ഇ​ന്ത്യ​ൻ ഒ​ളി​മ്പി​ക് അ​സോ​സി​യേ​ഷ​നി​ൽ പോര് രൂക്ഷം; അധികാരത്തിൽ കൈകടത്തുന്നെന്ന് പി.ടി. ഉഷ

ന്യൂ​ഡ​ൽ​ഹി: പാ​രി​സ് ഒ​ളി​മ്പി​ക്സ് വി​ളി​പ്പാ​ട​ക​ലെ നി​ൽ​ക്കെ, വി​ഖ്യാ​ത മ​ല​യാ​ളി അ​ത്‍ല​റ്റ് പി.​ടി. ഉ​ഷ അ​ധ്യ​ക്ഷ​യാ​യ ഇ​ന്ത്യ​ൻ ഒ​ളി​മ്പി​ക് അ​സോ​സി​യേ​ഷ​നി​ൽ പോ​ര് രൂ​ക്ഷം. താ​ൻ നി​യ​മി​ച്ച ഉ​ദ്യോ​ഗ​സ്ഥ​ന് പി​രി​ച്ചു​വി​ട​ൽ ക​ത്ത് ന​ൽ​കി​യ​തു​ൾ​പ്പെ​ടെ ധി​ക്കാ​ര​പ​ര​മാ​യ ന​ട​പ​ടി​ക​ളി​ലൂ​ടെ ഒ​രു വി​ഭാ​ഗം നി​ർ​വാ​ഹ​ക സ​മി​തി അം​ഗ​ങ്ങ​ൾ ത​ന്റെ അ​ധി​കാ​ര​ത്തി​ൽ കൈ​ക​ട​ത്തു​ക​യും അ​രി​കാ​ക്കാ​ൻ ശ്ര​മി​ക്കു​ക​യു​മാ​ണെ​ന്ന് ഉ​ഷ ആ​രോ​പി​ച്ചു.

അ​ന​ധി​കൃ​ത വ്യ​ക്തി​ക​ൾ ഐ.​ഒ.​എ ആ​സ്ഥാ​ന​ത്ത് പ്ര​വേ​ശി​ക്ക​രു​തെ​ന്ന് നി​ർ​ദേ​ശി​ച്ച് ക​ഴി​ഞ്ഞ ദി​വ​സം ഒ​മ്പ​ത് സ​മി​തി അം​ഗ​ങ്ങ​ൾ ഒ​പ്പി​ട്ട നോ​ട്ടീ​സ് ഓ​ഫി​സ് പ​രി​സ​ര​ത്ത് പ​തി​ച്ചി​രു​ന്നു. ഇ​തി​നെ ഏ​ക​പ​ക്ഷീ​യ​മെ​ന്ന് വി​ശേ​ഷി​പ്പി​ച്ച ഉ​ഷ, ജീ​വ​ന​ക്കാ​രെ നി​യ​മി​ക്ക​ലും പി​രി​ച്ചു​വി​ട​ലും ഉ​ൾ​പ്പെ​ടെ​യു​ള്ള ദൈ​നം​ദി​ന ഭ​ര​ണ​പ്ര​വ​ർ​ത്ത​ന​ങ്ങ​ൾ നി​ർ​വാ​ഹ​ക സ​മി​തി​യു​ടെ ജോ​ലി​യ​ല്ലെ​ന്നും വ്യ​ക്ത​മാ​ക്കി. ഉ​ഷ നി​യ​മി​ച്ച ഒ​ളി​മ്പി​ക് അ​സോ​സി​യേ​ഷ​ൻ സി.​ഇ.​ഒ​യെ​യും പ്ര​സി​ഡ​ന്റി​ന്റെ എ​ക്‌​സി​ക്യൂ​ട്ടി​വ് അ​സി​സ്റ്റ​ന്റി​നെ​യും പി​രി​ച്ചു​വി​ട്ട​താ‍യി ര​ണ്ടു മാ​സം മു​മ്പ് ഇ​വ​ർ പ്ര​ഖ്യാ​പി​ച്ചി​രു​ന്നു.

