ലോക ചെസ് ചാമ്പ്യൻഷിപ്പിൽ ഗുകേഷിന് തോൽവിയോടെ തുടക്കം

സിം​ഗ​പ്പു​ർ: ലോ​ക ചെ​സ് ചാ​മ്പ്യ​ൻ​ഷി​പ്പി​ൽ ഇ​ന്ത്യ​യു​ടെ കൗ​മാ​ര​ക്കാ​ര​ൻ ഗ്രാ​ൻ​ഡ് മാ​സ്റ്റ​ർ ഡി. ​ഗു​കേ​ഷി​ന് തോ​ൽ​വി​യോ​ടെ തു​ട​ക്കം. നി​ല​വി​ലെ ചാ​മ്പ്യ​ൻ ചൈ​ന​യു​ടെ ഡി​ങ് ലി​റെ​ൻ 42 നീ​ക്ക​ങ്ങ​ൾ​ക്കൊ​ടു​വി​ലാ​ണ് ചെ​ന്നൈ സ്വ​ദേ​ശി​യെ മു​ട്ടു​കു​ത്തി​ച്ച​ത്.

വെ​ള്ള​ക്ക​രു​ക്ക​ളു​മാ​യി തു​ട​ങ്ങി​യ ഗു​കേ​ഷി​ന് പ​ക്ഷേ, ലി​റെ​ന്റെ അ​നു​ഭ​വ​സ​മ്പ​ത്തി​നും മു​ന്നി​ൽ പി​ടി​ച്ചു​നി​ൽ​ക്കാ​നാ​യി​ല്ല. ര​ണ്ടാം റൗ​ണ്ട് മ​ത്സ​രം ചൊ​വ്വാ​ഴ്ച ന​ട​ക്കും. ക​റു​ത്ത ക​രു​ക്കളുമായായിരിക്കും ഗു​കേ​ഷ് ഇറങ്ങുക. ലോകചാമ്പ്യന്‍ഷിപ്പ് കിരീടത്തിന് മത്സരിക്കുന്ന ഏറ്റവും പ്രായം കുറഞ്ഞ താരമാണ് ഗുകേഷ്.

കിങ് പോണ്‍ ഫോര്‍വേഡ് ഗെയിമിലൂടെയാണ് കരുനീക്കം ആരംഭിച്ചത്. ഇതിന് ഫ്രഞ്ച് ഡിഫന്‍സിലൂടെയായിരുന്നു ലിറന്റെ മറുപടി. 42 നീക്കങ്ങൾക്കൊടുവിൽ ഗുകേഷ് പരാജയം സമ്മതിക്കുകയായിരുന്നു.

സ​മ്മ​ർ​ദം ഗു​കേ​ഷി​ൽ -കെ. ​ര​ത്നാ​ക​ര​ൻ (ഇ​ന്റ​ർ നാ​ഷ​ന​ൽ മാ​സ്റ്റ​ർ)

ലോ​ക ചെ​സ് ചാ​മ്പ്യ​ൻ​ഷി​പ്പി​ലെ ആ​ദ്യ ഗെ​യി​മി​ൽ വെ​ള്ള​ക്ക​രു​ക്ക​ൾ എ​ടു​ത്തു കി​ങ് പോ​ൺ ഓ​പ​ണി​ങ്ങി​ൽ തു​ട​ങ്ങി​യ ഡി. ​ഗു​കേ​ഷി​ന് എ​തി​രെ ഫ്ര​ഞ്ച് പ്ര​തി​രോ​ധം ആ​ണ് ഡി​ങ് ലി​റെ​ൻ പു​റ​ത്തെ​ടു​ത്ത​ത്. ഫ്ര​ഞ്ച് ഓ​പ​ണി​ങ്ങി​ൽ സ്റ്റെ​യ്ൻ​സ് വേ​രി​യേ​ഷ​ൻ എ​ന്ന​റി​യ​പ്പെ​ടു​ന്ന ആ​ക്ര​മ​ണ രീ​തി ഡി​ങ്ങി​നെ നേ​രി​ടാ​ൻ ഗു​കേ​ഷും ഉ​പ​യോ​ഗി​ച്ചു. ക​റു​ത്ത ക​രു​ക്ക​ൾ വെ​ച്ച് ക​ളി​ച്ച ഡി​ങ്ങി​ന് ആ​ദ്യ​ത്തെ 15 നീ​ക്ക​ങ്ങ​ൾ​ക്കു​ള്ളി​ൽ​ത​ന്നെ അ​നാ​യാ​സ​മാ​യി ഈ​ക്വ​ലൈ​സ് ചെ​യ്യാ​ൻ സാ​ധി​ച്ചു. ഫ്ര​ഞ്ച് ഡി​ഫ​ൻ​സ് ക​ളി​ക്കു​ന്ന ക​ളി​ക്കാ​ര​ന് ല​ഭി​ക്കാ​വു​ന്ന ഡ്രീം ​പൊ​സി​ഷ​ൻ​ത​ന്നെ ഡി​ങ്ങി​ന് ല​ഭി​ച്ചെ​ന്നു പ​റ​യാം.

