ജ​യ് ഹോ​ക്കി ഇ​ന്ത്യാ: പു​രു​ഷ ഹോ​ക്കി ക്വാ​ർ​ട്ട​റി​ൽ ഇ​ന്ത്യ ഇ​ന്ന് ബ്രി​ട്ട​നെ​തി​രെ

പാ​രി​സ്: ഒ​ളി​മ്പി​ക്സി​ൽ ആ​സ്ട്രേ​ലി‍യ​ക്കെ​തി​രെ അ​ര​നൂ​റ്റാ​ണ്ടി​ന് ശേ​ഷം നേ​ടി‍യ വി​ജ​യ​ത്തി​ന്റെ ആ​വേ​ശം മാ​റും മു​മ്പേ ഇ​ന്ത്യ​ൻ ഹോ​ക്കി ടീം ​ഇ​ന്ന് ക്വാ​ർ​ട്ട​ർ ഫൈ​ന​ലി​ന്. ക​ഴി​ഞ്ഞ ത​വ​ണ ടോ​ക്യോ​യി​ൽ സ്വ​ന്ത​മാ​ക്കി​യ വെ​ങ്ക​ലം സ്വ​ർ​ണ​മാ​ക്കാ​ൻ കൊ​തി​ക്കു​ന്ന ഹ​ർ​മ​ൻ​പ്രീ​ത് സി​ങ്ങി​നും സം​ഘ​ത്തി​നും ബ്രി​ട്ട​നാ​ണ് ക്വാ​ർ​ട്ട​റി​ലെ എ​തി​രാ​ളി​ക​ൾ.

പൂ​ൾ ബി​യി​ൽ അ​ഞ്ചി​ൽ മൂ​ന്ന് ജ​യ​വും ഓ​രോ തോ​ൽ​വി​യും സ​മ​നി​ല​യു​മാ​യി 10 പോ​യ​ന്റ് നേ​ടി ര​ണ്ടാം സ്ഥാ​ന​ക്കാ​രാ​യി ക​ട​ന്ന ലോ​ക ര​ണ്ടാം റാ​ങ്കു​കാ​ർ​ക്കെ​തി​രെ ഇ​ന്ത്യ ശു​ഭ​പ്ര​തീ​ക്ഷ‍യി​ലാ​ണ്.

മി​ക​ച്ച ഫോം ​തു​ട​ർ​ന്ന് ഇ​തു​വ​രെ ആ​റ് ഗോ​ൾ നേ​ടി​യ ക്യാ​പ്റ്റ​നും ഡി​ഫ​ൻ​ഡ​റു​മാ​യ ഹ​ർ​മ​ൻ​പ്രീ​താ​ണ് ഇ​ന്ത്യ​യു​ടെ പ്ര​ധാ​ന ആ‍യു​ധം. മ​ധ്യ​നി​ര​യും മു​ന്നേ​റ്റ​നി​ര​യും ത​മ്മി​ൽ ഒ​ത്തി​ണ​ക്ക​ത്തോ​ടെ ക​ളി​ച്ച​താ​ണ് ആ​സ്ട്രേ​ലി​യ​ക്കെ​തി​രാ​യ ജ​യ​ത്തി​ന് പി​ന്നി​ൽ.

മ​ൻ​പ്രീ​ത് സി​ങ്, ഹാ​ർ​ദി​ക് സി​ങ്, ഗു​ർ​ജ​ന്ത് സി​ങ്, സു​ഖ്ജീ​ത് സി​ങ്, അ​ഭി​ഷേ​ക് എ​ന്നി​വ​ർ ഈ ​ചു​മ​ത​ല​ക​ളി​ൽ അ​വ​സ​ര​ത്തി​നൊ​ത്തു​യ​ർ​ന്നാ​ൽ ഇ​ന്ത്യ​ക്ക് ബാ​ലി​കേ​റാ​മ​ല​യാ​വി​ല്ല ബ്രി​ട്ട​ൻ. ഡി​ഫ​ൻ​സി​ൽ നാ​യ​ക​നൊ​പ്പം അ​മി​ത് രോ​ഹി​ദാ​സും ജ​ർ​മ​ൻ​പ്രീ​ത് സി​ങ്ങും വി​ശ്വാ​സം കാ​ക്കു​ന്നു​ണ്ട്. ഗോ​ൾ​വ​ല​യി​ലെ കാ​വ​ൽ​ക്കാ​ര​ൻ പി.​ആ​ർ. ശ്രീ​ജേ​ഷും ത​ക​ർ​പ്പ​ൻ ഫോ​മി​ലാ​ണ്.

