ഡെന്മാർക്​​ ഒാപൺ: സൈന ഫൈനലിൽ

ഒഡൻസ്​ (ഡെന്മാർക്​​): ഡെന്മാർക്​ ഒാപൺ ബാഡ്​മിൻറണിൽ ഇന്ത്യൻതാരം കിഡംബി ശ്രീകാന്തി​​​െൻറ കുതിപ്പിന്​ സെമിയിൽ അവസാനമായപ്പോൾ, വനിത സിംഗ്​ൾസിൽ സൈന നെഹ്​വാൾ ഫൈനലിൽ. ഇ​ന്തോനേഷ്യയുടെ ലോക 19ാം റാങ്കുകാരിയായ ഗ്രിഗോറിയ തുങ്​ജുങ്ങിനെ 21-11, 21-12 സ്​കോറുകൾക്ക്​ അനായസം കീഴടക്കിയാണ്​ സൈനയുടെ മുന്നേറ്റം. ഫൈനലിൽ തായ്​വാൻ താരം തായ്​ സുയിങ്ങുമായി ഇതേ​ാടെ സൈന ഏറ്റുമുട്ടും.

അതേസമയം, സെമി പോരാട്ടത്തിൽ ജപ്പാ​​െൻറ ലോക ഒന്നാം നമ്പർ താരം കീൻ​േൻറാ മൊമോറ്റയോട്​ തോറ്റാണ്​​ ശ്രീകാന്ത്​ പുറത്താവുന്നത്​. ജപ്പാൻതാരത്തിനു മുന്നിൽ പിടിച്ചുനിൽക്കാനാവ​ാതെ നേരിട്ടുള്ള സെറ്റുകൾക്കായിരുന്നു ശ്രീകാന്തി​​െൻറ തോൽവി. സ്​കോർ: 21-16, 21-12.

ആദ്യ സെറ്റിൽ ജപ്പാൻ താരത്തിനെതിരെ ഒപ്പത്തിനൊപ്പം ശ്രീകാന്ത്​ പൊരുതിയെങ്കിലും അവസാനത്തിൽ മത്സരം കൈവിടുകയായിരുന്നു. രണ്ടാം സെറ്റിലും ജപ്പാൻതാരം വിട്ടുകൊടുക്കാതെ മുന്നേറിയതോടെ ഇന്ത്യൻ താരത്തി​​െൻറ തോൽവി വേഗത്തിലായി. ​നേരത്തേ, ഇന്ത്യൻ ക്വാർട്ടർ പോരിൽ സമീർ വർമയെ 22-20, 19-21, 23-21 സ്​കോറുകൾക്ക്​ ​തോൽപിച്ചായിരുന്നു ശ്രീകാന്ത്​ സെമിയിലെത്തിയത്​.