ഏഷ്യൻ ഗെയിംസ്​: ധരുൺ അയ്യസാമിക്കും സുധ സിങിനും​ വി. നീനക്കും വെള്ളി

ജകാർത്ത: ഇന്തോനേഷ്യയിലെ ജകാർത്തയിൽ നടക്കുന്ന ഏഷ്യൻ ഗെയിംസിൽ പുരുഷ വിഭാഗം 400 മിറ്റർ ഹർഡിൽസിൽ ഇന്ത്യയുടെ ധരുൺ അയ്യസാമിക്കും 3000 മീറ്റർ വനിത വിഭാഗം സ്​റ്റിപ്പിൾ ചേസിൽ സുധ സിങിനും ലോങ്​ ജംപിൽ വി. നീനക്കും വെള്ളി.

49.45 സെക്കൻറിൽ സ്വന്തം പേരിൽ കുറിച്ച ദേശീയ റെക്കോർഡ്​ മറി കടന്ന്​ 48.96 സെക്കൻറ്​ കൊണ്ടാണ്​ ധരുൺ അയ്യസാമി ഫിനിഷ്​ ചെയ്​തത്​. 9:40.03 മിനുട്ടിൽ സുധ സിങ്​ ലക്ഷ്യം കണ്ടു. 6.51 മീറ്റർ ദൂരം താണ്ടിയാണ്​​ നീനയുടെ വെള്ളി നേട്ടം​. ഇതോടെ ഏഷ്യൻ ഗെയിംസിൽ ഇന്ത്യ​ ​13 വെള്ളികൾ കരസ്​ഥമാക്കി.

400 മീറ്റർ ഹർഡിൽസ്​ വനിതാവിഭാഗത്തിൽ മലയാളി താരം അനു രാഘവന്​ നാലാം സ്​ഥാനം ​െകാണ്ടും(56.92 സെക്കൻറ്​) ജൗന മുർമുവിന്​ അഞ്ചാം സ്​ഥാനം കൊണ്ടും (57.48 സെക്കൻറ്​) തൃപ്​തിപ്പെടേണ്ടി വന്നു.

വെ​ള്ളി​ത്തു​ട​ർ​ച്ച
ഞാ​യ​റാ​ഴ്​​ച ക​ണ്ട​തി​​​െൻറ തു​ട​ർ​ച്ച​യാ​യി​രു​ന്നു തി​ങ്ക​ളാ​ഴ്​​ച​യും. അ​ന​സും ഹി​മ​യും ദ്യു​തി​യും ചേ​ർ​ന്ന്​ മൂ​ന്ന്​ വെ​ള്ളി​മെ​ഡ​ലു​ക​ൾ സ​മ്മാ​നി​ച്ച​തി​​നു പി​ന്നാ​ലെ ഇ​ന്ന​ലെ​യും ട്രാ​ക്ക്​ ഇ​ന്ത്യ​യെ ച​തി​ച്ചി​ല്ല. 400 മീ​റ്റ​ർ പു​രു​ഷ വി​ഭാ​ഗം ഹ​ർ​ഡ്​​ൽ​സി​ൽ ത​മി​ഴ്​​നാ​ട്ടു​കാ​ര​നാ​യ ധ​രു​ൺ അ​യ്യ​സ്സാ​മി​യി​ലൂ​ടെ​യാ​ണ്​ ആ​ദ്യ വെ​ള്ളി​യെ​ത്തി​യ​ത്. 48.96 സെ​ക്ക​ൻ​ഡി​ൽ ക​രി​യ​റി​ലെ ഏ​റ്റ​വും മി​ക​ച്ച സ​മ​യ​ത്തി​ൽ ഫി​നി​ഷ്​ ചെ​യ്​​ത ധ​രു​ൺ വെ​ള്ളി​യ​ണി​ഞ്ഞു. ഖ​ത്ത​റി​​​െൻറ സാം​ബ അ​ബ്​​ദു​റ​ഹ്​​മാ​നാ​ണ്​ (47.66 സെ) ​സ്വ​ർ​ണം. മ​റ്റൊ​രു ഇ​ന്ത്യ​ൻ താ​ര​മാ​യ സ​ന്തോ​ഷ്​ കു​മാ​ർ ത​മി​ഴ​ര​ശ​ൻ അ​ഞ്ചാ​മ​താ​യി. സ്വ​ന്തം പേ​രി​ലെ ദേ​ശീ​യ റെ​ക്കോ​ഡ്​ തി​രു​ത്തി​യെ​ഴു​തി​യാ​ണ്​ (49.45 സെ) ​ധ​രു​ൺ റെ​ക്കോ​ഡ്​ കു​റി​ച്ച​ത്. ക​ഴി​ഞ്ഞ മാ​ർ​ച്ചി​ൽ ന​ട​ന്ന ഫെ​ഡ​റേ​ഷ​ൻ ക​പ്പി​നി​ട​യി​ലാ​യി​രു​ന്നു റെ​ക്കോ​ഡ്​ പ്ര​ക​ട​നം.
ഇ​തി​നി​ടെ, 400 മീ ​ഹ​ർ​ഡ്​​ൽ​സ്​ വ​നി​ത​ക​ളി​ൽ മ​ല​യാ​ളി താ​രം അ​നു രാ​ഘ​വ​ൻ നാ​ലാം സ്​​ഥാ​ന​ത്താ​യി (56.92 സെ). ​ഖ​ത്ത​റി​​​െൻറ നൈ​ജീ​രി​യ​ൻ താ​രം കെ​മി അ​ഡി​കോ​യ ഗെ​യിം​സ്​ റെ​ക്കോ​ഡ്​ സ​മ​യ​ത്തോ​ടെ (54.48 സെ)​ ​സ്വ​ർ​ണ​മ​ണി​ഞ്ഞു. 