ക്വീ​ൻ സൈ​ഡി​ൽ ഓ​രോ​ക​രു​ക്ക​ളെ​യും ഉ​പ​യോ​ഗി​ച്ച് ആ​ക്ര​മ​ണം ഡി​ങ് ന​ട​ത്തു​ന്ന​താ​ണ് കാ​ണാ​ൻ സാ​ധി​ച്ച​ത്. ഡി​ങ്ങി​ന്റെ സെ​ന്റ​റി​ൽ​നി​ന്നി​രു​ന്ന രാ​ജാ​വി​നെ ആ​ക്ര​മി​ക്കാ​ൻ ശ്ര​മി​ച്ചെ​ങ്കി​ലും ഗു​കേ​ഷി​ന്റെ പോ​ൺ ബ്രേ​ക്ക്‌ ഫ​ലം കാ​ണാ​തെ പോ​യി. 22ാമ​ത്തെ നീ​ക്ക​ത്തി​ൽ ക്വീ​നി​നെ പി​റ​കോ​ട്ടു​നീ​ക്കാ​ൻ ഉ​ള്ള തീ​രു​മാ​നം ഗു​കേ​ഷി​ന് പി​ഴ​ച്ചു.

ഡി​ങ്ങി​ന്റെ എ​ല്ലാ ക​രു​ക്ക​ളും ബോ​ർ​ഡി​ൽ നി​റ​ഞ്ഞാ​ടു​മ്പോ​ൾ ഗു​കേ​ഷി​ന്റെ ക​രു​ക്ക​ൾ തീ​ർ​ത്തും പ്ര​തി​രോ​ധ​ത്തി​ലേ​ക്കു മാ​റി​യി​രു​ന്നു. 25ാം നീ​ക്ക​ത്തി​ൽ ഗു​കേ​ഷി​ന് ഒ​രു കാ​ലാ​ളി​നെ ന​ഷ്ട​പ്പെ​ട്ടു. ഡി​ങ്ങി​ന്റെ മി​ക​ച്ച ടെ​ക്‌​നി​ക് ആ​ണ് ക​ളി​യി​ലു​ട​നീ​ളം ക​ണ്ട​ത്. ഗു​കേ​ഷി​ന് പ്ര​തീ​ക്ഷി​ച്ച നി​ല​വാ​ര​ത്തി​ലേ​ക്കു ഉ​യ​രാ​ൻ സാ​ധി​ച്ചി​ല്ല എ​ന്നു വേ​ണം ക​രു​താ​ൻ. ഈ ​പ​രാ​ജ​യ​ത്തെ ഗു​കേ​ഷ് എ​ങ്ങ​നെ മ​റി​ക​ട​ക്കു​ന്നു എ​ന്ന് കാ​ത്തി​രു​ന്നു കാ​ണാം. ര​ണ്ടാം ഗെ​യി​മി​ൽ ക​റു​ത്ത​ക​രു​ക്ക​ളു​മാ​യി ക​ളി​ക്കു​ന്ന ഗു​കേ​ഷ് ക​ടു​ത്ത സ​മ്മ​ർ​ദ​ത്തി​ൽ ആ​യി​രി​ക്കാ​ൻ സാ​ധ്യ​ത ഏ​റെ​യാ​ണ്.