ഫ്രഞ്ച്​ ഓപൺ: ശ്രീകാന്ത്​, കശ്യപ്​, സമീർ പുറത്ത്​

പാരിസ്​: ഫ്രഞ്ച്​ ഓപൺ ബാഡ്​മിൻറൺ ടൂർണമ​െൻറി​​െൻറ പുരുഷ വിഭാഗം സിംഗ്​ൾസിൽ ഇന്ത്യൻ താരങ്ങളായ കെ. ശ്രീകാന്ത്​, പ ി. കശ്യപ്​, സമീർ വർമ എന്നിവർ ആദ്യ റൗണ്ടിൽ തോറ്റുപുറത്തായി.

ആദ്യ ഗെയിം സ്വന്തമാക്കിയ ശ്രീകാന്ത്​ അടുത്ത ര ണ്ടെണ്ണം വിട്ടുനൽകി ചൈനീസ്​ തായ്​പേയിയുടെ ലോക രണ്ടാം നമ്പർ താരം ചൗ ടിയൻ ചെനിനോട്​ തോൽവി വഴങ്ങുകയായിരുന്നു. സ്​കോർ: 21-15, 7-21, 14-21. ചൗവിനെതിരെ ശ്രീകാന്തി​​െൻറ തുടർച്ചയായ നാലാം തോൽവിയാണിത്​.

83 മിനിറ്റ്​ നീണ്ട പോരാട്ടത്തിൽ ​സമീർ ലോക 13ാം നമ്പർ താരമായ ജപ്പാ​​െൻറ ക​െൻറ നിഷിമോട്ടയോട് പൊരുതിത്തോൽക്കുകയായിരുന്നു. ആദ്യ സെറ്റ്​ സ്വന്തമാക്കിയെങ്കിലും 22-20, 18-21, 18-21ന്​ താരം പരാജയപ്പെടുകയായിരുന്നു.

പി. കശ്യപ്​ ഹോ​ങ്കോങ്ങി​​െൻറ ലേങ്​ ആൻഗസിനോട്​ അനായാസം കീഴടങ്ങി (11-21, 9-21). മിക്​സഡ്​ ഡബ്​ൾസിൽ അശ്വിനി പൊന്നപ്പ-സാത്വിക്​സായ്​രാജ്​ റാങ്കിറെഡ്​ഡി സഖ്യം നാലാം സീഡായ കൊറിയൻ താരങ്ങളോട്​ നേരിട്ടുള്ള സെറ്റുകൾക്ക്​ തോറ്റു​ പുറത്തായി (17-21, 18-21).