പൊന്നോളം മൂവർണ്ണം

പാ​രി​സ്: സ്വ​ർ​ണ​മ​ട​ക്കം ഏ​ഴ് മെ​ഡ​ലു​ക​ൾ, 2020 ടോ​ക്യോ ഒ​ളി​മ്പി​ക്സി​ൽ ഇ​ന്ത്യ ന​ട​ത്തി​യ​ത് ച​രി​ത്ര​ത്തി​ലെ ഏ​റ്റ​വും മി​ക​ച്ച പ്ര​ക​ട​നം. പാ​രി​സി​ൽ അ​തും ക​ട​ന്ന് മെ​ഡ​ൽ എ​ണ്ണം ര​ണ്ട​ക്ക​ത്തി​ലെ​ത്തി​ക്കാ​നാ​ണ് ശ്ര​മം. ഇ​ന്ത്യ​യു​ടെ മെ​ഡ​ൽ പ്ര​തീ​ക്ഷ​ക​ളി​ൽ ഏ​റ്റ​വും മു​ന്നി​ലു​ള്ള​വ​രി​താ.

നീ​ര​ജ് ചോ​പ്ര (പു​രു​ഷ ജാ​വ​ലി​ൻ ത്രോ)

​ അ​ത്‍ല​റ്റി​ക്സി​ൽ ഇ​ന്ത്യ​ക്ക് ആ​ദ്യ സ്വ​ർ​ണം സ​മ്മാ​നി​ച്ച് ച​രി​ത്ര​പു​രു​ഷ​നാ​യി മാ​റി​യ നീ​ര​ജ് ചോ​പ്ര ജാ​വ​ലി​ൻ ത്രോ ​സ്വ​ർ​ണം നി​ല​നി​ർ​ത്താ​നാ​ണ് പാ​രി​സി​ൽ ഇ​റ​ങ്ങു​ന്ന​ത്. ടോ​ക്യോ​യി​ൽ 87.58 മീ​റ്റ​ർ എ​റി​ഞ്ഞ് സ്വ​ർ​ണം നേ​ടി​യ താ​രം പി​ന്നീ​ട് ലോ​ക ചാ​മ്പ്യ​ൻ​ഷി​പ്പി​ലും ഡ​യ​മ​ണ്ട് ലീ​ഗി​ലും ഏ​ഷ്യ​ൻ ഗെ​യിം​സി​ലും ചാ​മ്പ്യ​നാ​യി. നീ​ര​ജി​ന്റെ ഏ​റ്റ​വും മി​ക​ച്ച വ്യ​ക്തി​ഗ​ത പ്ര​ക​ട​നം 89.94 മീ​റ്റ​റാ​ണ്. ഈ ​വ​ർ​ഷം 88.36 മീ​റ്റ​റാ​ണ് നീ​ര​ജി​ന്റെ ബെ​സ്റ്റ് ത്രോ.

നി​ഖാ​ത് സ​രീ​ൻ (വ​നി​ത ബോ​ക്സി​ങ്)

വ​നി​ത ബോ​ക്സി​ങ് 50 കി​ലോ​യി​ൽ നി​ല​വി​ലെ ലോ​ക ചാ​മ്പ്യ​നും കോ​മ​ൺ​വെ​ൽ​ത്ത് ഗെ​യിം​സ് സ്വ​ർ​ണ ജേ​താ​വു​മാ​ണ് നി​ഖാ​ത് സ​രീ​ൻ. ക​ഴി​ഞ്ഞ ഏ​ഷ്യ​ൻ ഗെ​യിം​സി​ൽ പ​ക്ഷേ, വെ​ങ്ക​ല​ത്തി​ലൊ​തു​ങ്ങി​യെ​ങ്കി​ലും പാ​രി​സ് ഒ​ളി​മ്പി​ക്സി​ൽ മെ​ഡ​ൽ പ്ര​തീ​ക്ഷ​യു​ണ്ട്.

ല​വ്‍ലി​ന ബൊ​ർ​ഗോ​ഹെ​യ്ൻ (വ​നി​ത ബോ​ക്സി​ങ്)

ടോ​ക്യോ ഒ​ളി​മ്പി​ക്സി​ൽ അ​ര​ങ്ങേ​റി വ​നി​ത ബോ​ക്സി​ങ് 64 -69 കി​ലോ​യി​ൽ വെ​ങ്ക​ല​വു​മാ​യാ​ണ് ല​വ്‍ലി​ന ബൊ​ർ​ഗോ​ഹെ​യ്ൻ മ​ട​ങ്ങി​യ​ത്. പി​ന്നീ​ട് മി​ഡി​ൽ​വെ​യ്റ്റ് കാ​റ്റ​ഗ​റി​യി​ലേ​ക്ക് മാ​റി ലോ​ക ചാ​മ്പ്യ​നു​മാ​യി. ഹാ​ങ്ഷൂ ഏ​ഷ്യ​ൻ ഗെ​യിം​സി​ൽ വെ​ള്ളി​യാ​യി​രു​ന്നു നേ​ട്ടം.

