ലോ​ക ചെ​സ് ചാ​മ്പ്യ​ൻ​ഷി​പ്: ആറാം മത്സരവും സമനിലയിൽ

സിം​ഗ​പ്പൂ​ർ: പ​ല​വ​ട്ടം സ​മ്മ​ർ​ദ​മു​ണ്ടാ​യി​ട്ടും ജ​യ​ത്തി​നാ​യി അ​വ​സാ​നം വ​രെ പോ​രാ​ട്ടം ക​ന​പ്പി​ച്ച​തി​നൊ​​ടു​വി​ൽ സ​മ​നി​ല​ക്ക് സ​മ്മ​തി​ച്ച് ഇ​ന്ത്യ​യു​ടെ ഡി. ​ഗു​കേ​ഷ്. ലോ​ക ചെ​സ് ചാ​മ്പ്യ​ൻ​ഷി​പ് ആ​റാം റൗ​ണ്ടി​ലാ​ണ് ക​റു​ത്ത ക​രു​ക്ക​ളു​മാ​യി ക​ളി​ച്ച് 46 നീ​ക്ക​ത്തി​നൊ​ടു​വി​ൽ ഇ​ന്ത്യ​ൻ ഗ്രാ​ൻ​ഡ് മാ​സ്റ്റ​ർ സ​മ​നി​ല സ​മ്മ​തി​ച്ച​ത്. ചാ​മ്പ്യ​ൻ​ഷി​പ്പി​ലെ നാ​ലാം സ​മ​നി​ല​യാ​ണി​ത്. ഇ​തോ​ടെ ഇ​രു​വ​രും മൂ​ന്ന് പോ​യ​ന്റു​മാ​യി തു​ല്യ​ത പാ​ലി​ക്കു​ക​യാ​ണ്. 13 റൗ​ണ്ടു​ക​ള​ട​ങ്ങി​യ മ​ത്സ​രം പ​കു​തി പി​ന്നി​ടാ​ന​ടു​ത്തെ​ത്തി​നി​ൽ​ക്കെ ആ​ദ്യ​മാ​യി 7.5 പോ​യ​ന്റ് നേ​ടു​ന്ന​വ​രാ​കും അ​ടു​ത്ത ലോ​ക ചാ​മ്പ്യ​ൻ.

ആ​ദ്യ അ​ങ്കം ജ​യി​ച്ച് ചൈ​നീ​സ് താ​രം ലി​റെ​ൻ ലീ​ഡ് പി​ടി​ച്ച​തി​നൊ​ടു​വി​ൽ ക​ടു​ത്ത പോ​രാ​ട്ട​വു​മാ​യി തി​രി​ച്ചെ​ത്തി​യ 18കാ​ര​ൻ മൂ​ന്നാം റൗ​ണ്ട് ജ​യി​ച്ച് ഒ​പ്പ​മെ​ത്തി​യ​താ​ണ്. പി​ന്നീ​ട് മൂ​ന്നു റൗ​ണ്ടു​ക​ളും സ​മ​നി​ല​യി​ൽ പി​രി​ഞ്ഞു. സ​മീ​പ​കാ​ല​​ത്ത് മോ​ശം ഫോ​മും ക​ളി​യി​ൽ​നി​ന്ന് വി​ട്ടു​നി​ൽ​ക്ക​ലു​മാ​യി പ​ഴി​യേ​റെ കേ​ട്ട ലി​റെ​ൻ ഓ​രോ ക​ളി​ക്കു ശേ​ഷ​വും കൂ​ടു​ത​ൽ ക​രു​ത്തു​കാ​ട്ടു​ന്ന​ത് ഇ​ന്ത്യ​ൻ താ​ര​ത്തി​ന്റെ പ്ര​തീ​ക്ഷ​ക​ൾ​ക്ക് ക​ടു​ത്ത ഭീ​ഷ​ണി​യാ​ണ്.

ആ​റാം ഗെ​യി​മി​ൽ വെ​ളു​ത്ത ക​രു​ക്ക​ളു​മാ​യി തു​ട​ങ്ങി​യ 32കാ​ര​ൻ ഇ​തു​വ​രെ​യും കാ​ണി​ച്ച തു​ട​ക്ക​ത്തി​ലെ പ്ര​ശ്ന​ങ്ങ​ളൊ​ന്നു​മി​ല്ലാ​തെ​യാ​ണ് ഞാ​യ​റാ​ഴ്ച ക​രു​ക്ക​ൾ നീ​ക്കി​യ​ത്. സ്വ​ന്തം ക്ലോ​ക്കി​ൽ ഏ​ഴു മി​നി​റ്റ് മാ​ത്ര​മെ​ടു​ത്ത് ആ​ദ്യ 20 നീ​ക്ക​ങ്ങ​ളും പൂ​ർ​ത്തി​യാ​ക്കി​യ​ത് ശ​രി​ക്കും സ​മ്മ​ർ​ദ​മാ​യ​ത് ഗു​കേ​ഷി​നാ​ണ്. 50 മി​നി​റ്റെ​ടു​ത്താ​ണ് ഇ​ന്ത്യ​ൻ താ​രം ഈ ​ഘ​ട്ടം ക​ട​ന്ന​ത്. ക​രു​ക്ക​ളി​ലേ​റെ​യും പ​ര​സ്‍പ​രം വെ​ട്ടി​മാ​റ്റി​യാ​യി​രു​ന്നു ഇ​രു​വ​രു​ടെ​യും നീ​ക്ക​ങ്ങ​ൾ. എ​ന്നാ​ൽ, ര​ണ്ടാം പ​കു​തി​യി​ൽ ക​ളി മാ​റ്റി​പ്പി​ടി​ച്ച ഗു​കേ​ഷി​നു മേ​ൽ സ​മ​നി​ല സ​മ്മ​ർ​ദ​വു​മാ​യി ചൈ​നീ​സ് താ​രം ഇ​റ​ങ്ങി​യ​ത് ശ്ര​ദ്ധേ​യ​മാ​യി. അ​പ​ക​ട​മൊ​ഴി​വാ​ക്കാ​ൻ സ​മ​നി​ല​ക്ക് സ​മ്മ​തി​ക്കു​ന്ന​തി​ന് പ​ക​രം ക​ളി തു​ട​രാ​നാ​യി​രു​ന്നു ഗു​കേ​ഷി​ന്റെ തീ​രു​മാ​നം. എ​ന്നാ​ൽ, പ്ര​ധാ​ന ക​രു​ക്ക​ളി​ലേ​റെ​യും ക​ള​ത്തി​ന് പു​റ​ത്താ​യ​തി​നാ​ൽ വ​ലി​യ മു​ന്നേ​റ്റ​ങ്ങ​ൾ​ക്ക് സാ​ധ്യ​ത കു​റ​വാ​യി​രു​ന്നു. അ​തോ​ടെ, ക​ളി സ​മ​നി​ല​യി​ൽ പി​രി​ഞ്ഞു.