മ​റെ​യെ അ​ട്ടി​മ​റി​ച്ച് ചെ​ക് കൗ​മാ​ര​ക്കാ​ര​ൻ

ദോ​ഹ: ഖ​ത്ത​ർ ഓ​പ​ണി​ലൂ​ടെ തി​രി​കെ​യെ​ത്താ​നു​ള്ള ആ​ൻ​ഡി മ​റെ​യു​ടെ സ്വ​പ്ന​ങ്ങ​ൾ ര​ണ്ടാം റൗ​ണ്ടി​ൽ അ​വ​സാ​നി​ച്ചു. ബു​ധ​നാ​ഴ്ച രാ​ത്രി ന​ട​ന്ന മ​ത്സ​ര​ത്തി​ൽ ചെ​ക്ക് കൗ​മാ​ര​ക്കാ​ര​ൻ ജാ​കു​ബ് മെ​ൻ​സി​ചി​ന് മു​ന്നി​ൽ മൂ​ന്ന് സെ​റ്റ് നീ​ണ്ട ത്രി​ല്ല​ർ പോ​രി​ൽ വീ​ണാ​ണ് മു​ൻ ലോ​ക ഒ​ന്നാം ന​മ്പ​ർ ആ​ൻ​ഡി മ​റെ​യു​ടെ മ​ട​ക്കം. ആ​ദ്യ റൗ​ണ്ടി​ൽ അ​ല​ക്സാ​ണ്ട​ർ മു​ള്ള​റെ ര​ണ്ട് സെ​റ്റ് മ​ത്സ​ര​ത്തി​ൽ വീ​ഴ്ത്തി​യ മ​റെ​ക്ക് 18കാ​ര​ൻ മെ​ൻ​സി​ചി​​ന് മു​ന്നി​ൽ പി​ടി​ച്ചു നി​ൽ​കാ​നാ​യി​ല്ല. മൂ​ന്ന് സെ​റ്റി​ലേ​ക്ക് നീ​ണ്ട മ​ത്സ​ര​ത്തി​ൽ ടൈ ​ബ്രേ​ക്ക​റി​ലാ​യി​രു​ന്നു ക​ളി കൈ​വി​ട്ട​ത്. സ്കോ​ർ 7-6, 6-7, 7-6. നി​ർ​ണാ​യ​ക​മാ​യ അ​വ​സാ​ന സെ​റ്റി​ൽ ലീ​ഡ് പി​ടി​ച്ച ശേ​ഷ​മാ​ണ് മ​റെ പി​ന്നി​ലാ​യ​ത്. ഇ​തോ​ടെ, മെ​ൻ​സി​ച് ക​രി​യ​റി​ലെ ആ​ദ്യ എ.​ടി.​പി ചാ​മ്പ്യ​ൻ​ഷി​പ് ക്വാ​ർ​ട്ട​ർ ഫൈ​ന​ലി​ൽ പ്ര​വേ​ശി​ച്ചു. പ​രി​ക്കും ഫോ​മി​ല്ലാ​യ്മ​യു​മാ​യി വ​ല​യു​ന്ന മ​റെ നീ​ണ്ട ഇ​ട​വേ​ള​ക്കു ശേ​ഷം മി​ക​ച്ച ജ​യ​വു​മാ​യി കി​രീ​ട​പാ​ത​യി​ൽ തി​രി​ച്ചെ​ത്താ​മെ​ന്ന് മോ​ഹി​ച്ചാ​ണ് ഖ​ത്ത​റി​ൽ ഇ​റ​ങ്ങി​യ​ത്. 2023 ഫൈ​ന​ലി​ൽ പ്ര​വേ​ശി​ച്ചെ​ങ്കി​ലും ഡാ​നി​ൽ മെ​ദ്‍വ​ദേ​വി​ന് മു​ന്നി​ൽ കീ​ഴ​ട​ങ്ങു​ക​യാ​യി​രു​ന്നു. ആ​ൻ​ഡി റു​ബ്ലേ​വ്, അ​ല​ക്സാ​ണ്ട​ർ ബ​ബ്ലി​ക്, യൂ​യോ ഹം​ബ​ർ​ട്, ഗെ​യ്ൽ മോ​ൻ​ഫി​ൽ​സ് എ​ന്നി​വ​ർ ഖ​ത്ത​ർ ഓ​പ​ണി​ൽ ക്വാ​ർ​ട്ട​റി​ൽ ക​ട​ന്നു.