ബാ​ഡ്മി​ന്റ​ൺ പു​രു​ഷ സിം​ഗ്ൾ​സ് സെ​മി​യി​ൽ ല​ക്ഷ്യ സെ​ൻ ഇ​ന്നി​റ​ങ്ങു​ന്നു

പാ​രി​സ്: സെ​ൻ ന​ദി​യു​ടെ ക​ര​യി​ൽ ച​രി​ത്ര​മെ​ഴു​താ​നൊ​രു​ങ്ങി ല​ക്ഷ്യ സെ​ൻ. ക​രു​ത്ത​നാ​യ മ​റ്റൊ​രു ​സെ​ൻ ആ​ണ് എ​തി​രാ​ളി. ല​ക്ഷ്യം വ​ലു​താ​ണ്. ജ​യി​ച്ചു ക​യ​റി​യാ​ൽ വെ​ള്ളി​പ്പ​ത​ക്ക​മു​റ​പ്പ്. മെ​ഡ​ലി​ലേ​ക്ക് ല​ക്ഷ്യ​മി​ട്ട് ബാ​ഡ്മി​ന്റ​ൺ പു​രു​ഷ സിം​ഗ്ൾ​സ് സെ​മി​യി​ൽ ല​ക്ഷ്യ സെ​ൻ ഇ​ന്നി​റ​ങ്ങു​ന്നു. നി​ല​വി​ലെ ജേ​താ​വാ​യ ഡ​ന്മാ​ർ​ക്കി​ന്റെ വി​ക്ട​ർ അ​ക്സ​ൽ​സെ​ന്നി​നെ​യാ​ണ് നേ​രി​ടു​ന്ന​ത്. ച​രി​ത്ര​മെ​ഴു​തി​യാ​ണ് ല​ക്ഷ്യ സെ​മി​യി​ലെ​ത്തി​യ​തും. ആ​ദ്യ​മാ​യാ​ണ് പു​രു​ഷ സിം​ഗ്ൾ​സി​ൽ ഇ​ന്ത്യ​യു​ടെ പു​രു​ഷ താ​രം അ​വ​സാ​ന നാ​ലി​ലെ​ത്തു​ന്ന​ത്. ചൈ​നീ​സ് താ​യ്പേ​യി​യു​ടെ ചൗ ​ടി​യ​ൻ ചെ​ന്നി​നെ 19-21, 21-15, 21-12 എ​ന്ന സ്കോ​റി​ലാ​ണ് ക്വാ​ർ​ട്ട​റി​ൽ ല​ക്ഷ്യ ജ​യി​ച്ച​ത്. ആ​ദ്യ ​​സെ​റ്റ് തോ​റ്റ ശേ​ഷ​മാ​യി​രു​ന്നു ഗം​ഭീ​ര തി​രി​ച്ചു​വ​ര​വ്.

ടോ​​ക്യോ ഒ​ളി​മ്പി​ക്സി​ൽ സ്വ​ർ​ണ​വും റി​യോ​യി​ൽ വെ​ങ്ക​ല​വും നേ​ടി​യ അ​ക്സ​ൽ സെ​ൻ 2017ലും 22​ലും ലോ​ക​ചാ​മ്പ്യ​നാ​യി​രു​ന്നു. 2016ൽ ​തോ​മ​സ് ക​പ്പും നേ​ടി. നി​ര​വ​ധി സൂ​പ്പ​ർ സീ​രീ​സ് വേ​ൾ​ഡ് ടൂ​ർ കി​രീ​ട​ങ്ങ​ളും ഈ ​ഡാ​നി​ഷ് താ​ര​ത്തി​ന് സ്വ​ന്തം. 2021 ഡി​സം​ബ​ർ മു​ത​ൽ ക​ഴി​ഞ്ഞ ജൂ​ൺ വ​രെ ലോ​ക ഒ​ന്നാം ന​മ്പ​റാ​യി​രു​ന്നു. 2021ൽ ​ലോ​ക ചാ​മ്പ്യ​ൻ​ഷി​പ്പി​ൽ വെ​ങ്ക​ലം നേ​ടി​യ ല​ക്ഷ്യ സെ​ൻ എ​തി​രാ​ളി​യോ​ട് ഏ​ഴു​വ​ട്ടം തോ​റ്റു. 2022ൽ ​ജ​ർ​മ​ൻ ഓ​പ​ണി​ൽ അ​ക്സ​ൽ സെ​ന്നി​നെ തോ​ൽ​പി​ച്ച ച​രി​ത്ര​വും ല​ക്ഷ്യ​ക്കു​ണ്ട്. എ​ന്നാ​ൽ, ലോ​ക​റാ​ങ്കി​ങ്ങി​ൽ നാ​ലാ​മ​താ​യ ജെ​നാ​ത​ൻ ക്രി​സ്റ്റി​യെ​യും 11ാമ​തു​ള്ള ചൗ ​ടി​യ​ൻ ചെ​ന്നി​നെ​യും പാ​രി​സി​ൽ ല​ക്ഷ്യ തോ​ൽ​പി​ച്ചു​ക​ഴി​ഞ്ഞു.

ഈ ​സീ​സ​ണി​ൽ അ​ക്സ​ൽ ​​സെ​ന്നി​ന് മ​ലേ​ഷ്യ മാ​സ്റ്റേ​ഴ്സ് കി​രീ​ടം മാ​ത്ര​മാ​ണ് ല​ഭി​ച്ച​ത്. പ​രി​ക്ക് കാ​ര​ണം ക​ഴി​ഞ്ഞ ജൂ​ണി​ൽ സിം​ഗ​പ്പൂ​ർ ഓ​പ​ൺ പൂ​ർ​ത്തി​യാ​ക്കാ​നാ​യി​ല്ല. ഇ​ന്തോ​നേ​ഷ്യ ഓ​പ​ണും ന​ഷ്ട​മാ​യി. പ്ര​തി​രോ​ധ​ത്തി​ൽ ക​രു​ത്ത​നാ​യ ല​ക്ഷ്യ ആ​ക്ര​മ​ണ​ത്തി​ലും മോ​ശ​മ​ല്ല. വി​ന്ന​റു​ക​ൾ ഉ​തി​ർ​ക്കു​ന്ന​തി​ലും മി​ടു​ക്ക​നാ​ണ് ഈ ​യു​വ​താ​രം. 1.94 ​സെ​ന്റീ​മീ​റ്റ​ർ ഉ​യ​ര​മു​ള്ള അ​ക്സ​ൽ സെ​ൻ ദ​യാ​ദാ​ക്ഷി​ണ്യ​മി​ല്ലാ​തെ സ്മാ​ഷ് പാ​യി​ക്കു​ന്ന താ​ര​മാ​ണ്. ത​ന്റെ ഉ​യ​ര​ത്തെ അ​തി​ഗം​ഭീ​ര​മാ​യി മു​ത​ലെ​ടു​ക്കും. ജ​യി​ച്ചാ​ൽ ല​ക്ഷ്യ​ക്ക് ഫൈ​ന​ലി​നൊ​പ്പം വെ​ള്ളി​മെ​ഡ​ൽ ഉ​റ​പ്പി​ക്കാം. തോ​റ്റാ​ൽ വെ​ങ്ക​ല മെ​ഡ​ലി​നാ​യി പ്ലേ​ഓ​ഫ് മ​ത്സ​രം ബാ​ക്കി​യു​ണ്ടാ​കും.