ന്യൂ​സി​ല​ൻ​ഡി​നെ തോ​ൽ​പി​ച്ചാ​യി​രു​ന്നു ഇ​ന്ത്യ​യു​ടെ തു​ട​ക്കം. പി​ന്നാ​ലെ അ​ർ​ജ​ന്റീ​ന​യോ​ട് സ​മ​നി​ല വ​ഴ​ങ്ങി​യെ​ങ്കി​ലും അ​യ​ർ​ല​ൻ​ഡി​നെ ത​ക​ർ​ത്ത് ഇ​ന്ത്യ അ​വ​സാ​ന എ​ട്ടി​ൽ സ്ഥാ​ന​മു​റ​പ്പാ​ക്കി. നി​ല​വി​ലെ ചാ​മ്പ്യ​ന്മാ​രാ​യ ബെ​ൽ​ജി​യ​ത്തോ​ട് മി​ക​ച്ച പ്ര​ക​ട​നം പു​റ​ത്തെ​ടു​ത്ത​ശേ​ഷം പി​റ​കി​ൽ​പോ​വു​ക​യാ​യി​രു​ന്നു.

ടോ​ക്യോ​യി​ലെ വെ​ള്ളി മെ​ഡ​ലു​കാ​ർ കൂ​ടി​യാ​യ ആ​സ്ട്രേ​ലി​യ ഒ​ളി​മ്പി​ക്സി​ലെ സ്വ​ർ​ണ ഫേ​വ​റി​റ്റു​ക​ളാ​ണ്. ഇ​വ​രെ തോ​ൽ​പി​ക്കു​ക​യും പൂ​ളി​ൽ ഒ​മ്പ​ത് പോ​യ​ന്റു​മാ​യി മൂ​ന്നാം സ്ഥാ​ന​ത്തേ​ക്ക് ത​ള്ളു​ക​യും ചെ​യ്തു ഇ​ന്ത്യ. ബെ​ൽ​ജി​യം ആ​ണ് പൂ​ൾ ചാ​മ്പ്യ​ന്മാ​ർ. പൂ​ൾ എ‍യി​ൽ ജ​ർ​മ​നി​ക്കും (12) നെ​ത​ർ​ല​ൻ​ഡ്സി​നും (10) പി​റ​കി​ൽ മൂ​ന്നാ​മ​താ​യാ​ണ് ബ്രി​ട്ട​ൻ (8) ക​ട​ന്ന​ത്. മ​റ്റു ക്വാ​ർ​ട്ട​ർ മ​ത്സ​ര​ങ്ങ​ളും ഇ​ന്ന് ന​ട​ക്കും. നെ​ത​ർ​ല​ൻ​ഡ്സി​നെ ആ​സ്ട്രേ​ലി​യ​യും അ​ർ​ജ​ന്റീ​ന​യെ ജ​ർ​മ​നി​യും ബെ​ൽ​ജി​യ​ത്തെ സ്പെ​യി​നും നേ​രി​ടും.

ജ​യി​ച്ചു മ​ട​ങ്ങ​ണം ശ്രീ​ജേ​ഷി​ന്

വി​ര​മി​ക്ക​ൽ ഒ​ളി​മ്പി​ക്സ് ക​ളി​ക്കു​ന്ന ഇ​ന്ത്യ​യു​ടെ മ​ല​യാ​ളി ഗോ​ൾ​കീ​പ്പ​ർ പി.​ആ​ർ. ശ്രീ​ജേ​ഷി​നൊ​രു സ്വ​പ്ന​മു​ണ്ട്. ക​ഴി​ഞ്ഞ ത​വ​ണ ടോ​ക്യോ​യി​ൽ നേ​ടി​യ വെ​ങ്ക​ല​ത്തേ​ക്കാ​ൾ തി​ള​ക്ക​മു​ള്ളൊ​രു മെ​ഡ​ൽ. അ​ത് വെ​ള്ളി‍യോ വെ​ങ്ക​ല​മോ ആ​ക്കി ഉ​യ​ർ​ത്താ​നാ​ണ് ഇ​ന്ത്യ​ൻ ടീം ​പാ​രി​സി​ലെ​ത്തി​യി​രി​ക്കു​ന്ന​ത്. ശ്രീ​ക്ക് വേ​ണ്ടി മെ​ഡ​ൽ നേ​ടു​മെ​ന്ന് ക്യാ​പ്റ്റ​ൻ ഹ​ർ​മ​ൻ​പ്രീ​ത് സി​ങ്ങും പ്ര​ഖ്യാ​പി​ച്ചി​രു​ന്നു. ബ്രി​ട്ട​നോ​ട് ഇ​ന്ത്യ പ​രാ​ജ‍യ​പ്പെ​ട്ടാ​ൽ ഇ​ന്ന​ത്തേ​ത് ശ്രീ​ജേ​ഷി​ന്റെ അ​വ​സാ​ന അ​ന്താ​രാ​ഷ്ട്ര മ​ത്സ​ര​മാ​വാ​നാ​ണ് സാ​ധ്യ​ത.