ജൂ​ൺ-​ജൂ​ലൈ മാ​സ​ത്തി​ൽ കാ​യി​ക പ്രേ​മി​ക​ൾ​ക്ക് ഉ​റ​ക്ക​മി​ല്ലാ​ത്ത രാ​വു​ക​ൾ

ല​ണ്ട​ൻ: കാ​യി​ക ലോ​കം ആ​കാം​ക്ഷ​യോ​ടെ​യും അ​തി​ലേ​റെ ആ​വേ​ശ​ത്തോ​ടെ​യും കാ​ത്തി​രി​ക്കു​ന്ന മ​ത്സ​ര​ങ്ങ​ളാ​ൽ സ​ജീ​വ​മാ​വാ​നി​രി​ക്കു​ക​യാ​ണ് ജൂ​ൺ, ജൂ​ലൈ മാ​സ​ങ്ങ​ൾ.

ട്വ​ന്റി20 ക്രി​ക്ക​റ്റ് ലോ​ക​ക​പ്പ്, യൂ​റോ ഫു​ട്ബാ​ൾ, കോ​പ അ​മേ​രി​ക്ക ഫു​ട്ബാ​ൾ തു​ട​ങ്ങി​യ സു​പ്ര​ധാ​ന ടൂ​ർ​ണ​മെ​ന്റു​ക​ൾ​ക്ക് പി​ന്നാ​ലെ ലോ​ക കാ​യി​കോ​ത്സ​വ​മാ​യ ഒ​ളി​മ്പി​ക്സ് കൂ​ടി ഈ ​ദി​വ​സ​ങ്ങ​ളി​ൽ ക​ട​ന്നു​വ​രും. യൂ​റോ​പ്പി​ലും ലാ​റ്റി​ന​മേ​രി​ക്ക​യി​ലു​മ​ട​ക്കം വി​വി​ധ സ​മ​യ​ങ്ങ​ളി​ൽ ന​ട​ക്കു​ന്ന മ​ത്സ​ര​ങ്ങ​ൾ ഇ​ന്ത്യ​ക്കാ​രു​ൾ​പ്പെ​ടെ കാ​യി​ക പ്രേ​മി​ക​ൾ​ക്ക് സ​മ്മാ​നി​ക്കു​ക ഉ​റ​ക്ക​മി​ല്ലാ​ത്ത രാ​വു​ക​ളാ​വും.

ചാ​മ്പ്യ​ൻ​സ് ലീ​ഗ് ഫൈ​ന​ൽ- ജൂ​ൺ 1, ഇം​ഗ്ല​ണ്ട്

ഇം​ഗ്ല​ണ്ടി​ലെ ല​ണ്ട​ൻ വെം​ബ്ലി സ്റ്റേ​ഡി​യ​ത്തി​ലാ​ണ് 2024ലെ ​ചാ​മ്പ്യ​ൻ​സ് ലീ​ഗ് ഫു​ട്ബാ​ൾ ഫൈ​ന​ൽ. ‍യൂ​റോ​പ്യ​ൻ ക്ല​ബ് ചാ​മ്പ്യ​ന്മാ​രെ നി​ശ്ച​യി​ക്കു​ന്ന​തി​നു​ള്ള പോ​രാ​ട്ട​ത്തി​ൽ സ്പാ​നി​ഷ് വ​മ്പ​ന്മാ​രാ​യ റ​യ​ൽ മ​ഡ്രി​ഡും ജ​ർ​മ​ൻ ക്ല​ബ് ബൊ​റൂ​സി​യ ഡോ​ർ​ട്ട്മു​ണ്ടും ഏ​റ്റു​മു​ട്ടും. ഇ​ന്ത്യ​ൻ സ​മ​യം അ​ർ​ധ​രാ​ത്രി 12.30നാ​ണ് ക​ളി. നി​ല​വി​ലെ ജേ​താ​ക്ക​ളാ​യ മാ​ഞ്ച​സ്റ്റ​ർ സി​റ്റി ഇ​ക്കു​റി സെ​മി ഫൈ​ന​ലി​ൽ തോ​റ്റ് പു​റ​ത്താ​യി.

ട്വ​ന്റി20 ലോ​ക​ക​പ്പ്- ജൂ​ൺ 2-29, യു.​എ​സ് & വെ​സ്റ്റി​ൻ​ഡീ​സ്

ക്രി​ക്ക​റ്റി​ലെ ചെ​റി​യ ഫോ​ർ​മാ​റ്റാ​യ ട്വ​ന്റി20​യി​ലെ ലോ​ക ചാ​മ്പ്യ​ന്മാ​രെ​ത്തേ​ടി ഇ​ന്ത്യ​യ​ട​ക്കം 20 ടീ​മു​ക​ളാ​ണ് ജൂ​ൺ ര​ണ്ടു​മു​ത​ൽ യു.​എ​സി​ലും വെ​സ്റ്റി​ൻ​ഡീ​സി​ലു​മാ​യി മാ​റ്റു​ര​ക്കു​ന്ന​ത്. ഫൈ​ന​ലു​ൾ​പ്പെ​ടെ 55 മ​ത്സ​ര​ങ്ങ​ളു​ണ്ടാ​വും. ഇ​ന്ത്യ​ൻ സ​മ​യം പു​ല​ർ​ച്ച 5.00, 6.00, രാ​ത്രി 8.00, 10.30, 12.30 എ​ന്നീ സ​മ​യ​ങ്ങ​ളി​ലാ​ണ് മ​ത്സ​ര​ങ്ങ​ൾ. ക​രീ​ബി​യ​ൻ ദ്വീ​പാ​യ ബാ​ർ​ബ​ഡോ​സി​ലെ ബ്രി​ഡ്ജ് ടൗ​ണി​ൽ ജൂ​ൺ 29ന് ​ക​ലാ​ശ​പ്പോ​ര് ന​ട​ക്കും. ഇം​ഗ്ല​ണ്ടാ​ണ് നി​ല​വി​ൽ ചാ​മ്പ്യ​ന്മാ​ർ.

