സ്​പോർട്​സ്​ ​േക്വാട്ട നിയമനം ഇനി പി.എസ്​.സി വഴി; ഒരു വർഷം ചുരുങ്ങിയത് 150 കായികതാരങ്ങൾക്ക് നിയമനം

കൊച്ചി: സ്​പോർട്​സ്​ ​േക്വാട്ടയിൽ കായികതാരങ്ങൾക്ക് ജോലി നൽകുന്നത് ഇനി പി.എസ്.​സിയിലൂടെയായിരിക്കുമെന്ന് സ്​പോർട്​സ്​ കൗൺസിൽ സംസ്​ഥാന പ്രസിഡൻറ് ടി.പി. ദാസൻ വാർത്തസമ്മേളനത്തിൽ അറിയിച്ചു. പി.എസ്.​സി നിയമനത്തിൽ ഒരു ശതമാനം സ്​പോർട്സ്​ ​േക്വാട്ടയായി നീക്കിവെക്കും. വർഷം ചുരുങ്ങിയത് 150 കായികതാരങ്ങൾക്ക് നിയമനം നൽകും. നിലവിൽ സ്​പോർട്​സ്​ ​േക്വാട്ട നിയമനങ്ങൾ കൃത്യമായി നടക്കുന്നില്ല. ജനറൽ അഡ്മിനിസ്​േട്രഷൻ ഡിപ്പാർട്മ​െൻറാണ് ഇതി​െൻറ പട്ടിക തയാറാക്കി നടപടി സ്വീകരിക്കേണ്ടത്. എന്നാൽ, ഇവർക്ക് ഇത് കൃത്യമായി ചെയ്യാൻ കഴിയാറില്ല. ഇത് കായികതാരങ്ങൾക്ക് വലിയ ബുദ്ധിമുട്ടുണ്ടാക്കുന്നു.  

അണ്ടർ 17 ലോകകപ്പ് ഫുട്ബാളി​െൻറ ആവേശം നിലനിർത്താൻ ഫുട്ബാളിന്​ പ്രത്യേക പരിശീലന പദ്ധതി നടപ്പാക്കും. ഏതുതരം പരിശീലനമാണ് നൽകേണ്ടതെന്ന്​ കേരള ഫുട്ബാൾ അസോസിയേഷനും ഓൾ ഇന്ത്യ ഫുട്ബാൾ ഫെഡറേഷനുമായി ആലോചിച്ച് തീരുമാനിക്കും. ഓപറേഷൻ ഒളിമ്പ്യയിൽ ഉൾപ്പെടുത്തിയിരിക്കുന്ന 11 കായിക ഇനങ്ങളിലെ പരിശീലനം ഏപ്രിലിൽ ആരംഭിക്കും. ഇന്ത്യയുടെ പുറത്തുനിന്നുള്ള പരിശീലകരും പദ്ധതിയുടെ ഭാഗമാവും. 14നും 20നും മധ്യേ പ്രായമുള്ള 250 പേരെയാണ്​ പദ്ധതിയിൽ ഉൾപ്പെടുത്തുന്നത്​. അത്​ലറ്റിക്സിൽ 40 പേരുണ്ടാകും ^20 ആൺകുട്ടികളും 20 പെൺകുട്ടികളും. ​െതരഞ്ഞെടുക്കപ്പെടുന്നവർക്ക് തിരുവനന്തപുരത്ത് ഗ്രീൻഫീൽഡ് സ്​റ്റേഡിയത്തിൽ താമസമൊരുക്കും. ഒളിമ്പിക്സ്​, ഏഷ്യൻ^ കോമൺവെൽത്ത് ചാമ്പ്യൻഷിപ്പുകളിൽ മെഡൽ സാധ്യതയുള്ള ഇനങ്ങളാണ് പദ്ധതിയിലുൾപ്പെടുത്തുക. ഇതിനൊപ്പം കായികക്ഷമത  മിഷൻ പദ്ധതിയും ആരംഭിക്കും. നവംബർ മുതൽ പദ്ധതി ആരംഭിക്കാനാണ് ലക്ഷ്യമിടുന്നത്. നഴ്സറിതലം മുതൽ മുതിർന്ന പൗരന്മാർ വരെയുള്ളവരെ ലക്ഷ്യം വെച്ചുള്ളതാണ് പദ്ധതി. വൈസ്​ പ്രസിഡൻറ് മേഴ്സികുട്ടൻ, സെക്രട്ടറി ആൻഡ് ഡയറക്ടർ സഞ്ജയൻ കുമാർ, ജില്ല പ്രസിഡൻറ് സക്കീർ ഹുസൈൻ എന്നിവരും വാർത്തസമ്മേളനത്തിൽ പങ്കെടുത്തു.