‘ഫൈനൽ ഫോബിയ’ മറികടന്ന​െതങ്ങനെയെന്ന്​ വെളിപ്പെടുത്തി പി.വി സിന്ധു

ന്യൂഡൽഹി: രണ്ട് ​വട്ടം കപ്പിനും ചുണ്ടിനുമിടയിൽ നഷ്​ടപ്പെട്ട ലോക ചാമ്പ്യൻഷിപ്പ്​ കിരീടം കഴിഞ്ഞ വർഷം ബേസലിൽ കൈപ്പിടിയിലൊതുക്കി പി.വി. സിന്ധു ത​​െൻറ ‘​ൈഫനൽ​േഫാബിയ’ കാറ്റിൽ പറത്തിയിരുന്നു. എങ്ങനെയാണ്​ ഫെനൽ സമ്മർദ്ദം മ റികടന്നതെന്നും ‘സിൽവർ സിന്ധു’ എങ്ങനെയാണ്​ ‘സ്വർണ സിന്ധു’ ആയതെന്നും വെളിപ്പെടുത്തിയിരിക്കുകയാണ്​ ഹൈദരാബാദുകാരി.

‘സെമിഫൈനലിലും ഫൈനലിലുമെത്തുന്നത് ​അത്ര എളുപ്പമല്ല. എന്നാൽ അത്​ ജനങ്ങൾക്കറിയില്ലല്ലോ. ഏതൊരു തോൽവിക്ക്​ശേഷവും ഇപ്രാവശ്യം എനിക്ക്​ നേടാനാകുമെന്ന്​ മനസിലുറപ്പിക്കും ആളുകളുടെ വിമർശനം നമ്മൾ മുഖവിലക്കെടുക്കേണ്ട കാര്യമില്ലല്ലോ. തിരിച്ചുവരിക, പിഴവുകൾ തിരുത്തുക, മുന്നേറുക ’ ക്രിക്കറ്റ്​താരങ്ങളായ സ്​മൃതി മന്ദാനയും ജെമീമ റോഡ്രിഗസും പ​ങ്കെടുത്ത ‘ഡബ്​ൾ ട്രബ്​ൾ’ ടോക്​ഷോയിൽ സിന്ധു പറഞ്ഞു.

‘കഴ​ിഞ്ഞ വർഷം എ​​െൻറ മുന്നാമ​ത്തെ ലോക ചാമ്പ്യൻഷിപ്പ്​ ഫൈനലായിരുന്നു. രണ്ട്​ തവണ ഞാൻ വെങ്കലവും നേടി. എന്ത്​വില കൊടുത്തും ഇത്തവണ ജയിക്കണമെന്നായിരുന്നുമനസിൽ. അവൾ വീണ്ടും ഫൈനൽ ​തോറ്റുവെന്ന്​ ആളുകളെക്കൊണ്ട്​പറയാൻ താൽപര്യമില്ലായിരുന്നു. എന്തുസംഭവിച്ചാലും പ്രശ്​നമില്ലെന്ന്​ ചിന്തിച്ച്​ 100 ശതമാനവും കളിയിൽ അർപ്പിച്ചു. എനിക്ക്​ കിരീടം നേടണമെ​ന്ന്​ മാത്രമേ ഉണ്ടായിരുന്നുള്ളൂ. ആളുകൾ എന്നെ സിൽവർ സിന്ധുവെന്ന്​ വിളിക്കാറുണ്ട്​. ചിലപ്പോൾ അതാണ് ​എ​​െൻറ മനസിലേക്ക്​ വരാറ്​’- സിന്ധു പറഞ്ഞു.

ജപ്പാനീസ്​ താരം നൊസോമി ഒകുഹാരയെ 21-7, 21-7ന്​ തോൽപിച്ചാണ് സിന്ധു ആദ്യമായി ലോക കിരീടത്തിൽ മുത്തമിടുന്ന ഇന്ത്യൻ താരമായി മാറിയത്​.

2012ലെ ചൈനീസ്​ ഓപൺ സൂപ്പർ സീരീസ്​ ചാമ്പ്യൻഷിപ്പിൽ ആതിഥേയരുടെ ഒളിമ്പിക്​ ജേതാവായിരുന്ന ലി ഷൂറൂയിയെ പരാജയപ്പെടുത്തിയതാണ്​ ത​​െൻറ കരിയറിൽ വഴിത്തിരിവായതെന്ന്​ സിന്ധുപറഞ്ഞു. ത​​െൻറ കഴിവി​​െൻറ പരമാവധി നൽകണമെന്ന ലക്ഷ്യവുമായാണ്​ ആദ്യ ഒളിമ്പിക്​സിനായി റിയോയിലേക്ക്​ പറന്നതെന്നും എന്നാൽ വെള്ളി നേടാനാകുമെന്ന്​ കരുതിയതല്ലെന്നും സിന്ധു കൂട്ടിച്ചേർത്തു. സ്​പെയിനി​​െൻറ കരോലിന മരിനോടായിരുന്നു അന്ന്​ കലാശക്കളിയിൽ സിന്ധു മുട്ട്​മടക്കിയത്​.