സുവർണാഭ്യാസത്തിൽ കുതിച്ചുചാടി കേരളം

കം​പാ​ൽ(​ഗോ​വ): ദേ​ശീ​യ ഗെ​യിം​സ് ക​ള​രി​ത്ത​റ​യി​ൽ ര​ണ്ടാം​ദി​ന​വും കേ​ര​ള​ത്തി​ന്റെ ക​ന​ക​പ്പ​യ​റ്റ്. എ​ട്ട് സ്വ​ര്‍ണ​മ​ട​ക്കം 11 മെ​ഡ​ലു​ക​ളാ​ണ് കേ​ര​ളം അ​ങ്ക​ത്ത​ട്ടി​ൽ​നി​ന്ന് വെ​ട്ടി​പ്പി​ടി​ച്ച​ത്. വ്യ​ക്തി​ഗ​ത ഇ​ന​ത്തി​ൽ അ​ഞ്ചും ഗ്രൂ​പ് ഇ​ന​ത്തി​ൽ മൂ​ന്ന് സ്വ​ർ​ണ​വു​മാ​ണ് മെ​യ്അ​ഭ്യാ​സി​ക​ൾ സ്വ​ന്ത​മാ​ക്കി​യ​ത്.

ഒ​പ്പം ര​ണ്ട് വെ​ള്ളി​യും ഒ​രു വെ​ങ്ക​ല​വും ക​ള​രി​പ്പ​യ​റ്റി​ൽ​നി​ന്ന് മെ​ഡ​ൽ​ശേ​ഖ​ര​ത്തി​ലേ​ക്കെ​ത്തി. ഖോ​ഖോ​യി​ല്‍നി​ന്ന് ര​ണ്ടും ഫു​ട്ബാ​ളി​ൽ​നി​ന്ന് ഒ​രു വെ​ങ്ക​ല​വും ഇ​തി​നൊ​പ്പം ബു​ധ​നാ​ഴ്ച ല​ഭി​ച്ചു. ആ​കെ എ​ട്ടു സ്വ​ർ​ണം, ര​ണ്ടു​വെ​ള്ളി, നാ​ലു വെ​ങ്ക​ലം എ​ന്നി​ങ്ങ​നെ​യാ​ണ് ഇ​ന്ന​ല​ത്തെ മെ​ഡ​ൽ​നേ​ട്ടം. ഇ​തോ​ടെ, ഗെ​യിം​സ് അ​വ​സാ​നി​ക്കാ​ൻ ഒ​രു​ദി​നം മാ​ത്രം ബാ​ക്കി​നി​ൽ​ക്കെ, കേ​ര​ളം മെ​ഡ​ൽ പ​ട്ടി​ക​യി​ൽ നാ​ലാം സ്ഥാ​ന​ത്തേ​ക്കു​യ​ർ​ന്നു.

ക​ള​രി​യി​ല്‍നി​ന്ന് ല​ഭി​ച്ച 19 സ്വ​ര്‍ണ​ത്തോ​ടെ ആ​കെ സ്വ​ര്‍ണ​നേ​ട്ടം 36 ആ​യി. 23 വെ​ള്ളി​യും 27 വെ​ങ്ക​ല​വു​മു​ള്‍പ്പെ​ടെ 86 മെ​ഡ​ലു​ക​ളു​മാ​യാ​ണ് കേ​ര​ളം നാ​ലാ​മ​താ​യ​ത്. 73 സ്വ​ര്‍ണ​വു​മാ​യി മ​ഹാ​രാ​ഷ്ട്ര​യാ​ണ് ഒ​ന്നാ​മ​ത്. 64 സ്വ​ര്‍ണ​ത്തോ​ടെ സ​ര്‍വി​സ​സ് ര​ണ്ടാ​മ​തും ഹ​രി​യാ​ന (53 സ്വ​ര്‍ണം) മൂ​ന്നാം സ്ഥാ​ന​ത്തു​മാ​ണ്.

ആ​ദ്യ​ദി​വ​സം ക​ള​രി​പ്പ​യ​റ്റി​ലെ മു​ഴു​വ​ൻ സ്വ​ർ​ണ​വും തൂ​ത്തു​വാ​രി​യ കേ​ര​ള​ത്തി​ന് ര​ണ്ടാം​ദി​നം മൂ​ന്നി​ന​ങ്ങ​ളി​ൽ കാ​ലി​ട​റി. അ​ഞ്ച​ര​യ​ടി​ക്ക് മു​ക​ളി​ലു​ള്ള​വ​രു​ടെ പൊ​ങ്ങി​ച്ചാ​ട്ട​ത്തി​ലും പു​രു​ഷ​ന്മാ​രു​ടെ വാ​ളും പ​രി​ച​യി​ലും നേ​ട്ടം വെ​ള്ളി​യി​ലൊ​തു​ങ്ങി​യ​പ്പോ​ൾ വ​നി​ത​ക​ളു​ടെ 45-60 കി​ലോ കൈ​പ്പോ​രി​ൽ വെ​ങ്ക​ലം നേ​ടാ​നേ ക​ഴി​ഞ്ഞു​ള്ളൂ.

