സിന്നർ-മെദ്വദേവ് ക്വാർട്ടർ ഇന്ന്
text_fieldsന്യൂയോർക്: യു.എസ് ഓപൺ ടെന്നിസിൽ യാനിക് സിന്നർ, ഡാനിൽ മെദ്വദേവ്, ഇഗ സ്വിയാറ്റക് തുടങ്ങിയവർ ക്വാർട്ടർ ഫൈനലിൽ പ്രവേശിച്ചു. പുരുഷ സിംഗ്ൾസ് പ്രീക്വാർട്ടറിൽ ഇറ്റാലിയൻ താരം സിന്നർ 7-6, 7-6, 6-1 സ്കോറിന് യു.എസിന്റെ ടോമി പോളിനെ തോൽപിച്ചു. പോർചുഗലിന്റെ നൂണോ ബോർജസിനെതിരെ 6-0, 6-1, 6-3ന്റെ അനായാസ ജയം നേടി റഷ്യക്കാരൻ മെദ്വദേവ്. ആസ്ട്രേലിയൻ പോരാട്ടത്തിൽ അലക്സ് ഡി മനോർ 6-0, 3-6, 6-3, 7-5ന് ജോർഡൻ തോംപ്സണെയും മടക്കി. ബുധനാഴ്ചത്തെ ക്വാർട്ടറിൽ സിന്നറും മെദ്വദേവും മുഖാമുഖം വരും. ബ്രിട്ടീഷ് താരം ജാക് ഡ്രാപറെ മനോറും ബൾഗേറിയയുടെ ഗ്രിഗോർ ദിമിത്രോവിനെ ആതിഥേയ താരം ഫ്രാൻസിസ് ടിയാഫോയും നേരിടും.
അതേസമയം, വനിത സിംഗ്ൾസിൽ പോളണ്ട് സൂപ്പർ താരം സ്വിയാറ്റക് 6-4, 6-1 സ്കോറിന് റഷ്യയുടെ ല്യൂഡ്മില സാംസണോവയെ തോൽപിച്ച് അവസാന എട്ടിൽ സ്ഥാനംപിടിച്ചു. ഇന്നത്തെ ക്വാർട്ടറിൽ അമേരിക്കൻ താരം ജെസീക പെഗുലയാണ് സ്വിയാറ്റക്കിന്റെ എതിരാളി. ബെലറൂസ് പ്രതീക്ഷയായ അരീന സെബാലങ്കയും ചൈനയുടെ ക്വിൻവെൻ യെങ്ങും ഇതേ ദിവസം സെമി ഫൈനൽ തേടി ഇറങ്ങുന്നുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.