സാ​ത്വി​ക് -ചി​രാ​ഗ് ഷെ​ട്ടി (പു​രു​ഷ ബാ​ഡ്മി​ന്റ​ൺ ഡ​ബ്ൾ​സ്)

ലോ​ക ഒ​ന്നാം ന​മ്പ​ർ പു​രു​ഷ ബാ​ഡ്മി​ന്റ​ൺ ഡ​ബ്ൾ​സ് ജോ​ടി​യാ​യ സാ​ത്വി​ക് സാ​യി​രാ​ജ് ര​ങ്കി​റെ​ഡ്ഡി -ചി​രാ​ഗ് ഷെ​ട്ടി സ​ഖ്യ​ത്തി​ൽ​നി​ന്ന് ഇ​ന്ത്യ സ്വ​ർ​ണം​ത​ന്നെ പ്ര​തീ​ക്ഷി​ക്കു​ന്നു​ണ്ട്. തോ​മ​സ് ക​പ്പ് നേ​ട്ട​ത്തി​ൽ നി​ർ​ണാ​യ​ക പ​ങ്കു​വ​ഹി​ച്ച കൂ​ട്ടു​കെ​ട്ട് ലോ​ക ചാ​മ്പ്യ​ൻ​ഷി​പ് വെ​ങ്ക​ലം, ഏ​ഷ്യ​ൻ ചാ​മ്പ്യ​ൻ​ഷി​പ് കി​രീ​ടം, ഏ​ഷ്യ​ൻ ഗെ​യിം​സ് സ്വ​ർ​ണം എ​ന്നി​വ​യും നി​ര​വ​ധി കി​രീ​ട​ങ്ങ​ളും നേ​ടി. ബാ​ഡ്മി​ന്റ​ണി​ൽ ഇ​ന്ത്യ​യു​ടെ ആ​ദ്യ സ്വ​ർ​ണ​മെ​ന്ന ച​രി​ത്ര​മാ​ണ് ല​ക്ഷ്യം.

പി.​വി. സി​ന്ധു (വ​നി​ത ബാ​ഡ്മി​ന്റൺ)

മൂ​ന്ന് ഒ​ളി​മ്പി​ക് മെ​ഡ​ലു​ക​ൾ നേ​ടു​ന്ന ആ​ദ്യ ഇ​ന്ത്യ​ൻ താ​ര​മാ​വാ​നാ​ണ് പി.​വി. സി​ന്ധു​വി​ന്റെ പു​റ​പ്പാ​ട്. ബാ​ഡ്മി​ന്റ​ണി​ൽ ഇ​ന്ത്യ​ക്ക് ല​ഭി​ച്ച മൂ​ന്നി​ൽ ര​ണ്ട് മെ​ഡ​ലു​ക​ളും ഹൈ​ദ​രാ​ബാ​ദു​കാ​രി​യു​ടെ വ​ക​യാ​യി​രു​ന്നു. 2016 റി​യോ ഡെ ​ജ​നീ​റോ​യി​ൽ വെ​ള്ളി​യും 2020ൽ ​ടോ​ക്യോ​യി​ൽ വെ​ങ്ക​ല​വും. ഇ​ട​ക്കാ​ല​ത്ത് പ​രി​ക്കു​മൂ​ലം പി​റ​കി​ൽ​പോ​യെ​ങ്കി​ലും സി​ന്ധു​വി​ൽ പോ​രാ​ട്ട​വീ​ര്യം ബാ​ക്കി​യു​ണ്ട്.