മി​നി​റ്റു​ക​ളു​ടെ ഇ​ട​വേ​ള​യി​ലാ​യി​രു​ന്നു മ​റ്റൊ​രു ഇ​ന്ത്യ​ൻ താ​രം സു​ധ സി​ങ്​ വ​നി​ത​ക​ളു​ടെ 3000 മീ​റ്റ​ർ സ്​​റ്റീ​പ്​​ൾ ചേ​സി​ൽ വെ​ള്ളി​ത്തി​ള​ക്കം ന​ൽ​കി​യ​ത്. ഒ​മ്പ​ത്​ മി​നി​റ്റ്​ 40.03 സെ​ക്ക​ൻ​ഡി​ൽ ഫി​നി​ഷ്​ ചെ​യ്​​ത്​ സു​ധ ത​​​െൻറ ര​ണ്ടാം ഏ​ഷ്യ​ൻ ഗെ​യിം​സ്​ ​െമ​ഡ​ല​ണി​ഞ്ഞു. 2010 ഗ്വാ​ങ്​​ചോ ഗെ​യിം​സി​ൽ ഇ​തേ ഇ​ന​ത്തി​ൽ സ്വ​ർ​ണം നേ​ടി​യി​രു​ന്നു.

നീ​ന​യു​ടെ ഭാ​ഗ്യ​വെ​ള്ളി

ട്രാ​ക്കി​ലെ വെ​ള്ളി​യു​ടെ ആ​ഘോ​ഷ​മ​ട​ങ്ങു​േ​മ്പാ​ഴേ​ക്കും ജം​പി​ങ്​ പി​റ്റും തു​ള്ളി​ച്ചാ​ടി. വ​നി​ത​ക​ളു​ടെ ലോ​ങ്​​ജം​പി​ൽ മ​ല​യാ​ളി താ​രം വി. ​നീ​ന പി​േ​ൻ​റാ​യാ​ണ്​ വെ​ള്ളി​യ​ണി​ഞ്ഞ​ത്. 
കോ​ഴ​ി​ക്കോ​ട്​ മേ​പ്പ​യൂ​ർ സ്വ​ദേ​ശി​കൂ​ടി​യാ​യ വി. ​നീ​ന 6.51 മീ​റ്റ​ർ ചാ​ടി ഏ​ഷ്യ​ൻ ഗെ​യിം​സി​ലെ ത​​​െൻറ ആ​ദ്യ മെ​ഡ​ൽ മാ​റി​ല​ണി​ഞ്ഞു. ആ​ദ്യ ശ്ര​മ​ത്തി​ൽ 6.41 ചാ​ടി തു​ട​ങ്ങി​യ താ​രം, മൂ​ന്നാം ശ്ര​മ​ത്തി​ൽ 6.50 മീ​റ്റ​റി​ലെ​ത്തി വെ​ള്ളി ഉ​റ​പ്പി​ച്ചു. തൊ​ട്ട​ടു​ത്ത ശ്ര​മ​ത്തി​ൽ ഒ​രു സ​​െൻറി​മീ​റ്റ​ർ കൂ​ടി കൂ​ട്ടി (6.51 മീ). ​അ​വ​സാ​ന ശ്ര​മ​ത്തി​ലും 6.50 മീ​റ്റ​ർ ചാ​ടി. 2017 ഏ​ഷ്യ​ൻ ചാ​മ്പ്യ​ൻ​ഷി​പ്പി​ൽ വെ​ങ്ക​ലം നേ​ടി​യ നീ​ന അ​തേ ഫോം ​നി​ല​നി​ർ​ത്തി​യാ​ണ്​ വ​ൻ​ക​ര​യു​ടെ പോ​രാ​ട്ട​ത്തി​ൽ മെ​ഡ​ൽ തി​ള​ക്കം​കു​റി​ച്ച​ത്. 6.55 മീ ​ചാ​ടി​യ വി​യ​റ്റ്​​നാ​മി​​​െൻറ ബു​യി തി​താ​വോ​ക്കാ​ണ്​ സ്വ​ർ​ണം. ചൈ​ന​യു​ടെ സു ​ലി​യോ​ലി​ങ്​ (6.50) വെ​ങ്ക​ല​ത്തി​ന്​ ഉ​ട​മ​യാ​യി. മ​റ്റൊ​രു മ​ല​യാ​ളി​താ​രം ന​യ​ന ജെ​യിം​സ്​ 6.14 മീ​റ്റ​ർ ചാ​ടി 10ാം സ്​​ഥാ​ന​ക്കാ​രി​യാ​യി.

