ബോഡി ബില്‍ഡിങ്: സംസ്ഥാന ചാമ്പ്യന്‍ഷിപ് കൊല്ലത്ത്

കൊല്ലം: സംസ്ഥാന ബോഡി ബില്‍ഡിങ് അസോസിയേഷന്‍െറ സംസ്ഥാന ചാമ്പ്യന്‍ഷിപ് 27, 28 തീയതികളില്‍ കൊല്ലം ആശ്രാമം മൈതാനിയില്‍ നടക്കും. സബ് ജൂനിയര്‍, ജൂനിയര്‍, സീനിയര്‍, മാസ്റ്റേഴ്സ് സീനിയര്‍, അംഗപരിമിതര്‍ വിഭാഗങ്ങളിലായി 400ഓളം പേര്‍ പങ്കെടുക്കും. 27ന് വൈകീട്ട് നാലിന് ഗസ്റ്റ് ഹൗസ് പരിസരത്തുനിന്ന് മാര്‍ച്ച് പാസ്റ്റ് ആരംഭിക്കും. 28ന് രാവിലെ 9.30ന് മേയര്‍ വി. രാജേന്ദ്രബാബു മത്സരങ്ങള്‍ ഉദ്ഘാടനം ചെയ്യും. മാര്‍ച്ച് 25 മുതല്‍ ന്യൂഡല്‍ഹിയില്‍ നടക്കുന്ന ദേശീയ ചാമ്പ്യന്‍ഷിപ്പില്‍ പങ്കെടുക്കേണ്ട സംസ്ഥാന ടീമിനെ തെരഞ്ഞെടുക്കുമെന്നും അസോസിയേഷന്‍ പ്രസിഡന്‍റ് പി.കെ. അനില്‍കുമാര്‍, സെക്രട്ടറി എം. പണിക്കര്‍ എന്നിവര്‍ വാര്‍ത്താസമ്മേളനത്തില്‍ പറഞ്ഞു. ജില്ലാ അസോസിയേഷന്‍ മുഖ്യരക്ഷാധികാരി അക്കവിള സതീക്ക്, ഓര്‍ഗനൈസിങ് സെക്രട്ടറി കെ. അബ്ദുല്‍ ബുഹാരി എന്നിവരും സംബന്ധിച്ചു.