സ്വർണം നേടിയാൽ മൂന്നുകോടി, വെള്ളിക്ക്​ രണ്ട്​ കോടി; ഒളിംപിക്​സിന്​ പോകുന്ന തമിഴ്​ താരങ്ങൾക്ക്​ സ്​റ്റാലി​െൻറ വാഗ്​ദാനം

ചെന്നൈ: തമിഴ്​നാട്ടിൽ നിന്നും ടോക്കിയോ ഒളിംപിക്​സിന്​ പോകുന്ന താരങ്ങൾക്ക്​ ഉഗ്രൻ വാഗ്​ദാനവുമായി മുഖ്യമന്ത്രി എം.കെ സ്​റ്റാലിൻ. സ്വർണം നേടുന്ന താരങ്ങൾക്ക്​ മൂന്നുകോടിയും വെള്ളി നേടുന്നവർക്ക്​ രണ്ടുകോടിയും ​വെങ്കലം നേടുന്നവർക്ക്​ ഒരു കോടിയുമാണ്​ സ്​റ്റാലിൻ മുൻകൂറായി പ്രഖ്യാപിച്ചത്​. ചെന്നൈ നെഹ്​റു സ്​റ്റേഡിയത്തിൽ കായിക താരങ്ങൾക്കായി ഒരുക്കിയ വാക്​സിൻ ക്യാമ്പ്​ ഉദ്​ഘാടനം ചെയ്​തായിരുന്നു സ്​റ്റാലി​െൻറ പ്രഖ്യാപനം.

''കായിക താരങ്ങളെ പരിപോഷിപ്പിക്കുന്നത്​ ഗവൺമെൻറി​െൻറ ചുമതലയാണ്​. കായികതാരങ്ങൾക്ക്​ കായിക ക്ഷമതയും പരിപോഷണവുമാണ്​ വേണ്ടത്​. തമിഴ്​നാടി​െൻറ നാലുമേഖലകളിലായി ഒളിംപിക്​സ്​ അക്കാദമികൾ സ്ഥാപിക്കുമെന്നത്​ ഡി.എം.കെയുടെ തെരഞ്ഞെടുപ്പ്​ വാഗ്​ദാനമായിരുന്നു. അത്​ തീർച്ചയായും പാലിക്കും'' -സ്​റ്റാലിൻ പറഞ്ഞു.

തമിഴ്​നാട്ടിൽ നിന്നും ഒളിമ്പിക്​സിൽ പ​ങ്കെടുക്കുന്ന ആറുതാരങ്ങൾക്ക്​ അഞ്ചുലക്ഷം രൂപയും സ്​റ്റാലിൻ വിതരണം ചെയ്​തു. ഫെൻസിങ്ങിൽ പ​ങ്കെടുക്കുന്നു സി.എ ഭവാനി ദേവി ഈയിനത്തിൽ ഇന്ത്യയിൽ നിന്നും ഒളിംപിക്​ യോഗ്യത നേടുന്ന ആദ്യ താരമാണ്​. ജൂലൈ 23 മുതൽ ആഗസ്​റ്റ്​ എട്ടുവരെയാണ്​ ജപ്പാനിൽ ഒളിംപിക്​സ്​ അരങ്ങേറുന്നത്​​. കഴിഞ്ഞ വർഷം നടക്കേണ്ട ടൂർണമെൻറ്​ കോവിഡ്​ കാരണമാണ്​ മാറ്റിവെച്ചത്​. 2012 ലണ്ടൻ ഒളിംപിക്സിൽ 10 മീറ്റർ എയർ റൈഫിൾ പുരുഷ വിഭാഗത്തിൽ വെങ്കലം നേടിയ ഗഗൻ നരംഗ് മാത്രമാണ് തമിഴ്​നാട്ടിൽ നിന്നും ഒളിംപിക്​ മെഡൽ നേടിയിട്ടുള്ളത്​.