രോ​ഹ​ൻ ബൊ​പ്പ​ണ്ണ -ശ്രീ​രാം ബാ​ലാ​ജി (പു​രു​ഷ ടെ​ന്നി​സ് ഡ​ബ്ൾ​സ്)

1996ൽ ​ലി​യാ​ൻ​ഡ​ർ പേ​സാ​ണ് ഇ​ന്ത്യ​ക്ക് ടെ​ന്നി​സി​ൽ ഏ​ക മെ​ഡ​ൽ സ​മ്മാ​നി​ച്ച​ത്. അ​റ്റ്ലാ​ന്റ ഒ​ളി​മ്പി​ക്സി​ൽ വെ​ങ്ക​ല​മാ​യി​രു​ന്നു പേ​സി​ന്റെ നേ​ട്ടം. വെ​റ്റ​റ​ൻ താ​രം രോ​ഹ​ൻ ബൊ​പ്പ​ണ്ണ​യും എ​ൻ. ശ്രീ​രാം ബാ​ലാ​ജി​യും പു​രു​ഷ ഡ​ബ്ൾ​സി​ൽ ഇ​റ​ങ്ങു​ന്ന​ത് ഇ​ന്ത്യ​യു​ടെ ര​ണ്ടാം മെ​ഡ​ലി​ന് വേ​ണ്ടി​യാ​ണ്. ആ​സ്ട്രേ​ലി​യ​ൻ ഓ​പ​ണി​ൽ മാ​ത്യു എ​ബ്ഡ​നൊ​പ്പം ഡ​ബ്ൾ​സി​ൽ ഇ​റ​ങ്ങി ഗ്രാ​ൻ​ഡ് സ്ലാം ​കി​രീ​ടം നേ​ടി​യ 44കാ​ര​ൻ ബൊ​പ്പ​ണ്ണ ലോ​ക റാ​ങ്കി​ങ്ങി​ൽ ഒ​ന്നാ​മ​നു​മാ​യി. റോ​ള​ങ് ഗാ​രോ​സി​ൽ ബൊ​പ്പ​ണ്ണ​യും ബാ​ലാ​ജി​യും ഇ​ന്ത്യ​യെ നി​രാ​ശ​പ്പെ​ടു​ത്തി​ല്ലെ​ന്ന് പ്ര​തീ​ക്ഷി​ക്കാം.

മീ​രാ​ബാ​യ് ചാ​നു (വ​നി​ത ഭാ​രോ​ദ്വ​ഹ​നം)

ടോ​ക്യ​യി​ൽ വെ​ള്ളി നേ​ടി​യ മീ​രാ​ബാ​യ് ചാ​നു​വി​ന്റെ ല​ക്ഷ്യം സ്വ​ർ​ണ​മാ​ണ്. ഹാ​ങ്ഷൂ ഏ​ഷ്യ​ൻ ഗെ​യിം​സി​നി​ടെ പ​രി​ക്കേ​റ്റ് ക​ണ്ണീ​രോ​ടെ മ​ട​ങ്ങി​യ മീ​ര, പാ​രി​സി​ൽ 49 കി​ലോ​യി​ൽ ഇ​ന്ത്യ​ൻ മെ​ഡ​ൽ സ്വ​പ്ന​ങ്ങ​ളി​ലേ​ക്ക് ഭാ​ര​മു​യ​ർ​ത്തും.

ആ​ന്റിം പ​ൻ​ഘ​ൽ (വ​നി​ത ഗു​സ്തി)

വി​വാ​ദ​ങ്ങ​ൾ പി​ടി​ച്ചു​കു​ലു​ക്കി​യ ഗോ​ദ​യി​ൽ​നി​ന്ന് ഒ​ളി​മ്പി​ക് മെ​ഡ​ൽ ഇ​ന്ത്യ​ക്ക് ഇ​ക്കു​റി അ​ഭി​മാ​ന​പ്ര​ശ്നം​കൂ​ടി​യാ​ണ്. ലോ​ക ചാ​മ്പ്യ​ൻ​ഷി​പ് വെ​ങ്ക​ല മെ​ഡ​ലു​കാ​രി 53 കി​ലോ​യി​ൽ നാ​ലാം സീ​ഡാ​ണ് പാ​രി​സി​ൽ. ര​ണ്ട് ത​വ​ണ അ​ണ്ട​ർ 20 ലോ​ക ചാ​മ്പ്യ​നാ​യി​രു​ന്നു. ഏ​ഷ്യ​ൻ ചാ​മ്പ്യ​ൻ​ഷി​പ്പി​ൽ വെ​ള്ളി‍‍യും ഏ​ഷ്യ​ൻ ഗെ​യിം​സി​ൽ വെ​ങ്ക​ല​വും നേ​ടി.

