ബാസ്കറ്റ്ബാള്‍:സതേണ്‍ റെയില്‍വേ, വിജയബാങ്ക് ഫൈനലില്‍ 

കോഴിക്കോട്: വനിതകളുടെ ആദ്യസെമിയില്‍ പ്രോവിഡന്‍സ് കോഴിക്കോടിനെ പരാജയപ്പെടുത്തി ചെന്നൈ സതേണ്‍ റെയില്‍വേ ഫിയാസ്റ്റോ അഖിലേന്ത്യാ ബാസ്കറ്റ്ബാള്‍ ടൂര്‍ണമെന്‍റിന്‍െറ ഫൈനലില്‍ കടന്നു. സ്കോര്‍: 79-58. ശനിയാഴ്ചത്തെ കെ.എസ്.ഇ.ബിയും ഇസ്റ്റേണ്‍ റെയില്‍വേ കൊല്‍ക്കത്തയും തമ്മിലുള്ള രണ്ടാം സെമിയിലെ വിജയികളാവും ഞായറാഴ്ചത്തെ ഫൈനലില്‍ സതേണ്‍ റെയില്‍വേ നേരിടുക. പുരുഷവിഭാഗം ആദ്യസെമിയില്‍ വിജയബാങ്ക് ബംഗളൂരു, സെന്‍ട്രല്‍ എക്സൈസ് കൊച്ചിയെ പരാജയപ്പെടുത്തി ഫൈനലില്‍ കടന്നു. സ്കോര്‍: 88-58. ശനിയാഴ്ചത്തെ പുരുഷ രണ്ടാം സെമിയില്‍ കെ.എസ്.ഇ.ബിയും ഐ.ഒ.ബി ചെന്നൈയും തമ്മില്‍ ഏറ്റുമുട്ടും.