‘ഒളിമ്പിക്സിൽ മാത്രമല്ല, ബോക്സിങ്ങിലും റഷ്യയെ വിലക്കണം’- ബഹിഷ്കരണത്തിൽ അണിനിരന്ന് 10 രാജ്യങ്ങൾ

റഷ്യൻ പതാക മാത്രമല്ല, റഷ്യൻ താരങ്ങൾക്കും ലോകകായിക വേദികളിൽ വിലക്ക് ഏർപെടുത്തണമെന്ന ആവശ്യത്തിനൊപ്പം നിന്ന് കൂടുതൽ രാജ്യങ്ങൾ. ഏറ്റവുമൊടുവിൽ യുക്രെയ്നാണ് ബോക്സിങ് ലോക അമച്വർ ചാമ്പ്യൻഷിപ്പുകളിൽനിന്ന് പിൻവാങ്ങുന്നതായി പ്രഖ്യാപിച്ചത്. ഈ വർഷം ന്യുഡൽഹി, താഷ്കെന്റ് നഗരങ്ങളിൽ നടക്കുന്ന ലോക പോരാട്ടങ്ങളിൽ ഇറങ്ങില്ലെന്ന് യുക്രെയ്ൻ അറിയിച്ചു.

റഷ്യൻ, ബെലറൂസിയൻ ബോക്സർമാർക്ക് വിലക്ക് കഴിഞ്ഞ ഒക്ടോബറിലാണ് ആഗോള കായിക സംഘടന വിലക്ക് എടുത്തുകളഞ്ഞത്. സ്വന്തം പതാകക്കും ദേശീയ ഗാനത്തിനുമൊപ്പം പ​​ങ്കെടുക്കാനായിരുന്നു അനുമതി. എന്നാൽ, യു.എസ് ഉൾപ്പെടെ 10 രാജ്യങ്ങളാണ് ഇതോടെ ബോക്സിങ് ലോക ചാമ്പ്യൻഷിപ്പിൽനിന്ന് വിട്ടുനിൽക്കുക. അടുത്ത വർഷം ഒളിമ്പിക്സിലും തങ്ങൾ പ​ങ്കെടുക്കില്ലെന്ന് യു​ക്രെയ്ൻ അറിയിച്ചിട്ടുണ്ട്. റഷ്യൻ പങ്കാളിത്തം വിലക്കാനാവശ്യപ്പെട്ട് 30ലേറെ രാജ്യങ്ങൾ നേരത്തെ രാജ്യാന്തര ഒളിമ്പിക് കമ്മിറ്റിക്ക് കത്ത് നൽകിയിരുന്നു.