പു​രു​ഷ ഹോ​ക്കി ടീം

​നാ​ല് പ​തി​റ്റാ​ണ്ട് പി​ന്നി​ട്ട ഒ​ളി​മ്പി​ക്സ് മെ​ഡ​ൽ വ​ര​ൾ​ച്ച​ക്ക് അ​ന്ത്യ​മി​ട്ട് ടോ​ക്യോ​യി​ൽ പു​രു​ഷ ഹോ​ക്കി ടീം ​വെ​ങ്ക​ലം നേ​ടി​യി​രു​ന്നു. ക​ഴി​ഞ്ഞ വ​ർ​ഷം ഏ​ഷ്യ​ൻ ചാ​മ്പ്യ​ൻ​സ് ട്രോ​ഫി​യും ഏ​ഷ്യ​ൻ ഗെ​യിം​സ് സ്വ​ർ​ണ​വും നേ​ടി. നാ​ലാം ഒ​ളി​മ്പി​ക്സി​നി​റ​ങ്ങു​ന്ന മ​ല​യാ​ളി ഗോ​ൾ​കീ​പ്പ​ർ പി.​ആ​ർ. ശ്രീ​ജേ​ഷ് മെ​ഡ​ലോ​ടെ വി​ര​മി​ക്കാ​ൻ കാ​ത്തി​രി​ക്കു​ക​യാ​ണ്.

സി​ഫ്റ്റ് കൗ​ർ സം​റ (വ​നി​ത ഷൂ​ട്ടി​ങ്)

സി​ഫ്റ്റ് കൗ​ർ സം​റ ഏ​ഷ്യ​ൻ ഗെ​യിം​സ് വ​നി​ത ഷൂ​ട്ടി​ങ് 50 മീ. ​റൈ​ഫി​ൾ 3 പൊ​സി​ഷ​നി​ൽ സ്വ​ർ​ണം നേ​ടി​യ​ത് ലോ​ക റെ​ക്കോ​ഡ് കൂ​ടി സ്ഥാ​പി​ച്ചാ​ണ് (469.6). ക​ഴി​ഞ്ഞ വ​ർ​ഷം ലോ​ക ചാ​മ്പ്യ​നാ​യ ചൈ​ന​യു​ടെ ഴാ​ങ് ക്വി​യോ​ങ്ഗ്യൂ​വി​നെ തോ​ൽ​പി​ച്ചാ​യി​രു​ന്നു പ്ര​ക​ട​നം. ഒ​ളി​മ്പി​ക്സ് സെ​ല​ക്ഷ​ൻ ട്ര​ൽ​സി​ലും ഒ​ന്നാ​മ​താ​യി​രു​ന്നു സി​ഫ്റ്റ് കൗ​ർ.

ഓ​ൾ ദ ​ബെ​സ്റ്റ് ഇ​ന്ത്യ

സ്വ​പ്ന​ങ്ങ​ളെ​ല്ലാം യാ​ഥാ​ർ​ഥ്യ​മാ​ക​ണം. ക​ഴി​ഞ്ഞ ത​വ​ണ നീ​ര​ജ് ചോ​പ്ര​യി​ലു​ടെ ന​മ്മ​ൾ അ​ത്‍ല​റ്റി​ക്സി​ൽ സ്വ​ർ​ണം സ്വ​ന്ത​മാ​ക്കി. ഇ​ത്ത​വ​ണ​യും നീ​ര​ജ് നേ​ട്ടം ആ​വ​ർ​ത്തി​ക്ക​ട്ടെ. മ​റ്റ് അ​ത്‍ല​റ്റു​ക​ളും മെ​ഡ​ൽ പ​ട്ടി​ക​യി​ലെ​ത്താ​ൻ ആ​ശം​സി​ക്കു​ന്നു. ഹോ​ക്കി​യ​ട​ക്ക​മു​ള്ള ഇ​ന​ങ്ങ​ളി​ലും ഇ​ന്ത്യ മു​ന്നേ​റ​ണ​മെ​ന്നാ​ണ് ആ​ഗ്ര​ഹം. ലോ​ങ്ജം​പി​ൽ പ്ര​തീ​ക്ഷ​യാ​യി​രു​ന്ന മ​ല​യാ​ള​ത്തി​ന്റെ സ്വ​ന്തം എം. ​ശ്രീ​ശ​ങ്ക​റി​ന് പ​രി​ക്ക് കാ​ര​ണം പാ​രി​സി​ലെ​ത്താ​ൻ ക​ഴി​യാ​ത്ത​ത് സ​ങ്ക​ട​മാ​യി അ​വേ​ശ​ഷി​ക്കു​ന്നു. സു​ഹൃ​ത്തു​ക്ക​ളാ​യ ബി​ജി​യു​ടെ​യും മു​ര​ളി​യു​ടെ​യും മ​ക​നാ​ണ​വ​ൻ. ഒ​രി​ക്ക​ൽ കൂ​ടി ഇ​ന്ത്യ​ൻ സം​ഘ​ത്തി​ന് ആ​ശം​സ​ക​ൾ.-ഷൈ​നി വി​ൽ​സ​ൺ (1984, 88,1992, 96 ഒ​ളി​മ്പി​ക്സു​ക​ളി​ൽ പ​​​ങ്കെ​ടു​ത്ത താ​രം. 92ലെ ​ഇ​ന്ത്യ​ൻ ക്യാ​പ്റ്റ​ൻ)