ബോ​ക്​​സി​ങ്ങി​ൽ വി​കാ​സും 
അ​മി​തും ക്വാ​ർ​ട്ട​റി​ൽ
ബോ​ക്​​സി​ങ്ങി​ൽ കോ​മ​ൺ​വെ​ൽ​ത്ത്​ ഗെ​യിം​സ്​ സ്വ​ർ​ണ​മെ​ഡ​ൽ ജേ​താ​ക്ക​ളാ​യ വി​കാ​സ്​ കൃ​ഷ​നും  (75 കി​ലോ​ഗ്രാം വി​ഭാ​ഗം) അ​മി​ത്​ പ​ൻ​ഗ​ലും (49 കി​ലോ​ഗ്രാം) ക്വാ​ർ​ട്ട​ർ ഫൈ​ന​ലി​ലേ​ക്ക്​ മു​ന്നേ​റി. പ്രീ​ക്വാ​ർ​ട്ട​റി​ൽ വി​കാ​സ്​ പാ​കി​സ്​​താ​​​െൻറ ത​ൻ​വീ​ർ അ​ഹ്​​മ​ദി​നെ​യും അ​മി​ത്​ മം​ഗോ​ളി​യ​യു​ടെ എ​ൻ​ക്​​മ​ൻ​ഡാ​ക്​ ക​ർ​ഹു​വി​നെ​യു​മാ​ണ്​ പ​രാ​ജ​യ​പ്പെ​ടു​ത്തി​യ​ത്. മം​ഗോ​ളി​യ​യു​ടെ നു​ർ​ലാ​ൻ കൊ​ബാ​ഷേ​വി​നെ തോ​ൽ​പി​ച്ച ദേ​ശീ​യ ചാ​മ്പ്യ​ൻ ധീ​ര​ജ്​ രം​ഗി​യും  (64 കി​ലോ​ഗ്രം) ക്വാ​ർ​ട്ട​റി​ലെ​ത്തി. കോ​മ​ൺ​വെ​ൽ​ത്ത്​ വെ​ങ്ക​ല​മെ​ഡ​ൽ ജേ​താ​വ്​ മു​ഹ​മ്മ​ദ്​ ഹു​സാ​മു​ദ്ദീ​ൻ (56 കി​ലോ​ഗ്രം) കി​ർ​ഗി​സ്​​താ​​​െൻറ എ​ൻ​ക്​ അ​മ​ർ ക​ർ​ഖു​വി​നോ​ട്​ പൊ​രു​തി​ത്തോ​റ്റു. 
വോ​ളി​യി​ൽ പു​റ​ത്ത്​
വ​നി​ത വോ​ളി​ബാ​ളി​ൽ ചൈ​ന​യോ​ട്​ 0-3ന്​ ​തോ​റ്റ്​ ഇ​ന്ത്യ​യു​ടെ പോ​രാ​ട്ടം അ​വ​സാ​നി​ച്ചു. പൂ​ൾ ‘ബി’​യി​ലെ അ​വ​സാ​ന മ​ത്സ​ര​ത്തി​ൽ 18-25, 19-25, 9-25 സ്​​കോ​റി​നാ​യി​രു​ന്നു ഇ​ന്ത്യ​ൻ വ​നി​ത​ക​ളു​ടെ തോ​ൽ​വി. തു​ട​ർ​ച്ച​യാ​യ അ​ഞ്ചാം ​മ​ത്സ​ര​ത്തി​ലാ​ണ്​ ഇ​ന്ത്യ​ൻ തോ​ൽ​വി.