ഗോവിന്ദൻ ലക്ഷ്​മണന്​ വെങ്കലമെന്ന്​, പിന്നാലെ അയോഗ്യതാ പ്രഖ്യാപനം

ജകാർത്ത: ഇന്തോനേഷ്യയിലെ ജകാർത്തയിൽ അക്കൗണ്ടിൽ രണ്ട്​ വെള്ളിമെഡൽ കുറിക്കപ്പെട്ടതി​​​െൻറ സന്തോഷത്തിനിടയിലും ഇന്ത്യക്ക്​ നിരാശ. 10000 മീറ്ററിൽ വെങ്കലം പ്രഖ്യാപിക്കപ്പെട്ട ഇന്ത്യൻ അത്​ലറ്റിക്​സ്​ താരം ഗോവിന്ദൻ ലക്ഷ്​മണനെ അയോഗ്യനാക്കിയ വാർത്തയാണ്​ ഇന്ത്യയെ നിരാശയിലാഴ്​ത്തിയത്​. 

10000 മീറ്റർ അത്​ലറ്റിക്​സിൽ 29:44.91 മിനുട്ടിൽ ഒാടിയെത്തിയ ഗോവിന്ദൻ ലക്ഷ്​മണ​​​െൻറ പേരിൽ​​ വെങ്കലമെഡൽ പ്രഖ്യാപിക്കപ്പെ​ട്ടിരുന്നു.  ചരിത്ര വിജയത്തി​​​െൻറ സന്തോഷത്തിന്​ അധികം ആയുസ്സില്ലായിരുന്നു. ഏറെ വൈകാതെ ഇന്ത്യൻ കായികാസ്വാദകരെ ഞെട്ടിച്ചുകൊണ്ട്​ മത്സര ഫലത്തിൽ മാറ്റം വന്നതായി അറിയിപ്പുവന്നു. ട്രാക്ക്​ നിയമം ലംഘിച്ചതിനാൽ ഗോവിന്ദൻ ലക്ഷ്​മണനെ അയോഗ്യനാക്കിയെന്നായിരുന്നു അറിയിപ്പ്​. 

മത്സര ഫലം പ്രഖ്യാപിച്ചതിനു ശേഷം റീപ്ലേ വിശദമായി പരിശോധിച്ചതിൽ ഒരു വേള ഗോവിന്ദൻ ലക്ഷ്​മണൻ ട്രാക്കിനു പുറത്തേക്ക്​ കടന്നതായി കണ്ടെത്തുകയായിരുന്നു. അയോഗ്യനാക്കിയതിനെതിരെ അത്​ലറ്റിക്​സ്​ ഫെഡറേഷൻ ഒാഫ്​ ഇന്ത്യ സമർപ്പിച്ച അപ്പീൽ തള്ളുകയായിരുന്നു. 10000 മീറ്ററിലെ ചരിത്ര നേട്ടമാണ്​ ഇതിലൂടെ ഇന്ത്യക്ക്​ നഷ്​ടമായത്​.

AFI's appeal rejected, we lost one medal- G Lakshmanan-10000m- Bronze, he is disqualified. Hard Luck Lakshman, but you are already a Champion.#AsianGames2018@CNNnews18 @PTI_News @g_rajaraman @kapil857 @IExpressSports @Xpress_Sports

— Athletics Federation of India (@afiindia) August 26, 2018