2012ലെ ​ല​ണ്ട​ൻ ഒ​ളി​മ്പി​ക്സി​ൽ രാ​ജ്യ​ത്തെ പ്ര​തി​നി​ധാ​നം ചെ​യ്യാ​ൻ ക​ഴി​ഞ്ഞ​ത് എ​ന്നെ സം​ബ​ന്ധി​ച്ച് ജീ​വി​ത​ത്തി​ലെ ഏ​റ്റ​വും വ​ലി​യ സൗ​ഭാ​ഗ്യ​ങ്ങ​ളി​ലൊ​ന്നാ​യാ​ണ് കാ​ണു​ന്ന​ത്. 20 കി.​മീ. ന​ട​ത്ത​ത്തി​ൽ പ​ങ്കെ​ടു​ത്ത് ദേ​ശീ​യ റെ​ക്കോ​ഡ് സ്ഥാ​പി​ച്ച​പ്പോ​ൾ സ​ന്തോ​ഷം ഇ​ര​ട്ടി​യാ​യി. ഏ​റ്റ​വും മി​ക​ച്ച സം​ഘ​വു​മാ​യാ​ണ് ഇ​ന്ത്യ ഇ​ക്കു​റി പാ​രി​സി​ലെ​ത്തി​യി​രി​ക്കു​ന്ന​ത്. തീ​ർ​ച്ച​യാ​യും അ​തി​ന്റെ ഫ​ലം മെ​ഡ​ൽ​പ​ട്ടി​ക​യി​ൽ കാ​ണും.-കെ.​ടി. ഇ​ർ​ഫാ​ൻ (20 കി.​മീ. ന​ട​ത്തം, 2012 ല​ണ്ട​ൻ)

ച​രി​ത്ര​ത്തി​ലാ​ദ്യ​മാ​യി ട്രാ​ക്ക് ആ​ൻ​ഡ് ഫീ​ൽ​ഡ് ഇ​ന​ത്തി​ൽ ഇ​ന്ത്യ സ്വ​ർ​ണം നേ​ടു​ന്ന​ത് അ​ടു​ത്തു​നി​ന്ന് കാ​ണാ​ൻ ഭാ​ഗ്യ​മു​ണ്ടാ​യി എ​നി​ക്ക്. ടോ​ക്യോ​യി​ൽ നീ​ര​ജ് ഭാ​യ് ജാ​വ​ലി​ൻ ത്രോ​യി​ൽ രാ​ജ്യം എ​ക്കാ​ല​വും കൊ​തി​ച്ച നേ​ട്ടം സ്വ​ന്ത​മാ​ക്കി. അ​ത്‍ല​റ്റി​ക്സി​ൽ ഇ​ന്ത്യ​ക്ക് മെ​ഡ​ലു​ണ്ടാ​വു​മെ​ന്ന് അ​ന്ന് ടോ​ക്യോ​യി​ലേ​ക്ക് പോ​വു​ന്ന​തി​നു മു​മ്പു​ത​ന്നെ തോ​ന്നി​യി​രു​ന്നു. 400 മീ. ​ഹ​ർ​ഡ്ൽ​സി​ൽ രാ​ജ്യ​ത്തെ ഒ​ളി​മ്പി​ക്സി​ൽ പ്ര​തി​നി​ധാ​നം ചെ​യ്യു​ന്ന ആ​ദ്യ പു​രു​ഷ താ​ര​മാ​വാ​ൻ ക​ഴി​ഞ്ഞ​തി​ലും ചാ​രി​താ​ർ​ഥ്യ​മു​ണ്ട്. എ​ക്കാ​ല​ത്തെ​യും മി​ക​ച്ച പ്ര​ക​ട​നം ഇ​ക്കു​റി ടീം ​ഇ​ന്ത്യ​ക്ക് ന​ട​ത്താ​നാ​വ​ട്ടെ എ​ന്ന് ആ​ശം​സി​ക്കു​ന്നു.-എം.​പി. ജാ​ബി​ർ (400 മീ. ​ഹ​ർ​ഡ്ൽ​സ്, 2020 ടോ​ക്യോ)