കാൾസനെ തളച്ച് ഇന്ത്യൻ കൗമാരക്കാരൻ
text_fieldsഖത്തർ മാസ്റ്റേഴ്സ് ചെസിൽ കാൾസനെതിരെ മത്സരിക്കുന്ന എം. പ്രണേഷ്
ദോഹ: ലോക ഒന്നാം നമ്പർ താരം മാഗ്നസ് കാൾസനെ സമനിലയിൽ തളച്ച് ഇന്ത്യൻ കൗമാരക്കാരൻ എം. പ്രണേഷ്. ദോഹയിൽ നടക്കുന്ന ഖത്തർ മാസ്റ്റേഴ്സ് ചെസ് ചാമ്പ്യൻഷിപ്പിന്റെ നാലാം റൗണ്ടിലാണ് കാൾസനെ 17കാരനായ പ്രണേഷ് വെള്ളക്കരുക്കളുമായി കളിച്ച് സമനില യിൽ പിടിച്ചത്. ലുസൈൽ സ്പോർട്സ് അറീനയിൽ നടന്ന മത്സരത്തിൽ 53 നീക്കത്തിനൊടുവിൽ കാൾസൻ ഇന്ത്യൻ ഗ്രാൻഡ്മാസ്റ്റർക്ക് മുന്നിൽ സമനില വഴങ്ങി.
ലോകചാമ്പ്യൻഷിപ്പിൽ കാൾസനെ വിറപ്പിച്ച പ്രഗ്നാനന്ദക്കു പിന്നാലെ ഇന്ത്യയിൽ നിന്നുള്ള ഭാവിതാരമെന്ന് വിശേഷിപ്പിക്കുന്ന പ്രണേഷിന്റെ ചടുലമായ നീക്കങ്ങളിലായിരുന്നു കാൾസൻ വിജയം കൈവിട്ട് സമനില സമ്മതിച്ചത്. രണ്ടാം റൗണ്ടിൽ തോറ്റ കാൾസൻ, ഞായറാഴ്ച രാത്രിയിലെ അഞ്ചാം റൗണ്ട് മത്സരം പൂർത്തിയായപ്പോൾ 3.5 പോയന്റുമായി 12ാം സ്ഥാനത്താ ണുള്ളത്. അതേസമയം, അമേരിക്കയുടെ ഹികാര നകാമുറ ജയിച്ചപ്പോൾ, ഡച്ച് താരം അനിഷ് ഗിരി ഉസ്ബകിന്റെ ശംസുദ്ദിൻ വോഖിദോവിനോട് സമനില പാലിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.