ഐ.പി.എല്‍ വാതുവെപ്പ്: കോഴിക്കോട് നാലു പേര്‍ അറസ്റ്റില്‍

സെയില്‍സ് ടാക്സ് ഓഫിസിന് സമിപത്തെ സൂപ്പര്‍ മാര്‍ക്കറ്റ് കെട്ടിടത്തിലെ മൂന്നാംനിലയില്‍ എട്ടാം നമ്പര്‍ റൂമില്‍നിന്നാണ് ഇവരെ പിടികൂടിയത്. ഐ.പി.എല്‍ ക്രിക്കറ്റ് മാച്ചിലെ ഓരോ ഓവറിനെസംബന്ധിച്ചും ഫോണില്‍ വാതുവെപ്പ് നടത്തുകയാണ് ഇവരുടെ രീതി. ഫോണിലെ വിവരങ്ങള്‍ കടലാസില്‍ കുറിച്ചിട്ട് വാതുവെപ്പിന്‍െറ തുക അടുത്തദിവസം കൈമാറുകയാണ് പതിവ്. ശനിയാഴ്ച പിടിച്ചെടുത്ത തുക വെള്ളിയാഴ്ച നടന്ന മത്സരത്തിന്‍േറതാണെന്ന് നടക്കാവ് എസ്.ഐ ഗോപകുമാര്‍ അറിയിച്ചു. ഓണ്‍ലൈനായുള്ള വാതുവെപ്പിന്‍െറ ഇടനിലക്കാരാണ് പിടിയിലായതെന്നാണ് സൂചന. ഇവര്‍ വാതുവെപ്പ് തുകയേക്കാള്‍ 2000 രൂപ അധികം വാങ്ങുകയാണ് പതിവ്. ടെലിഫോണ്‍ വിശദാംശങ്ങള്‍ പരിശോധിച്ച് സംഭവത്തില്‍ കൂടുതല്‍ പേര്‍ക്ക് പങ്കുണ്ടോ എന്ന് കണ്ടത്തെണമെന്നും പൊലീസ് അറിയിച്ചു.