കോവിഡോ, ഒളിമ്പിക്​സോ? ടോക്യോ വെയ്​റ്റിങ്

2020 ജൂലൈ 23: മഹാമാരിയായി കോവിഡ്​ വന്നില്ലായിരുന്നെങ്കിൽ ലോകം ഇന്ന്​ 32ാമത്​ ഒളിമ്പിക്​സിനെ ടോക്യോയിൽ വരവേൽക്കുന്ന ദിനമായിരുന്നു. ജൂലൈ 24 മുതൽ ആഗസ്​റ്റ്​ ഒമ്പത്​ വരെയായിരുന്നു വിശ്വകായിക മാമാങ്കം തീരുമാനിച്ചത്​. പ​േക്ഷ, ഒളിമ്പിക്​സെത്തിയപ്പോൾ ജപ്പാ​​െൻറ നിർഭാഗ്യം കോവിഡി​​െൻറ രൂപത്തിൽ അവതരിച്ചു. 1940ൽ അനുവദിച്ച ആദ്യ ഒളിമ്പിക്​സ്​ ചൈനക്കെതിരായ സൈനിക നടപടിയും, പിന്നീടുണ്ടായ ലോകയുദ്ധവും കാരണം നഷ്​ടമായത്​പോലെ ചരിത്രം വീണ്ടും ആവർത്തിച്ച​ു. ഇക്കുറി ഒളിമ്പിക്​സ്​ ഒരുവർഷത്തേക്ക്​ മാറ്റിവെച്ചെങ്കിലും കോവിഡ്​ ഭീതിയുടെ കാർമേഘം ഇനിയും നീങ്ങിയിട്ടില്ല. ലോകമാകെ മരണം വിതച്ച്​ കോവിഡ്​ പടരു​ന്നതിനിടെ മാർച്ച്​ 24നായിരുന്നു ഒളിമ്പിക്​സ്​ മാറ്റിവെക്കാൻ രാജ്യാന്തര ഒളിമ്പിക്​ കമ്മിറ്റിയും ടോക്യോ ഒളിമ്പിക്​സ്​ ഒാർഗനൈസിങ്​ കമ്മിറ്റിയും തീരുമാനിച്ചത്​. ഒരുവർഷത്തേക്ക്​ മാറ്റിവെച്ച ഒളിമ്പിക്​സ്​ 2021 ജൂ​ൈല 23 മുതൽ ആഗസ്​റ്റ്​ എട്ടുവരെ നടത്താനാണ്​ നിലവിലെ തീരുമാനം.

ടോക്യോ കാത്തിരിക്കുന്നു
2019 ജൂലൈ​ 24. ടോക്യോ ഒളിമ്പിക്​സിലേക്കുള്ള ഒരുവർഷത്തെ കൗണ്ട്​ഡൗണി​​െൻറ തുടക്കം ആഘോഷപൂർവമായിരുന്നു ജപ്പാൻ നടത്തിയത്​. രാജ്യ തലസ്​ഥാനമായ ഒളിമ്പിക്​സ്​ നഗരിയിൽ​ മുഖ്യാതിഥിയായ ​െഎ.ഒ.സി പ്രസിഡൻറ്​ തോമസ്​ ബാഹ്​ ​ ലോകം കണ്ടതിൽ ഏറ്റവും മികച്ച ഒളിമ്പിക്​സിനാണ്​ ടോക്യോ​ ഒരുങ്ങുന്നതെന്ന്​ പ്രഖ്യാപിക്കു​േമ്പാൾ ആവേശത്തോടെ വരവേറ്റു. ഒളിമ്പിക്​സിലേക്കുള്ള ആറ്​ മാസം കൗണ്ട്​ഡൗണിനും ടോക്യോ ആഘോഷം കുറച്ചില്ല. പിന്നെ രണ്ടു മാസം മാത്രം. എല്ലാം താളംതെറ്റി. ഒരുപതിറ്റാണ്ടായി നടത്തിയ ഒരുക്കങ്ങളെല്ലാം തകിടംമറിഞ്ഞു. ​കോവിഡ്​ കാരണം ലോകരാജ്യങ്ങൾ പിൻവാങ്ങാൻ സന്നദ്ധത അറിയിച്ചതോടെ ഒളിമ്പിക്​സ്​ മാറ്റിവെക്കുകയല്ലാതെ വഴിയില്ലാതായി. ഇപ്പോൾ ജപ്പാൻ വീണ്ടും ഒരുങ്ങുകയാണ്​. 2021 ഒളിമ്പിക്​സി​​െൻറ മത്സര ഷെഡ്യൂളും വേദികളും പ്രഖ്യാപിച്ചു.

