സുധ സിങ്ങിന് ദേശീയ റെക്കോഡ്

ഷാങ്ഹായ്: റിയോ ഒളിമ്പിക്സിനൊരുങ്ങുന്ന സുധ സിങ്ങിന് വനിതകളുടെ 3000 മീറ്റര്‍ സ്റ്റീപ്ള്‍ചേസില്‍ ദേശീയ റെക്കോഡ്. ചൈനയില്‍ നടക്കുന്ന ഡയമണ്ട് ലീഗ് മീറ്റിലാണ് കൂട്ടുകാരി ലളിത ബബാറിന്‍െറ പേരിലുണ്ടായിരുന്ന റെക്കോഡ് (9:27.09) മറികടന്നാണ് സുധ സിങ് (9:26.55) ഒളിമ്പിക്സ് ഒരുക്കം ഗംഭീരമാക്കിയത്. അതേസമയം, ലളിത ബബാര്‍ 13ാം സ്ഥാനത്തേക്ക് പിന്തള്ളപ്പെട്ടു. രണ്ടാഴ്ചമുമ്പ് നടന്ന ഫെഡറേഷന്‍ കപ്പ് അത്ലറ്റിക്സിലായിരുന്നു സുധ സിങ് ഒളിമ്പിക്സ് യോഗ്യത നേടിയത്.