പു​രു​ഷ 100 മീ​റ്റ​ർ സെ​മി​യും ഫൈ​ന​ലും ഇ​ന്ന്

പാ​രി​സ്: ഒ​ളി​മ്പി​ക്സി​ലെ ഗ്ലാ​മ​ർ പോ​രാ​ട്ട​മാ​യ പു​രു​ഷ​ന്മാ​രു​ടെ 100 മീ​റ്റ​ർ ഓ​ട്ട​ത്തി​ൽ വേ​ഗ​രാ​ജാ​വി​നെ ഇ​ന്ന​റി​യാം. ഞാ​യ​റാ​ഴ്ച രാ​ത്രി 11.35 സെ​മി ഫൈ​ന​ലും 1.20ന് ​ഫൈ​ന​ലും ന​ട​ക്കും. ശ​നി​യാ​ഴ്ച ന​ട​ന്ന പ്രി​ലി​മി​ന​റി റൗ​ണ്ടും ഒ​ന്നാം റൗ​ണ്ടും ക​ഴി​ഞ്ഞ​പ്പോ​ൾ മു​ന്നി​ലെ​ത്തി​യ 27 പേ​രാ​ണ് സെ​മി​യി​ൽ മ​ത്സ​രി​ക്കു​ക. 100 മീ​റ്റ​റി​ൽ മേ​ധാ​വി​ത്വം പു​ല​ർ​ത്തു​ന്ന യു.​എ​സി​​ന്റേ​യും ജ​മൈ​ക്ക​യു​​ടേ​യും മൂ​ന്ന് താ​ര​ങ്ങ​ൾ വീ​തം സെ​മി​യി​ലെ​ത്തി. അ​ഞ്ച് താ​ര​ങ്ങ​ൾ 10 സെ​ക്ക​ൻ​ഡി​ന് മു​മ്പ് ഫി​നി​ഷി​ങ് ലൈ​ൻ തൊ​ട്ടു.

യു.​എ​സി​ന്റെ ​കെ​ന്ന​ത്ത് ബെ​ഡ്നാ​ര​കാ​ണ് സെ​മി​യി​ൽ എ​ത്തി​യ​വ​രി​ൽ മി​ക​ച്ച സ​മ​യം കു​റി​ച്ച​ത് (9.97). ടോ​ക്യോ ഒ​ളി​മ്പി​ക്സി​ലെ വെ​ള്ളി​മെ​ഡ​ൽ ജേ​താ​വ് ഫ്രെ​ഡ് കെ​ർ​ലി​യും ഇ​തേ​സ​മ​യം കു​റി​ച്ചു. ബ്രി​ട്ട​ന്റെ ലൂ​യി ഹി​ഞ്ചി​ലി​ഫെ (9.98), കാ​മ​റൂ​ണി​ന്റെ ഇ​മ്മാ​നു​വ​ൽ എ​സ​മെ (9.98), ഒ​ബ്ലി​ക് സെ​വി​ല്ലെ (9.99) എ​ന്നി​വ​രാ​ണ് 10 സെ​ക്ക​ൻ​ഡി​ൽ താ​ഴെ ഓ​ടി​യെ​ത്തി​യ​വ​ർ.

ടോ​ക്യോ​യി​ലെ ചാ​മ്പ്യ​ൻ ഇ​റ്റ​ലി​യു​ടെ ലാ​മ​ന്റ് മാ​ഴ്സ​ൽ ജേ​ക്ക​ബ് 10.05 സെ​ക്ക​ൻ​ഡി​ലാ​ണ് ഓ​ടി​യെ​ത്തി​യ​ത്. ടോ​ക്യോ​യി​ൽ വെ​ങ്ക​ലം നേ​ടി​യ കാ​ന​ഡ​യു​ടെ ആ​ൻ​ന്ദ്രെ ഡി ​ഗ്രാ​സ്സെ 10.07 സെ​ക്ക​ൻ​ഡി​ലും ഫി​നി​ഷി​ങ് ലൈ​ൻ​ തൊ​ട്ടു. ഇ​രു​വ​രും സെ​മി​യി​ലെ​ത്തി.

100, 200 മീ​റ്റ​റു​ക​ളി​ൽ നി​ല​വി​ലെ ലോ​ക ചാ​മ്പ്യ​നാ​യ നോ​ഹ ലൈ​ൽ​സ് ഒ​ന്നാം ഹീ​റ്റ്സി​ൽ ര​ണ്ടാ​മ​താ​യി. 10.04 സെ​ക്ക​ൻ​ഡെ​ടു​ത്തു ഓ​ടി​യെ​ത്താ​ൻ. സെ​മി​യി​ലെ​ത്തി​യ​വ​രി​ൽ 12ാമ​താ​ണ് ​നോ​ഹ​യു​ടെ സ്ഥാ​നം. ഒ​ന്നാം റൗ​ണ്ടി​ൽ എ​ട്ട് ഹീ​റ്റ്സി​ലാ​യി 72 പേ​രാ​ണ് ​സെ​മി​യി​ൽ യോ​ഗ്യ​ത നേ​ടാ​നാ​യി മ​ത്സ​രി​ച്ച​ത്.

ഓ​രോ ഹീ​റ്റ്സി​ലേ​യും ആ​ദ്യ മൂ​ന്ന് സ്ഥാ​ന​ക്കാ​രും ഹീ​റ്റ്സി​ൽ കൂ​ടു​ത​ൽ വേ​ഗം കൈ​വ​രി​ച്ച മൂ​ന്നു​പേ​ർ​ക്കു​മാ​ണ് സെ​മി​യി​ലേ​ക്ക് യോ​ഗ്യ​ത ല​ഭി​ച്ച​ത്.

സെ​മി​യി​ൽ മൂ​ന്ന് ഹീ​റ്റ്സി​ലാ​യി മ​ത്സ​രി​ക്കു​ന്ന​വ​രി​ൽ​നി​ന്ന് ഒ​ന്നും ര​ണ്ടും സ്ഥാ​ന​ങ്ങ​ളി​ലെ​ത്തു​ന്ന​വ​രും മി​ക​ച്ച സ​മ​യം കൈ​വ​രി​ക്കു​ന്ന ര​ണ്ടു​പേ​രു​മാ​ണ് ഫൈ​ന​ലി​ലെ​ത്തു​ക.