സീ​നി​യ​ർ വൈ​സ് പ്ര​സി​ഡ​ന്റ് അ​ജ​യ് പ​ട്ടേ​ൽ, വൈ​സ് പ്ര​സി​ഡ​ന്റു​മാ​രാ​യ ഗ​ഗ​ൻ നാ​രം​ഗ്, രാ​ജ​ല​ക്ഷ്മി സി​ങ് ദി​യോ, ട്ര​ഷ​റ​ർ സ​ഹ​ദേ​വ് യാ​ദ​വ്, അം​ഗ​ങ്ങ​ളാ​യ ദോ​ല ബാ​ന​ർ​ജി, ഹ​ർ​പാ​ൽ സി​ങ്, യോ​ഗേ​ശ്വ​ർ ദ​ത്ത്, അ​മി​താ​ഭ് ശ​ർ​മ, ഭൂ​പീ​ന്ദ​ർ സി​ങ് ബ​ജ്വ എ​ന്നി​വ​രാ​ണ് നോ​ട്ടീ​സി​ൽ ഒ​പ്പു​വെ​ച്ച​ത്.

ഐ.​പി.​എ​ൽ ടീ​മാ​യ രാ​ജ​സ്ഥാ​ൻ റോ​യ​ൽ​സി​ന്റെ മു​ൻ സി.​ഇ.​ഒ ര​ഘു​റാം അ​യ്യ​രെ ഒ​ളി​മ്പി​ക് അ​സോ​സി‍യേ​ഷ​ൻ സി.​ഇ.​ഒ ആ​യി നി​യ​മി​ച്ച കാ​ര്യം ജ​നു​വ​രി ആ​റി​നാ​ണ് രാ​ജ്യ​സ​ഭാം​ഗം​കൂ​ടി​യാ​യ പ്ര​സി​ഡ​ന്റ് അ​റി​യി​ച്ച​ത്. അ​സോ​സി‍യേ​ഷ​നി​ലെ 15ൽ 12 ​നി​ർ​വാ​ഹ​ക സ​മി​തി അം​ഗ​ങ്ങ​ളും ഈ ​തീ​രു​മാ​നം അം​ഗീ​ക​രി​ച്ചി​രു​ന്നി​ല്ല. യോ​ഗ​ത്തി​ന്റെ അ​ജ​ണ്ട​യി​ലി​ല്ലാ​ത്ത കാ​ര്യം ഉ​ഷ സ​മ്മ​ർ​ദ​ത്തി​ലൂ​ടെ ന​ട​പ്പാ​ക്കു​ക​യാ​യി​രു​ന്നു​വെ​ന്നാ​ണ് ഇ​വ​ർ ആ​രോ​പി​ച്ച​ത്. പ്ര​തി​വ​ർ​ഷം മൂ​ന്നു​കോ​ടി രൂ​പ​യാ​ണ് സി.​ഇ.​ഒ​ക്ക് പ്ര​തി​ഫ​ലം. ഇ​തെ​ല്ലാം ഉ​ഷ ഏ​ക​പ​ക്ഷീ​യ​മാ​യി തീ​രു​മാ​നി​ക്കു​ക​യാ​യി​രു​ന്നു​വെ​ന്നും അം​ഗ​ങ്ങ​ൾ ആ​രോ​പി​ച്ചു. തു​ട​ർ​ന്നാ​ണ് സി.​ഇ.​ഒ​യെ​യും പ്ര​സി​ഡ​ന്റി​ന്റെ എ​ക്‌​സി​ക്യൂ​ട്ടി​വ് അ​സി​സ്റ്റ​ന്റാ​യ റി​ട്ട. ക്യാ​പ്റ്റ​ൻ അ​ജ​യ് കു​മാ​ർ നാ​രം​ഗി​നെ​യും പി​രി​ച്ചു​വി​ട്ട​താ​യി ഇ​വ​ർ പ്ര​ഖ്യാ​പി​ച്ച​ത്. എ​തി​ർ​പ്പു​ക​ളെ ല​ജ്ജാ​ക​ര​മെ​ന്ന് വി​ശേ​ഷി​പ്പി​ച്ച ഉ​ഷ, അ​സോ​സി​യേ​ഷ​നി​ലെ ഭി​ന്ന​ത​ക​ൾ അ​ന്താ​രാ​ഷ്ട്ര ഒ​ളി​മ്പി​ക് ക​മ്മി​റ്റി​യു​ടെ വി​ല​ക്കി​ന് കാ​ര​ണ​മാ​വു​മെ​ന്നും മു​ന്ന​റി​യി​പ്പ് ന​ൽ​കി.

