ഗോവ ദേശീയ ഗെയിംസ്​ 2018 നവംബറിൽ

പനാജി: 36ാമത്​ ദേശീയ ഗെയിംസ്​ 2018 നവംബർ നാലു​ മുതൽ 17 വരെ ഗോവയിൽ. 2016 നവംബറിൽ നടക്കേണ്ടിയിരുന്ന ദേശീയ ഗെയിംസ്​ സ്​റ്റേഡിയങ്ങളുടെ നിർമാണം, പൊതുതെരഞ്ഞെടുപ്പ്​ എന്നിവ കാരണം അനിശ്ചിതമായി നീളുകയായിരുന്നു. ഝാർഖണ്ഡ്​ വേദിയായ 34ാം ഗെയിംസും 2015ൽ കേരളം വേദിയായ 35ാം ഗെയിംസും അനിശ്ചിതമായി വൈകിയതും ഗോവ ദേശീയ ഗെയിംസി​​െൻറ കാലതാമസത്തിന്​ വഴിവെച്ചു. ഗോവ സ്​പോർട്​സ്​ അതോറിറ്റിയാണ്​ ഇപ്പോൾ തീയതി പ്രഖ്യാപിച്ചത്​. 30 ഇനങ്ങളിലായി രാജ്യത്തെ സംസ്​ഥാനങ്ങൾ, കേ​ന്ദ്രഭരണ പ്രദേശങ്ങൾ, സർവിസസ്​ എന്നിവയിൽ നിന്നുള്ള താരങ്ങളാണ്​ മേളയിൽ മാറ്റുരക്കുന്നത്​.