യൂ​റോ ഫു​ട്ബാ​ൾ- ജൂ​ൺ 14-ജൂ​ലൈ 14, ജ​ർ​മ​നി

വ​ൻ​ക​ര​യി​ലെ 24 പ്ര​മു​ഖ ടീ​മു​ക​ൾ ഇ​റ​ങ്ങു​ന്ന യൂ​റോ ഫു​ട്ബാ​ൾ ചാ​മ്പ്യ​ൻ​ഷി​പ് ജൂ​ൺ 14 മു​ത​ൽ ജൂ​ലൈ 14 വ​രെ ജ​ർ​മ​നി​യി​ലെ 10 വേ​ദി​ക​ളി​ലാ​യി ന​ട​ക്കും. ഇ​ന്ത്യ​ൻ സ​മ​യം വൈ​കു​ന്നേ​രം 6.30, രാ​ത്രി 9.30, അ​ർ​ധ​രാ​ത്രി 12.30 എ​ന്നീ സ​മ​യ​ങ്ങ​ളി​ലാ​ണ് മ​ത്സ​ര​ങ്ങ​ൾ. ഫൈ​ന​ൽ 14ന് ​ബ​ർ​ലി​നി​ലെ ഒ​ളി​മ്പ്യ സ്റ്റേ​ഡി​യ​ത്തി​ൽ. ഇ​റ്റ​ലി​യാ​ണ് നി​ല​വി​ലെ ജേ​താ​ക്ക​ൾ.

കോ​പ അ​മേ​രി​ക്ക ഫു​ട്ബാ​ൾ- ജൂ​ൺ 20-ജൂ​ലൈ 14, യു.​എ​സ്

ലാ​റ്റി​ന​മേ​രി​ക്ക​ൻ ക​രു​ത്ത​രു​ടെ നേ​ര​ങ്ക​മാ​യ കോ​പ അ​മേ​രി​ക്ക ഫു​ട്ബാ​ൾ ടൂ​ർ​ണ​മെ​ന്റ് ജൂ​ൺ 20ന് ​തു​ട​ങ്ങും. യു.​എ​സി​ലെ 14 ന​ഗ​ര​ങ്ങ​ളാ​ണ് വേ​ദി. 16 ടീ​മു​ക​ൾ മ​ത്സ​രി​ക്കും. ഇ​ന്ത്യ​ൻ സ​മ​യം വെ​ളു​പ്പി​ന് 3.30, 5.30, 6.30 എ​ന്നീ സ​മ​യ​ങ്ങ​ളി​ലാ​ണ് ക​ളി. ഇ​ന്ത്യ​ൻ സ​മ​യം ജൂ​ലൈ 15 പു​ല​ർ​ച്ച 5.30നാ​ണ് ക​ലാ​ശ​ക്ക​ളി. അ​ർ​ജ​ന്റീ​ന​യാ​ണ് നി​ല​വി​ൽ ചാ​മ്പ്യ​ന്മാ​ർ.

വിം​ബ്ൾ​ഡ​ൺ ടെ​ന്നി​സ്- ജൂ​ലൈ 1-4, ഇം​ഗ്ല​ണ്ട്

ഇം​ഗ്ല​ണ്ടി​ൽ വ​ർ​ഷാ​വ​ർ​ഷം ലോ​കോ​ത്ത​ര ടെ​ന്നി​സ് താ​ര​ങ്ങ​ൾ ഏ​റ്റു​മു​ട്ടു​ന്ന വിം​ബ്ൾ​ഡ​ൺ ടെ​ന്നി​സ് ടൂ​ർ​ണ​മെ​ന്റ് ജൂ​ലൈ ഒ​ന്നു​മു​ത​ൽ 14വ​രെ ന​ട​ക്കും. ഇ​ന്ത്യ​ൻ സ​മ​യം ഉ​ച്ച​ക്ക് ശേ​ഷ​മാ​ണ് മ​ത്സ​ര​ങ്ങ​ൾ തു​ട​ങ്ങു​ക.

ഒ​ളി​മ്പി​ക്സ്- ജൂ​ലൈ 26-ആ​ഗ​സ്റ്റ് 11, പാ​രി​സ്

നാ​ല് വ​ർ​ഷം കൂ​ടു​മ്പോ​ൾ ന​ട​ക്കു​ന്ന വേ​ന​ൽ​ക്കാ​ല ഒ​ളി​മ്പി​ക്സി​ന് ഇ​ക്കു​റി ഫ്ര​ഞ്ച് ത​ല​സ്ഥാ​ന​മാ​യ പാ​രി​സാ​ണ് ആ​തി​ഥ്യ​മ​രു​ളു​ന്ന​ത്. 32 കാ​യി​ക ഇ​ന​ങ്ങ​ളി​ലെ 329 വി​ഭാ​ഗ​ങ്ങ​ളി​ലാ​യി 10,500 ഓ​ളം താ​ര​ങ്ങ​ൾ മെ​ഡ​ൽ തേ​ടി​യി​റ​ങ്ങും.