അ​ന​ധി​കൃ​ത വ്യ​ക്തി​ക​ൾ ഐ.​ഒ.​എ ആ​സ്ഥാ​ന​ത്ത് പ്ര​വേ​ശി​ക്ക​രു​തെ​ന്ന നോ​ട്ടീ​സ് കൂ​ടി വ​ന്ന​തോ​ടെ​യാ​ണ് ഉ​ഷ വീ​ണ്ടും രം​ഗ​ത്തെ​ത്തി​യി​രി​ക്കു​ന്ന​ത്. നോ​ട്ടീ​സ് നീ​ക്കം ചെ​യ്യാ​ൻ നി​ർ​ദേ​ശം ന​ൽ​കി​യ അ​വ​ർ, എ​ക്സി​ക്യൂ​ട്ടി​വ് അ​സി​സ്റ്റ​ന്റ് മു​ഖേ​ന ത​ന്റെ ഓ​ഫി​സി​ൽ​നി​ന്നു​ള്ള മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്കാ​ൻ ജീ​വ​ന​ക്കാ​രോ​ടും ആ​വ​ശ്യ​പ്പെ​ട്ടു. നാ​രം​ഗി​ന് ന​ൽ​കി​യ പി​രി​ച്ചു​വി​ട​ൽ ക​ത്തി​ന്റെ ര​സീ​ത് കൈ​പ്പ​റ്റി​യ ഉ​ഷ, ഇ​ത് പൂ​ർ​ണ​മാ​യും അ​സാ​ധു​വാ​ണെ​ന്ന് കാ​ണി​ച്ച് നി​ര​സി​ച്ചു.

2023 ജൂ​ൺ ഏ​ഴി​ന് നി​യ​മി​ത​നാ​യ നാ​രം​ഗി​ന്റെ തു​ട​ർ​ച്ച​യോ പി​രി​ച്ചു​വി​ട​ലോ ത​ന്റെ ശി​പാ​ർ​ശ​യെ അ​ടി​സ്ഥാ​ന​മാ​ക്കി​യു​ള്ള​താ​ണെ​ന്നും മ​റ്റാ​രു​ടെ​യും ഇ​ഷ്ടാ​നി​ഷ്ട​ങ്ങ​ൾ അ​ടി​സ്ഥാ​ന​മാ​ക്കി​യ​ല്ലെ​ന്നും ഉ​ഷ പ​റ​ഞ്ഞു. ക്യാ​പ്റ്റ​ൻ നാ​രം​ഗി​ന്റെ ജോ​ലി​യി​ൽ താ​ൻ സം​തൃ​പ്ത​യാ​ണെ​ന്നും സേ​വ​നം അ​വ​സാ​നി​പ്പി​ക്കാ​ൻ ഒ​രു കാ​ര​ണ​വും ക​ണ്ടെ​ത്തി​യി​ല്ലെ​ന്നും അ​വ​ർ പ​റ​ഞ്ഞു. ഇ​ന്ത്യ​യി​ലെ അ​ത്‌​ല​റ്റു​ക​ളു​ടെ​യും ഒ​ളി​മ്പി​ക് പ്ര​സ്ഥാ​ന​ത്തി​ന്റെ​യും ഉ​ന്ന​മ​ന​ത്തി​നാ​യി ഒ​രു ടീ​മാ​യി പ്ര​വ​ർ​ത്തി​ക്കാ​ൻ വീ​ണ്ടും അ​ഭ്യ​ർ​ഥി​ക്കു​ന്ന​താ‍യും ഉ​ഷ കൂ​ട്ടി​ച്ചേ​ർ​ത്തു.