങി​ൽ ബ​ഹു​ദൂ​രം മു​ന്നി​ലാ​ണെ​ന്നു മാ​ത്ര​മ​ല്ല, സ​മീ​പ​കാ​ല പ്ര​ക​ട​ന​ങ്ങ​ൾ വെ​ച്ചു​നോ​ക്കി​യാ​ൽ കി​രീ​ട​സാ​ധ്യ​ത​ക​ളി​ലും ഗു​കേ​ഷ് ത​ന്നെ കേ​മ​ൻ. ഇ​രു​വ​രും ത​മ്മി​ൽ ക്ലാ​സി​ക്ക​ൽ ഗെ​യി​മു​ക​ളി​ൽ മൂ​ന്നു​വ​ട്ടം മു​ഖാ​മു​ഖം വ​ന്ന​തി​ൽ ര​ണ്ടു​ത​വ​ണ​യും ജ​യം പി​ടി​ച്ച​ത് ലി​റ​നാ​ണെ​ന്ന​ത് മാ​ത്ര​മാ​ണ് ചാ​മ്പ്യ​നെ തു​ണ​ക്കു​ന്ന ഏ​ക ക​ണ​ക്ക്. അ​തു​പ​ക്ഷേ, ഏ​ഴാം വ​യ​സ്സി​ൽ ചെ​സി​ന്റെ ലോ​ക​ത്തെ​ത്തി അ​തി​വേ​ഗം ച​തു​രം​ഗ​ക്ക​ളം പി​ടി​ച്ച ഗു​കേ​ഷി​ന് ഭീ​ഷ​ണി​യാ​ക​ണ​മെ​ന്നി​ല്ല. 12ാം വ​യ​സ്സി​ൽ ഗ്രാ​ൻ​ഡ് മാ​സ്റ്റ​ർ പ​ട്ടം ചൂ​ടി അ​ത്ഭു​ത​മാ​യ ബാ​ല​ൻ അ​ടു​ത്തി​ടെ 2800 എ​ലോ റേ​റ്റി​ങ്ങും പി​ന്നി​ട്ടു. വ​ർ​ഷ​ങ്ങ​ളാ​യി വി​ഷി ആ​ന​ന്ദ് ​മെ​ന്റ​റാ​യി കൂ​ടെ കൂ​ട്ടി​യ ഗു​കേ​ഷി​നെ പ​രി​ശീ​ലി​പ്പി​ച്ച് പോ​ള​ണ്ടു​കാ​ര​നാ​യ ഗ​ജേ​വ്സ്കി​യു​മു​ണ്ട്.

ലോ​ക ഒ​ന്നാം ന​മ്പ​റാ​യ കാ​ൾ​സ​ണും ര​ണ്ടാ​മ​ൻ ഫാ​ബി​യാ​നോ ക​രു​വാ​ന​യും ഇ​ത്ത​വ​ണ ലോ​ക ചാ​മ്പ്യ​ൻ​ഷി​പ് വേ​ദി​യാ​യ സിം​ഗ​പ്പൂ​രി​ലു​ണ്ട്. ഇ​രു​വ​രെ​യും വെ​ച്ച് ഇ​വി​ടെ മി​നി മ​ത്സ​രം സം​ഘ​ടി​പ്പി​ച്ചി​രു​ന്നു.