ചെയ്ന്‍ സിങ്ങും നാരംഗും പുറത്ത്

റിയോ ഡെ ജനീറോ: റൈഫ്ള്‍ ഷൂട്ടര്‍മാരായ ഗഗന്‍ നാരംഗും ചെയ്ന്‍ സിങ്ങും പുറത്തായതോടെ ഷൂട്ടിങ്ങില്‍ ഇന്ത്യയുടെ വെല്ലുവിളി അവസാനിച്ചു. പുരുഷന്മാരുടെ റൈഫ്ള്‍ 3 പൊസിഷനില്‍ പ്രാഥമിക റൗണ്ടില്‍ ഇരുവരും പുറത്തായി. ലണ്ടന്‍ ഒളിമ്പിക്സില്‍ 10 മീറ്റര്‍ എയര്‍ റൈഫ്ളില്‍ വെങ്കലം നേടിയ നാരംഗ് റൈഫ്ള്‍ 3 പൊസിഷനില്‍ 33ാം സ്ഥാനത്തേക്ക് പിന്തള്ളപ്പെട്ടു. ചെയ്ന്‍ സിങ് 23ാമതായി. 1162 പോയന്‍റാണ് നാരംഗിനുള്ളത്. ചെയ്ന്‍ സിങ്ങിന് 1169 പോയന്‍റും. ചെയ്ന്‍ സിങ് ആദ്യ രണ്ടു റൗണ്ടുകളില്‍ മികച്ച പ്രകടനം നടത്തി.