‘‘മെസ്സിയേക്കാൾ മികച്ചത്​ റൊണാൾഡോ എന്ന്​ ചിന്തിക്കുന്നവർക്ക്​ ഫുട്​ബാൾ അറിയില്ല’’

ആംസ്​റ്റർ ഡാം: ലയണൽ മെസ്സിയാണോ ക്രിസ്​റ്റ്യാനോ റൊണാൾഡോയാണോ മികച്ചത്​ എന്ന ചോദ്യത്തിനുളള ഉത്തരം തേടി ഫ ുട്​​ബാൾ ലോകം പാഞ്ഞുനടക്കാൻ തുടങ്ങിയിട്ട്​ കാലം കുറെയായി. എന്നാൽ മെസ്സിയാണ്​ മികച്ചവൻ എന്നതിന്​ ഡച്ച്​ ഇതിഹ ാസം മാർക്കോ വാൻ ബാസ്​റ്റണ്​ ഒട്ടും സംശയമില്ല. ക്രിസ്​റ്റ്യാനോ മഹാനായ കളിക്കാരനാണ്​​. പക്ഷേ മെസ്സിയേക്കാൾ മ ികച്ചത്​ റൊണാൾഡോയാണെന്ന്​ ചിന്തിക്കുന്നവർക്ക്​ ഫുട്​ബാളിനെ കുറിച്ച്​ ഒന്നുമറിയില്ല എന്നാണ്​ വാൻ ബാസ്​റ്റൺ പറയുന്നത്​.

‘‘മെസ്സി അനുകരിക്കാനാകത്തതും ആവർത്തിക്കപ്പെടാത്തതുമായ അപൂർവ്വ ജനുസ്സാണ്​. ​അദ്ദേഹത്തെപ്പോലൊരു കളിക്കാരൻ 50വർഷം കൂടു​േമ്പാഴോ 100വർഷം കൂടു​േമ്പാഴോ മാത്രമേ പിറവിയെടുക്കൂ’’. മാർക്കോ വാൻബാസ്​റ്റൺ കൂട്ടിച്ചേർത്തു.

എതിർടീമി​​​െൻറ ഗോൾപോസ്​റ്റിലേക്ക്​ ചീറ്റപ്പുലിയെപ്പോലെ പാഞ്ഞുകയറിയിരുന്ന മാർക്കോ വാൻ ബാസ്​റ്റൺ 80കളിലും 90കളിലും യൂറോപ്പിലെ മിന്നും താരമായിരുന്നു. 1988, 89, 92 വർഷങ്ങളിൽ ബാലൻ ഡി ഓറും 1992ൽ ഫിഫയുടെ ബെസ്​റ്റ്​​ ​െപ്ലയർ അവാർഡും വാൻബാസ്​റ്റ​ൺ സ്വന്തമാക്കിയിട്ടുണ്ട്​. ഡച്ച്​ ഭീമൻമാരായ അജാക്​സിനായി 172മത്സരങ്ങളിൽ നിന്നും 152ഗോളും ഇറ്റാലിയൻ അതികായരായ എ.സി മിലാനുവേണ്ടി 201കളികളിൽ നിന്ന്​ 125ഗോളുകളും​ നേടിയിട്ടുണ്ട്​. ദേശീയ ടീമിനുവേണ്ടി 58മത്സരങ്ങളിൽ നിന്ന്​ 24ഗോളുകളാണ്​ വാൻബാസ്​റ്റ​​​െൻറ പേരിലുള്ളത്​.