ഉപേക്ഷിച്ചാൽ ജപ്പാന്​ താങ്ങില്ല
കഴിഞ്ഞ ഡിസംബറിലെ കണക്കു പ്രകാരം 2600 കോടി ഡോളർ (1.9 ലക്ഷം കോടി രൂപ) ആണ്​ ടോക്യോ ഒളിമ്പിക്​സിനായി ആകെ പ്രതീക്ഷിച്ച ചെലവ്​. പ്രധാന വേദിയായി ​നാഷനൽ സ്​റ്റേഡിയം നിർമാണം മുതൽ ഒളിമ്പിക്​സ്​ ഉദ്​ഘാടനവും മറ്റും ഉൾ​പ്പെടെ. നേരത്തെ കണക്കാക്കിയതിനേക്കാൾ ഇരട്ടിയിലേറെയായിരുന്നു ഇൗ തുക​.
കാൻസായ്​ സർവകലാശാലയും ജപ്പാൻ ​ബ്രോഡ്​കാസ്​റ്റിങ്​ കോർപറേഷനും നടത്തിയ പഠന പ്രകാരം മാറ്റിവെച്ചതിലൂടെ 580കോടി ഡോളർ അധിക ​െചലവ്​ പ്രതീക്ഷിക്കുന്നു. എന്നാൽ, ഒളിമ്പിക്​സ്​ പൂർണമായും ഉപേക്ഷിക്കപ്പെട്ടാൽ ഉണ്ടാവുന്ന നഷ്​ടം രാജ്യാന്തര ഒളിമ്പിക്​സിനെയും ജപ്പാനെയും സാമ്പത്തികമായി തകർക്കും. 4,150 കോടി ഡോളറെങ്കിലും നഷ്​ടമാണ്​ പ്രതീക്ഷിക്കുന്നത്​. അതുകൊണ്ട്​ എന്ത്​ വിലകൊടുത്തും 2021ൽ ഒളിമ്പിക്​സ്​ നടത്താനാണ്​ സംഘാടകരുടെ ശ്രമം.

ഇനിയൊരു മാറ്റമില്ല; 
വാക്​സിനാണ്​ മറുമരുന്ന്​
​േടാക്യോ: കഴിഞ്ഞയാഴ്​ചയായിരുന്നു ​‘ക്യോഡോ ന്യൂസി​​െൻറ’ അഭിപ്രായ സർവേ ഫലം പുറത്തുവിട്ടത്​. സർവേയിൽ പ​െങ്കടുത്ത 36 ശതമാനം പേർ ഒളിമ്പിക്​സ്​ വേണ്ടെന്നും, മറ്റൊരു 33 ശതമാനം ഒരിക്കൽകൂടി മാറ്റിവെക്കണമെന്നുമായിരുന്നു ആവശ്യപ്പെട്ടത്​.

എന്നാൽ, കോവിഡ്​ പ്രതിരോധ വാക്​സിൻ വികസിപ്പിക്കുന്നത്​ സംബന്ധിച്ച്​ പുതുതായി കേൾക്കുന്ന വാർത്തകൾ സംഘാടകർക്ക്​ പ്രതീക്ഷ നൽകുന്നതാണ്​. ഇക്കാര്യം ടോക്യോ ഒളിമ്പിക്​സ്​ കമ്മിറ്റി പ്രസിഡൻറ്​ യോഷിറോ മോറിയും വ്യക്​തമാക്കുന്നു. ‘കൃത്യമായി പറഞ്ഞാൽ ഒളിമ്പിക്​സ്​ യാഥാർഥ്യമാവാൻ പ്രതിരോധ മരുന്ന്​ വികസിപ്പിക്കൽ അത്യാവശ്യമാണ്​. കോവിഡ്​ ​മാറ്റമില്ലാതെ തുടരുകയാണെങ്കിൽ അടുത്ത വർഷവും ഒളിമ്പിക്​സ്​ സാധ്യമാവുകയില്ല. അത്തരമൊരു അവസ്​ഥ​ സങ്കൽപിക്കുന്നില്ല. എന്നാൽ, സാഹചര്യങ്ങൾ മാറുമെന്ന്​ ഉറപ്പുണ്ട്​’ -യോഷിറോ മോറി പറഞ്ഞു.

കാണികളില്ലാതെ ഒളിമ്പിക്​സ്​ സംഘടിപ്പിക്കുന്നതിനോടും അദ്ദേഹം വിയോജിപ്പ്​ പ്രകടിപ്പിച്ചു. ഒളിമ്പിക്​സ്​ മാറ്റിവെച്ചത്​ മൂലം അധികചെലവുണ്ടായതും, നിലവിലെ സാഹചര്യവും പരിഗണിച്ച്​ പുതിയ സ്​പോൺസർമാർ രംഗത്തു വന്നതായി ‘ടോക്യോ 2020’ സി.ഇ.ഒ തോഷിറോ മ്യൂ​േട്ടാ അറിയിച്ചു. നിലവിലെ സ്​പോൺസർമാരുടെ കരാർ 2021ലേക്ക്​ ദീർഘിപ്പിച്ചതായും അദ്ദേഹം പറഞ്ഞു.