ഗെയിംസിൽ സ്വർണം നേടിയ വിനേഷിന്​ വിമാനത്താവളത്തിൽ വിവാഹ നിശ്​ചയം

ന്യൂഡൽഹി: ഏഷ്യൻ ഗെയിംസ് ഗുസ്​തിയിൽ സ്വർണ്ണം നേടിയെത്തിയ വിനേഷ്​ ​ഫോഗട്ടിന്​ വിമാനത്താവളത്തിൽ വിവാഹ നിശ്​ചയം. ഡൽഹി ഇന്ദിരാഗാന്ധി രാജ്യാന്തര വിമാനത്താവളത്തിലെ അറൈവൽ ഗേറ്റിലാണ്​ വിനേഷ്​ ഫോഗട്ടും സോമവീർ രാതിയും തമ്മിലുള്ള വിവാഹ നിശ്​ചയം നടന്നത്​. 

വിമാനമിറങ്ങി പുറത്തെത്തിയ ഉടനെ പരസ്​പരം മോതിരം അണിയിച്ച്​ കുടുംബാംഗങ്ങളുടെ സാന്നിധ്യത്തിൽ ഇരുവരുടെയും വിവാഹ നിശ്​ചയം നടത്തുകയായിരുന്നു. വിനേഷി​​​െൻറ 24ാം പിറന്നാൾ ദിനത്തിലായിരുന്നു വിവാഹ നിശ്​ചയം. താൻ എക്കാലത്തും ഒാർമിക്കപ്പെടുന്ന ഒരു പിറന്നാൾ സമ്മാനിച്ചതിന്​ എല്ലാവർക്കും നന്ദിയറിക്കുന്നതായി വിനേഷ്​ ഫോഗട്ട്​ ഇൻസ്​റ്റഗ്രാമിൽ കുറിച്ചു.