പാ​രി​സ് ഒ​ളി​മ്പി​ക്സി​ലും ഇസ്രായേലിന് കൂവൽ

പാ​രി​സ്: പാ​രി​സ് ഒ​ളി​മ്പി​ക്സി​ലും ഇ​സ്രാ​യേ​ലി​നെ​തി​രെ പ്ര​തി​ഷേ​ധം. ഇ​സ്രാ​യേ​ൽ-​മാ​ലി പു​രു​ഷ ഫു​ട്ബാ​ൾ മ​ത്സ​ര​ത്തി​നി​ട​യി​ൽ ഇ​സ്രാ​യേ​ലി​ന്റെ ദേ​ശീ​യ​ഗാ​ന​മാ​ല​പി​ച്ച​പ്പോ​ഴാ​ണ് കാ​ണി​ക​ൾ പ്ര​തി​ഷേ​ധി​ച്ച​ത്. മ​ത്സ​രം സ​മ​നി​ല​യി​ൽ ക​ലാ​ശി​ച്ചു. ഇ​സ്രാ​യേ​ൽ ടീ​മി​ന് വ​ൻ സു​ര​ക്ഷ​യാ​ണ് ഫ്രാ​ൻ​സ് ന​ൽ​കി​യ​ത്. പാ​ർ​ക്ക് ഡെ​സ് പ്രി​ൻ​സ​സ് സ്റ്റേ​ഡി​യ​ത്തി​ന് പു​റ​ത്തും വ​രു​ന്ന വ​ഴി​യി​ലു​മെ​ല്ലാം ആ​യി​ര​ത്തിലേ​റെ ഫ്രാ​ൻ​സ് പൊ​ലീ​സ് സ​ജ്ജ​മാ​യി​രു​ന്നു.

മ​ത്സ​ര​ത്തി​ന് മു​ന്നോ​ടി​യാ​യു​ള്ള ദേ​ശീ​യ​ഗാ​നാ​ലാ​പ​ന വേ​ള​യി​ൽ ഇ​സ്രാ​യേ​ലി​ന്റെ ദേ​ശീ​യ​ഗാ​ന​ത്തെ കാ​ണി​ക​ൾ ഉ​ച്ച​ത്തി​ൽ പ​രി​ഹ​സി​ക്കു​ക​യാ​യി​ര​ു​ന്നു. മാ​ലി ആ​രാ​ധ​ക​ർ അ​വ​രു​ടെ ദേ​ശീ​യ​ഗാ​നം പാ​ടു​ക​യും​ചെ​യ്തു. 1973ലെ ​യോം​കി​പ്പൂ​ർ യു​ദ്ധ​ത്തി​ന് ശേ​ഷം ഇ​സ്രാ​യേ​ലു​മാ​യു​ള്ള ബ​ന്ധം മാ​ലി അ​വ​സാ​നി​പ്പി​ച്ചി​രു​ന്നു. ഇ​സ്രാ​യേ​ലി​ന്റെ ദേ​ശീ​യ​ഗാ​നം ആ​രം​ഭി​ച്ച​പ്പോ​ൾ​ത​ന്നെ കാ​ണി​ക​ൾ കൂ​വാ​ൻ തു​ട​ങ്ങി​യി​രു​ന്നു.

പി​ന്നീ​ട് ഓ​രോ ത​വ​ണ അ​വ​ർ പ​ന്തി​ൽ ത​ട്ടി​യ​പ്പോ​ഴും കാ​ണി​ക​ൾ കൂ​വാ​നും പ​രി​ഹ​സി​ക്കാ​നും മ​റ​ന്നി​ല്ല. മ​റു​വ​ശ​ത്ത് ഫു​ട്ബാ​ൾ മ​ത്സ​രം തു​ട​രു​മ്പോ​ഴും കാ​ണി​ക​ൾ ത​മ്മി​ൽ ക​ശ​പി​ശ​യു​ണ്ടാ​യി. മ​ത്സ​രം 1-1 എ​ന്ന നി​ല​യി​ൽ സ​മ​നി​ല​യി​ൽ ക​ലാ​ശി​ച്ചു. നേ​ര​ത്തേ ഈ ​മ​ത്സ​ര​ത്തി​നി​ട​യി​ൽ ഇ​സ്രാ​യേ​ലി​നെ​തി​രെ പ്ര​തി​ഷേ​ധി​ക്കു​മെ​ന്ന് ഫ്ര​ഞ്ച് ആ​ക്ടി​വി​സ്റ്റ് ഗ്രൂ​പ്പാ​യ സൂ​സ​ന്നെ ഷീ​ൽ​ഡ് അ​റി​യി​ച്ചി​രു​ന്നു.