അനസിന്​ ലോക ചാമ്പ്യൻഷിപ്​​ യോഗ്യതയും

ന്യൂഡൽഹി: ശനിയാഴ്​ച രാത്രിയിൽ ചെക്ക്​റിപ്പബ്ലിക്കിലെ കൽഡാനോ അത്​ലറ്റിക്​സിൽ 400 മീറ്ററിൽ ദേശീയ റെക്കോഡ്​ പ് രകടനത്തോടെ സ്വർണം നേടിയ മലയാളി താരം മുഹമ്മദ്​ അനസിന്​ ലോക ചാമ്പ്യൻഷിപ്​​ യോഗ്യതയും.

45.21 സെക്കൻഡിലായിരുന്നു അനസ്​ സ്വന്തം റെക്കോഡ്​ തിരുത്തിയത്​. ഇതേ പ്രകടനത്തിൽ ദോഹ ലോക ചാമ്പ്യൻഷിപ്​​​ യോഗ്യതാസമയമായ 45.30 സെക്കൻഡ്​ എന്ന കടമ്പയും കടന്നു.

വനിതകളുടെ 200 മീറ്ററിൽ ഹിമ ദാസ്​ (23.43 സെ) സ്വർണം നേടി. 11 ദിവസത്തിനിടെ ഹിമയുടെ മൂന്നാം രാജ്യാന്തര സ്വർണമാണിത്​. 400 മീറ്റർ വനിതകളിൽ മലയാളിതാരം ജിസ്​ന മാത്യു (53.76 സെ) വെള്ളി നേടി.