ഇന്ത്യക്ക് പത്താം സ്വർണം; രവികുമാർ ദഹിയക്ക് മെഡൽ

ബിർമ്മിങ്ഹാം: ടോക്യോ ഒളിമ്പിക്സ് വെള്ളിമെഡൽ ജേതാവ് രവികുമാർ ദഹിയക്ക് കോമൺവെൽത്ത് ഗെയിംസിൽ സ്വർണം. പുരുഷൻമാരുടെ 57 കിലോ ഫ്രീസ്റ്റൈൽ വിഭാഗത്തിലാണ് ദഹിയയുടെ ആദ്യ സ്വർണം. നൈജീരിയയുടെ എബിക്കവെനിമോ വെൽസണെ തോൽപ്പിച്ചാണ് ദഹിയയുടെ മെഡൽനേട്ടം.

ഒളിമ്പിക്സിൽ ലോക ചാമ്പ്യനായ സൗർ ഉഗേവിനോട് 7-4ന് തോറ്റാണ് ദഹിയ വെള്ളി നേടിയത്. 2012 ലണ്ടൻ ഒളിമ്പിക്സിൽ സുശീൽ കുമാർ ​ഗുസ്തിയിൽ മെഡൽ നേടിയ ശേഷം ഈയിനത്തിൽ മെഡൽ നേടുന്ന താരമായിരുന്നു ദഹിയ.

അതേസമയം, ലോക ജൂനിയർ ചാമ്പ്യൻ പൂജ കോമൺവെൽത്ത് ഗെയിംസിൽ വെങ്കലമണിഞ്ഞു. 50 കിലോ ഫ്രീസ്റ്റൈൽ ഗുസ്തിയിലായിരുന്നു പൂജയുടെ നേട്ടം.