ഏഷ്യൻ ഗെയിംസ്​: ഷൂട്ടിങ്ങിൽ വെള്ളി നേടി 15കാരൻ ഷാർദൂൽ വിഹാൻ

ജക്കാർത്ത: ഏഷ്യൻ ഗെയിംസ്​ ഡബിൾ ട്രാപ്​ ഷൂട്ടിങ്ങിൽ ഇന്ത്യയുടെ കൗമാരതാരം ഷാർദൂൽ വിഹാന്​ വെള്ളി. ഇതോടെ ഏഷ്യൻ ഗെയിംസിലെ ഇന്ത്യയുടെ മെഡൽനേട്ടം 17 ആയി. 

മൽസരത്തിൽ 73 പോയിൻറ്​ നേടിയാണ്​ ഷാർദൂൽ വിഹാ​​െൻറ ​വെള്ളി നേട്ടം. കൊറിയയുടെ ഹുൻവോ ഷിന്നിനാണ്​ ​സ്വർണ്ണം. ഷിൻ 74 പോയിൻറ്​ നേടി. ഇതോടെ ഏഷ്യൻ ഗെയിംസിൽ  ഷൂട്ടിങ്ങിൽ റേഞ്ചിൽ നിന്ന്​ ഇന്ത്യക്ക്​ എട്ട്​ മെഡലായി. കഴിഞ്ഞ വർഷം ​നടന്ന ദേശീയ ചാമ്പ്യൻഷിപ്പിൽ ഷാർദൂൽ വിഹാൻ  നാല്​ സ്വർണ്ണം നേടിയിരുന്നു.

ഗെയിംസി​​െൻറ നാലാം ദിനത്തിൽ ഷൂട്ടിങ്​ 25 മീറ്റർ പിസ്​റ്റളിൽ 27കാരി രാഹി സർനോബാത്​ ഇന്ത്യക്കായി സ്വർണ്ണം നേടിയിരുന്നു.