സൂപ്പര്‍ സീരീസ്: ഫൈനല്‍സ് ശ്രീകാന്ത് പുറത്ത്

ദുബൈ: തുടര്‍ച്ചയായ രണ്ടാമത്തെ തോല്‍വിയോടെ ബി.ഡബ്ള്യു.എഫ് സൂപ്പര്‍ സീരീസ് ഫൈനല്‍സ് ബാഡ്മിന്‍റണില്‍ ഇന്ത്യന്‍താരം കെ. ശ്രീകാന്ത് പുറത്ത്. 37 മിനിറ്റ് നീണ്ട മത്സരത്തില്‍ ഡെന്മാര്‍ക്കിന്‍െറ വിക്ടര്‍ അക്സെല്‍സനിനോട് നേരിട്ടുള്ള സെറ്റുകള്‍ക്ക് തോറ്റാണ് ശ്രീകാന്ത് പുറത്തായത്. സ്കോര്‍: 13-21, 18-21. ലോക ആറാം നമ്പര്‍ താരമായ വിക്ടര്‍ തുടക്കത്തില്‍ തന്നെ ലീഡെടുത്ത് ഇന്ത്യന്‍ താരത്തെ സമ്മര്‍ദത്തിലാക്കി. എന്നാല്‍ തിരിച്ചടിച്ച ശ്രീകാന്ത് 11-10 എന്ന നിലയിലേക്കത്തെി. പക്ഷേ ശ്രീകാന്തിന്‍െറ പിഴവുകള്‍ മുതലെടുത്ത വിക്ടര്‍ ഇടവേളക്ക് ശേഷം 16-11ന്‍െറ ലീഡ് നേടുകയും അധികം വൈകാതെ ഒന്നാം സെറ്റ് സ്വന്തമാക്കുകയും ചെയ്തു.