നടത്തം: സൗമ്യക്ക് ദേശീയ റെക്കോഡ്
text_fieldsന്യൂഡൽഹി: വനിതകളുടെ 20 കി.മീ. നടത്തത്തിൽ മലയാളി താരം ബി. സൗമ്യക്ക് ദേശീയ റെക്കോഡ്. ന്യൂഡൽഹിയിൽ നടന്ന ദേശീയ വാക്കിങ് ചാമ്പ്യൻഷിപ്പിൽ ഒരു മണിക്കൂർ 31:28.72 മിനിറ്റിൽ ഫിനിഷ് ചെയ്താണ് മലയാളിതാരം റെക്കോഡും സ്വർണവും സ്വന്തം പേരിലാക്കിയത്. കോമൺവെൽത്ത് ഗെയിംസിനുള്ള യോഗ്യതാ മാർക്കും കടന്നാണ് സൗമ്യ സ്വർണമണിഞ്ഞത്. 2014ൽ കുശ്ഭീർ കൗർ സ്ഥാപിച്ച 1:31:40.00 എന്ന റെക്കോഡാണ് സൗമ്യ തിരുത്തിയത്. സി.ആർ.പി.എഫ് അംഗമായ താരം ഡൽഹിക്കുവേണ്ടിയാണ് മത്സരിച്ചത്. തിരുവനന്തപുരം സ്വദേശിയാണ്.
പുരുഷ വിഭാഗം 20 കി.മീ. നടത്തത്തിൽ മലയാളി ഒളിമ്പ്യൻ കെ.ടി. ഇർഫാൻ സ്വർണമണിഞ്ഞു. ഫോേട്ടാഫിനിഷിൽ ഒരു മണിക്കൂർ 21:31.25 മിനിറ്റിലാണ് ഇർഫാൻ ഒന്നാമതെത്തിയത്. ഉത്തരാഖണ്ഡിെൻറ മനീഷ് റാവത്ത് രണ്ടും ഹരിയാനയുടെ നീരജ് മൂന്നും സ്ഥാനം നേടി. ആദ്യ മൂന്ന് സ്ഥാനക്കാരും കോമൺവെൽത്ത് ഗെയിംസ് യോഗ്യത നേടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.