വ്യ​ക്തി​ഗ​ത​യി​ന​ങ്ങ​ളി​ല്‍ വ​നി​ത വി​ഭാ​ഗം 60-75 കി​ലോ വി​ഭാ​ഗം കൈ​പ്പോ​രി​ല്‍ സി.​എ​ച്ച്. ഷെ​ഫ്‌​ലി ഷ​ഫാ​ത്ത്, അ​ഞ്ച​ര​യ​ടി​യി​ല്‍ താ​ഴെ​യു​ള്ള വ​നി​ത​ക​ളു​ടെ പൊ​ങ്ങി​ച്ചാ​ട്ട​ത്തി​ല്‍ വി. ​സൂ​ര്യ​ശ​ങ്ക​ര്‍, അ​ഞ്ച​ര​യ​ടി​ക്കു മു​ക​ളി​ലു​ള്ള​വ​രു​ടെ വി​ഭാ​ഗ​ത്തി​ല്‍ വി​സ്മ​യ വി​ജ​യ​ന്‍, പു​രു​ഷ​ന്മാ​രു​ടെ അ​ഞ്ച​ര​യ​ടി​ക്ക് താ​ഴെ​യു​ള്ള​വ​രു​ടെ പൊ​ങ്ങി​ച്ചാ​ട്ട​ത്തി​ല്‍ സി.​എം. മു​ഹ​മ്മ​ദ് അ​ന​സ്, പു​രു​ഷ​ന്മാ​രു​ടെ 65-80 കി​ലോ കൈ​പ്പോ​രി​ല്‍ ആ​ര്‍. ആ​നൂ​പ് എ​ന്നി​വ​രാ​ണ് സ്വ​ർ​ണം സ്വ​ന്ത​മാ​ക്കി​യ​ത്.

പു​രു​ഷ​ന്മാ​രു​ടെ ഉ​റു​മി​യും പ​രി​ച​യി​ലും ജി.​ആ​ര്‍. ഭ​ര​ത്-​ബി. ജി​ഷ്ണു, വ​നി​ത​ക​ളു​ടെ വി​ഭാ​ഗ​ത്തി​ല്‍ കെ.​പി. പാ​ര്‍വ​തി-​എ​സ്.​എ​സ്. ദി​വ്യ, വ​നി​ത​ക​ളു​ടെ വാ​ളും പ​രി​ച​യി​ലും അ​ന​ശ്വ​ര മു​ര​ളീ​ധ​ര​ന്‍- കീ​ര്‍ത്ത​ന കൃ​ഷ്ണ എ​ന്നി​വ​രാ​ണ് ഗ്രൂ​പ്പി​ന​ങ്ങ​ളി​ൽ കേ​ര​ള​ത്തി​ന്റെ മെ​ഡ​ൽ​ശേ​ഖ​ര​ത്തി​ലേ​ക്ക് സ്വ​ർ​ണ​മെ​ത്തി​ച്ച​ത്.

അ​ഞ്ച​ര​യ​ടി​ക്ക് മു​ക​ളി​ലു​ള്ള​വ​രു​ടെ പൊ​ങ്ങി​ച്ചാ​ട്ട വി​ഭാ​ഗ​ത്തി​ല്‍ കെ.​എ​ച്ച്. അ​ഭ​യ് വെ​ള്ളി നേ​ടി. പു​രു​ഷ​ന്മാ​രു​ടെ വാ​ളും പ​രി​ച​യും വി​ഭാ​ഗ​ത്തി​ല്‍ കെ. ​സി​റാ​ജു​ദ്ദീ​ന്‍, ടി. ​ഷ​ഹീ​ര്‍ എ​ന്നി​വ​ര​ട​ങ്ങി​യ ടീ​മും വെ​ള്ളി നേ​ടി. വ​നി​ത​ക​ളു​ടെ 45-60 കി​ലോ വി​ഭാ​ഗം കൈ​പ്പോ​രി​ൽ ഫി​ദ ഫാ​ത്തി​മ​ക്കാ​ണ് വെ​ങ്ക​ലം. ബു​ധ​നാ​ഴ്ച ക​ള​രി​പ്പ​യ​റ്റ് മ​ത്സ​ര​ങ്ങ​ൾ അ​വ​സാ​നി​ച്ച​പ്പോ​ൾ മൊ​ത്ത​മു​ള്ള 22 ഇ​ന​ങ്ങ​ളി​ൽ 19 സ്വ​ർ​ണ​വും കേ​ര​ള​ത്തി​നാ​ണ്. ഓ​രോ സ്വ​ർ​ണം​വീ​തം ക​ർ​ണാ​ട​ക​യും ഛത്തി​ഡ്ഗ​ഢും മ​ധ്യ​പ്ര​ദേ​ശും സ്വ​ന്ത​മാ​ക്കി.

വ​നി​ത ബീ​ച്ച് ഹാ​ൻ​ഡ്ബാ​ളി​ൽ കേ​ര​ളം ഫൈ​ന​ലി​ലു​മെ​ത്തി. അ​തി​നി​ടെ മി​രാ​മ​ർ ബീ​ച്ചി​ൽ ന​ട​ന്ന ട്ര​യാ​ത്ത​ല​ൺ മ​ത്സ​ര​ങ്ങ​ൾ​ക്കി​ടെ ര​ണ്ട് അ​ത്‍ല​റ്റു​ക​ൾ​ക്ക് ജെ​ല്ലി​ഫി​ഷി​ന്റെ കു​ത്തേ​റ്റു. ഇ​വ​ർ​ക്ക് നി​സ്സാ​ര​പ​രി​ക്ക് മാ​ത്ര​മാ​ണു​ള്ള​തെ​ന്ന് സം​ഘാ​ട​ക​ൾ അ​റി​യി​ച്ചു. ദേ​ശീ​യ ഗെ​യിം​സി​ന്റെ 37ാമ​ത് എ​ഡി​ഷ​ന് വ്യാ​ഴാ​ഴ്ച സ​മാ​പ​ന​മാ​വും.