സർക്കാർ അവഗണന​; ദേശീയ ഗെയിംസ് ജേതാക്കൾ മെഡൽ തിരികെനൽകുന്നു

തി​രു​വ​ന​ന്ത​പു​രം: സം​സ്ഥാ​ന സ​ർ​ക്കാ​റി​െൻറ നി​ര​ന്ത​ര അ​വ​ഗ​ണ​ന​യെ​തു​ട​ർ​ന്ന് 2015ലെ ​ദേ​ശീ​യ ഗെ​യിം​സ ് മെ​ഡ​ൽ ജേ​താ​ക്ക​ൾ മെ​ഡ​ൽ സ​ർ​ക്കാ​റി​ന് തി​രി​ച്ചു​ന​ൽ​കു​ന്നു. വാ​ഗ്ദാ​നം ചെ​യ്ത ജോ​ലി ന​ൽ​കാ​ത്ത​തി​ ലും മ​ന്ത്രി​മാ​രി​ൽ​നി​ന്നു​ണ്ടാ​യ മോ​ശം പെ​രു​മാ​റ്റ​ത്തി​ലും പ്ര​തി​ഷേ​ധി​ച്ചാ​ണ് 83 കാ​യി​ക​താ​ര​ങ്ങ ​ൾ ടീം ​ഇ​ന​ത്തി​ൽ ത​ങ്ങ​ൾ​ക്ക് കി​ട്ടി​യ വെ​ള്ളി, െവ​ങ്ക​ല​മെ​ഡ​ലു​ക​ൾ കാ​യി​ക​മ​ന്ത്രി​ക്ക് ന​ൽ​കു​ക. ഇ​തി​ന് മു​ന്നോ​ടി​യാ​യി വെ​ള്ളി​യാ​ഴ്ച രാ​വി​ലെ 10.30ന് ​പ്ര​സ് ക്ല​ബ് പ​രി​സ​ര​ത്തു​നി​ന്ന്​ സെ​ക്ര​േ​ട്ട​റി​യ​റ്റി​ലേ​ക്ക് താ​ര​ങ്ങ​ൾ മാ​ർ​ച്ച് ന​ട​ത്തും. തു​ട​ർ​ന്ന് മ​ന്ത്രി​യെ നേ​രി​ൽ ക​ണ്ട് മെ​ഡ​ലു​ക​ൾ തി​രി​ച്ചു​ന​ൽ​കു​മെ​ന്ന് ക​യാ​ക്കി​ങ്ങി​ൽ വെ​ള്ളി​മെ​ഡ​ൽ നേ​ടി​യ സു​ബീ​ഷ് ‘മാ​ധ്യ​മ’​ത്തോ​ട് പ​റ​ഞ്ഞു.

ദേ​ശീ​യ ഗെ​യിം​സി​ലെ കേ​ര​ള​ത്തി​െൻറ മി​ക​ച്ച പ്ര​ക​ട​ന​ത്തി​െൻറ അ​ടി​സ്ഥാ​ന​ത്തി​ൽ ക​ഴി​ഞ്ഞ യു.​ഡി.​എ​ഫ് സ​ർ​ക്കാ​റാ​ണ് മെ​ഡ​ൽ ജേ​താ​ക്ക​ൾ​ക്ക് ജോ​ലി പ്ര​ഖ്യാ​പി​ച്ച​ത്. വ്യ​ക്തി​ഗ​ത വി​ഭാ​ഗ​ത്തി​ല്‍ മെ​ഡ​ലു​ക​ളും ടീം ​ഇ​ന​ത്തി​ല്‍ സ്വ​ര്‍ണ മെ​ഡ​ലു​ക​ളും നേ​ടി​യ 68 കാ​യി​ക​താ​ര​ങ്ങ​ള്‍ക്ക് ക​ഴി​ഞ്ഞ​വ​ർ​ഷം 28 വ​കു​പ്പു​ക​ളി​ല്‍ എ​ല്‍.​ഡി ക്ല​ര്‍ക്കി​െൻറ സൂ​പ്പ​ര്‍ ന്യൂ​മ​റി ത​സ്തി​ക​ക​ള്‍ സൃ​ഷ്​​ടി​ച്ച് എ​ൽ.​ഡി.​എ​ഫ് സ​ര്‍ക്കാ​ര്‍ ജോ​ലി ന​ൽ​കി​യി​രു​ന്നു. എ​ന്നാ​ൽ, ടീം ​ഇ​ന​ത്തി​ൽ വെ​ള്ളി, വെ​ങ്ക​ല മെ​ഡ​ൽ ജേ​താ​ക്ക​ളെ പ​രി​ഗ​ണി​ച്ചി​ല്ല.

ഇ​വ​ർ​ക്ക് പൊ​തു​മേ​ഖ​ല സ്ഥാ​പ​ന​ങ്ങ​ളി​ൽ ജോ​ലി ന​ൽ​കു​മെ​ന്ന് നി​യ​മ​സ​ഭ​യി​ലും പൊ​തു​വേ​ദി​ക​ളി​ലും മു​ഖ്യ​മ​ന്ത്രി​യും കാ​യി​ക​മ​ന്ത്രി​യും ആ​വ​ർ​ത്തി​ച്ച് പ്ര​ഖ്യാ​പി​ച്ചെ​ങ്കി​ലും തു​ട​ർ​ന​ട​പ​ടി​ക​ൾ ഉ​ണ്ടാ​യി​ല്ലെ​ന്നാ​ണ്​ പ​രാ​തി. നാ​ലു​വ​ർ​ഷ​മാ​യി ജോ​ലി​ക്കാ​യി സ്പോ​ർ​ട്സ് കൗ​ൺ​സി​ലി‍​െൻറ​യും കാ​യി​ക​മ​ന്ത്രി​യു​ടെ​യും ഓ​ഫി​സു​ക​ൾ ക​യ​റി​യി​റ​ങ്ങി​യെ​ങ്കി​ലും അ​വ​ഗ​ണ​ന​യാ​യി​രു​ന്നു ഫ​ലം.

പൊ​തു​മേ​ഖ​ല സ്ഥാ​പ​ന​ങ്ങ​ളി​ൽ 1000ത്തോ​ളം ഒ​ഴി​വു​ക​ൾ റി​പ്പോ​ർ​ട്ട് ചെ​യ്തി​ട്ടും ഒ​രു ഒ​ഴി​വി​ൽ​പോ​ലും ത​ങ്ങ​ളെ പ​രി​ഗ​ണി​ക്കു​ന്നി​ല്ലെ​ന്ന് കാ​യി​ക​താ​ര​ങ്ങ​ൾ ആ​രോ​പി​ക്കു​ന്നു. കാ​യി​ക​മ​ന്ത്രി​യു​ടെ ഓ​ഫി​സി​ൽ എ​ത്തി​യെ​ങ്കി​ലും പ​ല​രു​ടെ​യും ഭാ​ഗ​ത്തു​നി​ന്ന്​ മോ​ശം പെ​രു​മാ​റ്റ​മാ​ണ് ഉ​ണ്ടാ​യ​ത്. ഇ​തോ​ടെ​യാ​ണ് മെ​ഡ​ലു​ക​ൾ തി​രി​ച്ചു​ന​ൽ​കാ​ൻ തീ​രു​മാ​നി​ച്ച​ത്.